សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ការដឹកជញ្ជូនពីកម្ពុជាទៅចិន និងការដឹកជញ្ជូនពីប្រទេសចិនមកកម្ពុជា នាពេលបច្ចុប្បន្ននេះភាគច្រើនធ្វើឡើងតាមផ្លូវអាកាស និងផ្លូវទឹក តែបើដឹកតាមផ្លូវអាកាសត្រូវចំណាយថវិកាខ្ពស់ ដូច្នេះជម្រើសតែមួយគឺដឹកតាមផ្លូវទឹក និងត្រូវចំណាយពេលវេលាយូរក្នុងការដឹកជញ្ជូន។
ដើម្បីសម្រួលដល់ការដឹកជញ្ជូនឱ្យបានលឿនពីប្រទេសចិន ក្រុមអ្នកដឹកជញ្ជូនកម្ពុជាបានទៅទស្សនកិច្ចសិក្សានៅប្រទេសឡាវ ដើម្បីគ្រោងតភ្ជាប់ការដឹកជញ្ជូនពីចិនតាមឡាវចូលមកម្ពុជា។
លោកឧកញ៉ា ស៊ិន ចន្ធី ប្រធានសមាគមភស្តុភារកម្មកម្ពុជា បានមានប្រសាសន៍មុនធ្វើដំណើរទៅកាន់ប្រទេសឡាវនៅថ្ងៃទី២១ មិថុនា ២០២២ ឱ្យដឹងថា កន្លងមក ការដឹកជញ្ជូនពីប្រទេសចិនមកកម្ពុជា និងពីកម្ពុជាទៅប្រទេសចិនត្រូវធ្វើឡើងតាមផ្លូវទឹក និងត្រូវចំណាយពេលវេលាយូរ។
លោកឧកញ៉ា បានឱ្យដឹងទៀតថា ៖
“បច្ចុប្បន្ន ប្រទេសចិនបានតភ្ជាប់ផ្លូវដែកមកប្រទេសឡាវដោយផ្ទាល់ ហើយប្រទេសឡាវក៏ជាប្រទេសដែលជាប់នឹងកម្ពុជា ដូច្នេះទើបយើង ក្នុងនាមជាអ្នកដឹកជញ្ជូននៅកម្ពុជា ទៅចូលរួមទស្សនកិច្ចនៅប្រទេសឡាវ ដើម្បីសិក្សាលទ្ធភាពក្នុងការតភ្ជាប់ការដឹកជញ្ជូនពីប្រទេសចិនមកកម្ពុជាតាមរយៈឡាវ”
លោកឧកញ៉ាបន្តថា បើសិនជាគម្រោងសិក្សានេះទទួលបានជោគជ័យ និងមានការព្រមព្រៀងគ្នានោះ យើងនឹងទទួលបានផលចំណេញច្រើន ជាពិសេសពេលវេលាតែម្ដង។ ការដឹកជញ្ជូនតាមផ្លូវទឹក ផ្លូវសមុទ្រត្រូវប្រើពេលពី១០ថ្ងៃ ទៅកន្លះខែ តែបើសិនជាយើងអាចចរចារ និងដឹកពីប្រទេសចិនមកកាន់ឡាវ ហើយតមកកម្ពុជា នោះយើងនឹងចំណេញពេលវេលាច្រើន និងអាចបញ្ជូនទំនិញទៅកាន់អតិថិជនបានលឿនទាន់ពេលវេលាផងដែរ។
លោកឧកញ៉ាបន្ថែមថា វិស័យដឹកជញ្ជូនបានជួបប្រទះនឹងបញ្ហាអស់រយៈពេល ២ ឆ្នាំមកហើយ ហើយក៏បានប្រសើរឡើងវិញ ក្រោយពីរាជរដ្ឋាភិបាលសម្រេចបើកប្រទេសឡើងវិញនៅចុងឆ្នាំ ២០២១ កន្លងទៅនេះ។ មិនបានប៉ុន្មានខែក្រោយបើកប្រទេស ពិភពលោកក៏ជួបប្រទះនឹងបញ្ហាម្ដងទៀតពីសង្គ្រាមរវាងរុស្ស៊ី និងអ៊ុយក្រែន និងបានធ្វើឱ្យតម្លៃប្រេងឥន្ធនៈហក់ឡើងម្ដងទៀត និងបណ្ដាលឱ្យវិស័យដឹកជញ្ជូនបានជួបនឹងបញ្ហាជាថ្មី។ យ៉ាងណាក្ដីក៏វាមិនបណ្ដាលឱ្យសកម្មភាពដឹកជញ្ជូនអាក់ខាន ដូចកាលពីសម័យកូវីដ១៩ រាលដាលខ្លាំងនោះដែរ។
លោកឧកញ៉ាបញ្ជាក់ថា សកម្មភាពដឹកជញ្ជូនរបស់ក្រុមហ៊ុនដឹកជញ្ជូននានាបានត្រលប់មកធ្វើសកម្មភាព ១០០ ភាគរយឡើងវិញ ហើយក្នុងអំឡុងពេលវិបត្តិប្រេងឥន្ធនៈឡើងថ្លៃដូចគ្នា ក្រុមហ៊ុនដឹកជញ្ជូនក៏បានសុំអតិថិជនរបស់ខ្លួនឡើងថ្លៃពី ១៥ ទៅ ២០ ភាគរយ និងសន្យាថា បញ្ចុះតម្លៃមកវិញ នៅពេលតម្លៃប្រេងឥន្ធនៈធ្លាក់មកនៅធម្មតាវិញ។
សូមបញ្ជាក់ថា រាជរដ្ឋាភិបាលបានជំរុញការសាងសង់ និងអភិវឌ្ឍន៍ផ្លូវតភ្ជាប់ទៅកាន់ច្រកព្រំដែនកម្ពុជា និងប្រទេសជិតខាង ដើម្បីសម្រួលដល់ការដឹកជញ្ជូនទំនិញចេញ-ចូលប្រទេស បង្កើនទំហំពាណិជ្ជកម្ម និងសម្រួលដល់ទេសចរចេញចូលរវាងប្រទេសជិតខាង និងកម្ពុជាផងដែរ។ ទន្ទឹមនឹងនោះដែរ សម្ដេចតេជោ ហ៊ុន សែន នាយករដ្ឋមន្ត្រីក៏បានជំរុញបង្កើតតំបន់សេដ្ឋកិច្ចពិសេសនៅតាមច្រកទ្វារព្រំដែនកម្ពុជា ទាក់ទាញការវិនិយោគជាតិនិងអន្តរជាតិ បង្កើតការងារដល់ប្រជាពលរដ្ឋនៅច្រកព្រំដែន ក៏ដូចជាប្រជាពលរដ្ឋកម្ពុជាទាំងមូល ជំរុញការធ្វើពាណិជ្ជកម្មរវាងកម្ពុជា និងអន្តរជាតិជាដើម៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រថយន្តអគ្គិសនីឆ្លាតវៃ Chery Q ស៊េរីឆ្នាំ២០២៧ សម្ពោធជាផ្លូវការនៅកម្ពុជា ជាមួយតម្លៃពិសេស ក្រោម ២ម៉ឺនដុល្លារ
ព្រឹត្តិការណ៍, អត្ថបទពាណិជ្ជកម្ម
• 10/11/2026
រាជធានីភ្នំពេញ៖ កាលពីព្រឹកថ្ងៃសៅរ៍ ចុងសប្ដាហ៍កន្លងទៅនេះ ក្រុមហ៊ុន Chery Cambodia បានរៀបចំកម្មវិធីសម្ពោធជាផ្លូវការនូវរថយន្តអគ្គិសនីជំនាន់ថ្មី Chery Q ស៊េរីឆ្នាំ២០២៧ នៅឯអគារតាំងបង្ហាញសាខាសែនសុខ។ រថយន្តម៉ូដែលថ្មីនេះរចនាឡើងយ៉ាងពិសេស ដើម្បីឆ្លើយតបទៅនឹងតម្រូវការរបស់យុវវ័យសម័យថ្មី (Gen Z) ក្រុមគ្រួសារ និងការរស់នៅបែបស៊ីវិល័យក្នុងទីក្រុង។ក្រោមពាក្យស្លោក «Happiness Starts with
BYD ដាក់សម្ពោធស្ថានីយ FLASH Charge ផ្លូវជាតិលេខ ៦A ជាផ្លូវការ៖ កម្ពុជាឈានចូលយុគសម័យ «សាកថ្មពេញក្នុងរយៈពេល ៩ នាទី»
ព្រឹត្តិការណ៍, អត្ថបទពាណិជ្ជកម្ម
• 07/11/2026
ភ្នំពេញ ៖ នាព្រឹកថ្ងៃទី ៦ ខែវិច្ឆិកា ឆ្នាំ ២០២៦ ស្ថានីយ FLASH Charge អាជីវកម្មដំបូងបង្អស់របស់ BYD នៅកម្ពុជា (ស្ថានីយ FLASH Charge ផ្លូវជាតិលេខ ៦A ខណ្ឌជ្រោយចង្វារ ហៅកាត់ថា
ប្តូរទម្លាប់សន្សំប្រាក់ ៖ ហេតុអ្វីបានជាមូលប័ត្របំណុលជាពាក្យគន្លឹះថ្មីសម្រាប់គ្រួសារកម្ពុជា?
ចំណេះដឹងទូទៅ, ព្រឹត្តិការណ៍, ហិរញ្ញវត្ថុ
• 06/11/2026
ភ្នំពេញ ៖ មនុស្សទូទៅអាចនឹងសើចនៅពេលដែលនរណាម្នាក់និយាយថា ខ្លួនធ្លាប់បានវិនិយោគលើ «ប័ណ្ណបំណុល ឬមូលបត្របំណុល» ព្រោះពាក្យបច្ចេកទេសនេះស្តាប់ទៅហាក់ដូចជាឆ្ងាយពីខ្លួន។ ប៉ុន្តែ បើក្រឡេកមើលវិស័យហិរញ្ញវត្ថុមិនមែនធនាគារ ទីផ្សារមូលធនរបស់កម្ពុជាកំពុងមានការផ្លាស់ប្តូរយ៉ាងស្ងប់ស្ងាត់តែមានសារៈសំខាន់ ព្រោះរាជរដ្ឋាភិបាលបានចាប់ផ្តើមបោះផ្សាយលក់មូលបត្ររដ្ឋរួចទៅហើយ។ រាជរដ្ឋាភិបាលក៏បានអនុម័តឱ្យមានការបោះផ្សាយបន្ថែមទៀតក្រោមក្របខ័ណ្ឌថវិកាឆ្នាំ២០២៦។ ជាមួយគ្នានេះ និយ័តករមូលបត្រក៏កំពុងជំរុញឱ្យមានការបោះផ្សាយមូលបត្រសាជីវកម្មថ្មីៗជាច្រើន ដោយមានការគាំទ្រពីវិធានការលើកទឹកចិត្តផ្នែកពន្ធថ្មីៗ ដើម្បីទាក់ទាញទាំងក្រុមហ៊ុន និងអ្នកសន្សំប្រាក់។ មូលបត្ររដ្ឋ គឺជាអ្វីទៅ? និយាយឱ្យងាយយល់
យុវជនជំនាន់ថ្មីមួយក្រុមបង្កើតកម្មវិធីទូរសព្ទ អាចវាស់ស្ទង់សារធាតុក្នុងចំណីអាហារ មានឈ្មោះថា Nham Health
ព្រឹត្តិការណ៍, អាជីវកម្មថ្មី និងនវានុវត្ត
• 06/11/2026
ភ្នំពេញ ៖ កម្មវិធីប្រកួតប្រជែងបង្កើត Mobile App សម្រាប់យុវវ័យពានរង្វាន់របស់ធនាគារក្នុងស្រុកមួយ បានរកឃើញក្រុមយុវជនដែលទទួលបានជ័យលាភី ជាមួយប្រាក់រង្វាន់សរុបរហូតដល់ ៥០០០ដុល្លារអាម៉េរិក ក្រោយការបង្កើតកម្មវិធីទូរសព្ទដៃ ដែលអាចវាស់ស្ទង់សារធាតុដែលមាននៅក្នុងចំណីអាហារ។ កញ្ញា តាំង ស៊ីវអេង ជាបេក្ខជនក្នុងក្រុមជ័យលាភីម្នាក់ក្នុងចំណោមសមាជិកចំនួន៣នាក់ មកពីសាកលវិទ្យាល័យពាណិជ្ជសាស្ត្រអេស៊ីលីដា ដែលបង្កើតកម្មវិធីទូរសព្ទដៃឈ្មោះថា Nham Health បានឱ្យដឹងថា
រដ្ឋមន្ត្រីក្រសួងដែនដី ណែនាំឱ្យស្ថាបត្យករ និងវិស្វករ គូសប្លង់និងសាងសង់ត្រូវគិតពីបរិយាកាស និងទំនៀមទម្លាប់ប្រពៃណីរបស់ប្រជាជនតាមតំបន់
Top News, ព្រឹត្តិការណ៍, អចលនទ្រព្យ
• 06/11/2026
រដ្ឋមន្ត្រីក្រសួងដែនដី ឯកឧត្តមសាយ សំអាល់ បានណែនាំឱ្យស្ថាបត្យករនិងវិស្វករគិតគូរពីសំណង់នៅតាមតំបន់ឱ្យស្របតាមបរិយាកាសនិងប្រពៃណី ...
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content