សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ការប្រកាសគួរឲ្យភ្ញាក់ផ្អើលរបស់នាយករដ្ឋមន្ត្រីកាណាដា លោក Justin Trudeau កាលពីដើមសប្តាហ៍នេះថា លោកនឹងលាលែងពីតំណែងក្រោយពេលដែលបក្សកាន់អំណាច Liberal Party អាចជ្រើសរើសបានមេដឹកនាំថ្មីនៅក្នុងរយៈពេលប៉ុន្មានខែខាងមុខនេះ។ ពាក់ព័ន្ធទៅនឹងបញ្ហានេះអ្នកជំនាញល្បីៗនៅប្រទេសចិនបាននាំគ្នាវិភាគថា វាអាចក្លាយទៅជាឱកាសល្អនៃការពង្រឹងទំនាក់ទំនងការទូតឡើងវិញរវាងប្រទេសទាំង២បន្ទាប់ពីមានភាពរកាំរកូសអស់រយៈពេលជាច្រើនឆ្នាំកន្លងទៅនេះ ជាពិសេស អាចបង្ករស្ថានការពាណិជ្ជកម្មឱ្យកាន់តែប្រសើរជាងពេលបច្ចុប្បន្ន។
លោក Trudeau ត្រូវបានគេទទួលស្គាល់ថាគឺជាមេដឹកនាំដែលបានកាន់អំណាចយូរជាងគេបំផុតក្នុងប្រវត្តិសាស្ត្ររបស់ប្រទេសកាណាដា ហើយក៏ជាមេដឹកនាំដែលកាន់តំណែងយូរជាងគេបំផុតនៅក្នុងជួរមេដឹកនាំរបស់ក្រុមប្រទេស G7 ផងដែរ។
អ្នកជំនាញផ្នែកទំនាក់ទំនងអន្តរជាតិនៃទីក្រុងសៀងហៃ លោក Shen Dingli បានលើកឡើងថា ការផ្លាស់ប្តូរមេដឹកនាំនយោបាយរបស់ប្រទេសកាណាដានៅពេលនេះនឹងក្លាយទៅជាច្រកចេញមួយដែលជាឱកាសក្នុងការធ្វើឲ្យភាពតានតឹងផ្នែកនយោបាយរវាងប្រទេសទាំងពីរបានធូរស្រាល។
សូមរំលឹកដែរថា ក្រោមការដឹកនាំរបស់លោក Trudeau ចាប់តាំងតែពីឆ្នាំ២០១៥ មក ទំនាក់ទំនងរវាងប្រទេសចិន និងកាណាដា បានដាំក្បាលចុះជាបន្តបន្ទាប់ដល់កម្រិតមួយដែលពិបាកនឹងស្រោចស្រង់បំផុត ពីព្រោះថាវាបានឈានទៅដល់ការដាក់ពន្ធតម្លៃទំនិញប្រឆាំងគ្នាទៅវិញទៅមក។
មកទល់ឆ្នាំ២០១៨ ទំនាក់ទំនងរវាងប្រទេសទាំង២បានធ្លាក់ចុះដល់កម្រិតទាបបំផុតនៅពេលដែលរដ្ឋាភិបាលកាណាដាបានសម្រេចចិត្តក្នុងការឃាត់ខ្លួនប្រធានផ្នែកហិរញ្ញវត្ថុនៃក្រុមហ៊ុនយក្សរបស់ចិន Huawei គឺលោកស្រី Meng Wanzhou ក្នុងនាមជំនួសឲ្យសហរដ្ឋអាមេរិកប៉ុណ្ណោះ។
យ៉ាងណាក៏ដោយ អ្នកជំនាញបានព្រមានថា អនាគតមេដឹកនាំ និងបក្សកាន់អំណាចរបស់កាណាដាគួរតែប្រយ័ត្នប្រយែងឲ្យបានល្អជាងនេះចំពោះការរក្សាតុល្យភាពទំនាក់ទំនងកាទូតរវាងសហរដ្ឋអាមេរិកនិងភាគីខាងរដ្ឋាភិបាលចិន ជៀសវាងខាតបង់ផលប្រយោជន៍ធំនាពេលខាងមុខ៕
Account
Security
Favourite Content