ចិន វ៉ាដាច់ សហរដ្ឋអាម៉េរិក ក្លាយជាដៃគូពាណិជ្ជកម្មកំពូលទី ១ របស់អាល្លឺម៉ង់ក្នុងឆ្នាំ២០២៥

បរទេស ៖ ចិន បានវ៉ាដាច់សហរដ្ឋអាម៉េរិកក្នុងការក្លាយជាដៃគូពាណិជ្ជកម្មកំពូលទី១របស់អាល្លឺម៉ង់ ខណៈដែលអធិការបតី លោក Friedrich Merz នឹងធ្វើដំណើរទស្សនកិច្ចជាលើកដំបូងទៅកាន់ទីក្រុងប៉េកាំង នេះបើយោងតាមការរាយការណ៍ពី The Guardian។

អ្នកនាំពាក្យរដ្ឋាភិបាលអាល្លឺម៉ង់ លោក Sebastian Hille បានបង្ហើបថា អធិការបតី លោក Friedrich Merz នឹងធ្វើដំណើរទៅកាន់ប្រទេសចិននៅថ្ងៃអង្គារ៍ សប្ដាហ៍ក្រោយ ដែលនឹងទទួលបានកិច្ចស្វាគមន៍ដោយក្រុមកម្លាំងយោធាកិត្តិយសនៅទីក្រុងប៉េកាំងនាថ្ងៃពុធ ក្រោមវត្តមានរបស់នាយករដ្ឋមន្ត្រី Li Qiang មុនពេលជួបពិភាក្សាជាមួយប្រធានាធិបតី Xi Jinping ក្នុងពិធីទទួលទានអាហារពេលល្ងាច។ ក្នុងអំឡុងពេលដំណើរទស្សនកិច្ចរយៈពេល២ថ្ងៃទៅកាន់ប្រទេសចិន លោក​ Merz នឹងទៅទស្សនាព្រះរាជវាំងចិន ឬ Forbidden City, ក្រុមហ៊ុន រ៉ូបូត Unitree Robotics, ក្រុមហ៊ុនផលិតរថយន្តអាល្លឺម៉ង់ Mercedes-Benz និងក្រុមហ៊ុនផលិតទួរប៊ីន Siemens Energy ។ បន្ថែមពីនេះ លោកក៏នឹងទៅទស្សនាទីក្រុងហាងចូវផងដែរ។

ការិយាល័យស្ថិតិរបស់អាល្លឺម៉ង់បានចេញផ្សាយថា ចិន គឺជាដៃគូពាណិជ្ជកម្មដ៏ធំបំផុតរបស់ខ្លួន ជាមួយទំហំរហូតដល់ប្រមាណ ២៥១ ពាន់លានអឺរ៉ូ ឬស្មើនឹងប្រមាណ ២៩៦,៦ ពាន់លានដុល្លារ ក្នុងឆ្នាំ២០២៥ កើនឡើង ២,២% ធៀបនឹងឆ្នាំ២០២៤។ អាល្លឺម៉ង់ នាំចូលទំនិញពីចិនមានតម្លៃប្រមាណ ១៧០,៦ ពាន់លានអឺរ៉ូ ឬស្មើនឹង ២០១,៦ ពាន់លានដុល្លារ ដែលច្រើនជាងទ្វេដងនៃតម្លៃនាំចេញពីអាល្លឺម៉ង់ទៅកាន់ប្រទេសចិន ប្រមាណត្រឹមតែ ៨១,៣ ពាន់លានអឺរ៉ូ ឬ ៩៦ ពាន់លានដុល្លារប៉ុណ្ណោះ។ ដោយឡែក សម្រាប់សហរដ្ឋអាម៉េរិក បានបាត់ដំណែងរបស់ខ្លួន និងធ្លាក់ទៅលេខរៀងទី២ ក្នុងនាមជាដៃគូពាណិជ្ជកម្មជាមួយអាល្លឺម៉ង់ ដោយទំហំពាណិជ្ជកម្មទ្វេភាគីមានតម្លៃប្រមាណ ២៤០ ពាន់លានអឺរ៉ូ  ឬ ២៨៣,៧ ពាន់លានដុល្លារ​ ធ្លាក់ចុះ ៥% ធៀបនឹងឆ្នាំ២០២៤ ដោយសារសម្ពាធពន្ធគយរបស់ប្រធានាធិបតីលោក Donald Trump ។

គួរកត់សម្គាល់ថា នាយកប្រតិបត្តិរបស់ក្រុមហ៊ុន BMW លោក Oliver Zipse នឹងក្លាយជាអ្នកតំណាងអាជីវកម្មម្នាក់ក្នុងចំណោម ២០ នាក់ ដើម្បីអមដំណើរអធិការបតី លោក Friedrich Merz ក្នុងដំណើរទស្សនកិច្ចទៅកាន់ប្រទេសចិននាសប្ដាហ៍ក្រោយនេះ។

លោក Oliver Zipse បានលើកឡើងថា បញ្ហាប្រឈមសកលដ៏ស្មុគស្មាញអាចដោះស្រាយទៅបាន ដោយសារការធ្វើការរួមគ្នា។ ដំណើរទស្សនកិច្ចទៅកាន់ប្រទេសចិន បានបង្ហាញពីសញ្ញាវិជ្ជមាននៃកិច្ចសន្ទនា និងកិច្ចសហប្រតិបត្តិការដ៏រឹងមាំ។

សូមបញ្ជាក់ដែរថា សហភាពអឺរ៉ុបធ្លាប់ដាក់ពន្ធលើការនាំចូលរថយន្តអគ្គិសនីពីចិនក្នុងឆ្នាំ២០២៤ ក្រោមហេតុផលថា ការផលិតរបស់ចិនច្រើនលើសលប់ដែលធ្វើឲ្យការនាំចូលមានផលប៉ះពាល់ដល់អ្នកផលិតរបស់អឺរ៉ុប។ មិនត្រឹមតែប៉ុណ្ណោះ សហភាពអឺរ៉ុបចង់ដាក់ចេញនូវគំនិតផ្តួចផ្តើមមួយចំនួនដើម្បីផ្តាច់ខ្លួនចេញពីប្រទេសចិនផងដែរ ដោយសារមហាអំណាចមួយនេះគ្របដណ្តប់លើការផ្គត់ផ្គង់រ៉ែកម្រ និងរ៉ែកម្រកែច្នៃ ឬ រ៉ែចម្រាញ់ ដូចជា លីចូម ដែលសំខាន់សម្រាប់អាគុយ EV និងមេដែកជាធាតុផ្សំចាប់ពីរថយន្ត និងទូរទឹកកក រហូតដល់យន្តហោះយោធាជាដើម។ យ៉ាងណាមិញ វិធានការដាក់ពន្ធលើការនាំចូលរថយន្តអគ្គិសនីពីចិន មានឥទ្ធិពលតិចតួចប៉ុណ្ណោះលើការលក់ដោយសាររថយន្តចិនមានតម្លៃថោកជាង ដែលធ្វើឲ្យមានការប្រកួតប្រជែងខ្លាំងនៅក្នុងទីផ្សារពិភពលោក​។

ជាមួយគ្នានេះ ស្របពេលដែលចិននៅតែជាផ្នែកមួយយ៉ាងសំខាន់សម្រាប់គាំទ្រដល់ឧស្សាហកម្មរថយន្តរបស់ខ្លួន អាល្លឺម៉ង់ បានបោះឆ្នោតប្រឆាំងនឹងសហភាពអឺរ៉ុបក្នុងការដាក់ពន្ធនេះ ខណៈដែលកិច្ចទំនាក់ទំនងពាណិជ្ជកម្មរបស់អាល្លឺម៉ង់ជាមួយចិនក៏មានភាពស្មុគ្រស្មាញ វត្តមានក្រុមហ៊ុនផលិតរថយន្តរបស់ខ្លួនកំពុងមានសង្វាក់ផលិតកម្មនៅក្នុងប្រទេសចិន។ ក្រុមហ៊ុនរថយន្តអាល្លឺម៉ង់ Volkswagen បានចាត់ទុកថា ចិន ជាផ្ទះទី២ របស់ខ្លួន ខណៈដែលក្រុមហ៊ុន BMW និង Mercedes-Benz ក៏ពឹងផ្អែកយ៉ាងខ្លាំងលើការលក់នៅក្នុងទីផ្សារប្រទេសចិនផងដែរ៕




របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រុមហ៊ុនបច្ចេកវិទ្យាអវកាសរបស់បារាំង Thales និងសាកលវិទ្យាល័យ ខេមតិច ចាប់ដៃគូស្វែងរកកិច្ចសហប្រតិបត្តិការលើការអប់រំ និងការស្រាវជ្រាវក្នុងវិស័យអវកាសនៅកម្ពុជា

ព្រឹត្តិការណ៍, អត្ថបទពាណិជ្ជកម្ម

• 20/11/2026

ភ្នំពេញ ៖ ក្រុមហ៊ុន «Thales» មកពីប្រទេសបារាំង និងសាកលវិទ្យាល័យ ខេមតិច (CamTech) បានចុះហត្ថលេខាលើអនុស្សរណៈនៃការយោគយល់គ្នា (MoU) នៅថ្ងៃទី ១៦ ខែវិច្ឆិកា ឆ្នាំ ២០២៦ ដើម្បីស្វែងរកកិច្ចសហប្រតិបត្តិការលើវិស័យអប់រំ និងការស្រាវជ្រាវផ្នែកអវកាស និងអាកាសចរណ៍។ កិច្ចព្រមព្រៀងនេះត្រូវបានចុះហត្ថលេខាដោយឧកញ៉ាវេជ្ជបណ្ឌិត ពុង

LOLC KHQR ផ្តល់ជូននូវភាពងាយស្រួល និងឱកាសឈ្នះរង្វាន់ទឹកប្រាក់ ១៦៨ ០០០ រៀល ដល់អាជីវករក្នុងឱកាសពិធីបុណ្យអុំទូកខាងមុខ!

ព្រឹត្តិការណ៍, អត្ថបទពាណិជ្ជកម្ម

• 20/11/2026

ពិធីបុណ្យអុំទូក បណ្តែតប្រទីប និងសំពះព្រះខែ អកអំបុក កាន់តែខិតជិតមកដល់ហើយ ដែលជាពេលវេលាដ៏មមាញឹកសម្រាប់អាជីវករនៅតាមតំបន់ដែលមានអ្នកធ្វើដំណើរច្រើន ជាពិសេសភោជនីយដ្ឋាន ឬអាហារដ្ឋានដែលលក់ម្ហូបអាហារ ហាងលក់ទំនិញ ឬសេវាកម្មនានា។ ជាមួយនឹងការកើនឡើងនៃចំនួនអតិថិជន អាជីវករក៏អាចប្រឈមនឹងបញ្ហាមួយចំនួនក្នុងការគ្រប់គ្រងការទូទាត់ ដូចជា ការទទួលសាច់ប្រាក់ ការរាប់ប្រាក់ ការរៀបចំប្រាក់អាប់ និងការកត់ត្រាប្រតិបត្តិការលក់ប្រចាំថ្ងៃ។ ដើម្បីជួយសម្រួលដល់បញ្ហាប្រឈមទាំងនេះ អិលអូអិលស៊ី សូមផ្តល់ជូននូវដំណោះស្រាយទូទាត់ឌីជីថលតាមរយៈ

១៨ខែ ខេត្ត​​ភាគឦសានទទួលបានគម្រោង​វិនិយោគចំនួន ៧៦គម្រោង​ បង្កើតឱកាស​ការងារ​បានជាង​ ៨,៣ម៉ឺនកន្លែង​

ព្រឹត្តិការណ៍, សេដ្ឋកិច្ច

• 20/11/2026

ក្នុងរយៈពេលត្រឹមតែ១៨ខែ ឬ១ឆ្នាំកន្លះ តំបន់ភូមិភាគឦសាន​បានទទួល​គម្រោង​វិនិយោគ៧៦គម្រោង​ជាមួយនឹងទុនវិនិយោគ ២,៦៥ពាន់​លានដុល្លារអាម៉េរិក​បង្កើតការងារបានជា​ង៨ម៉ឺននាក់​

ក្រោយកិច្ចប្រជុំកំពូលអាស៊ាន លោក ដូណាល់ ត្រាំ ប្រមូលកិច្ចព្រមព្រៀង និងគម្រោងវិនិយោគជាង ១៧ ពាន់លានដុល្លារនៅអាស៊ីអាគ្នេយ៍

ព្រឹត្តិការណ៍, សេដ្ឋកិច្ច

• 20/11/2026

បរទេស៖ ប្រធានាធិបតីអាម៉េរិកលោក ដូណាល់ ត្រាំ បានប្រកាសពីកិច្ចព្រមព្រៀងពាណិជ្ជកម្ម និងការវិនិយោគជាយុទ្ធសាស្ត្រដែលមានទំហំទឹកប្រាក់សរុបជាង ១៧ ពាន់លានដុល្លារសម្រាប់ក្រុមហ៊ុនអាម៉េរិកនៅក្នុងតំបន់អាស៊ីអាគ្នេយ៍ បន្ទាប់ពីបញ្ចប់ដំណើរទស្សនកិច្ចនៅប្រទេសហ្វីលីពីន នេះបើយោងតាមសេចក្ដីរាយការណ៍ពី CNA។ សេតវិមានបានបញ្ជាក់នៅក្នុងសេចក្តីថ្លែងការណ៍មួយថា កិច្ចព្រមព្រៀងទាំងនោះរួមមាន ការសម្រេចជាស្ថាពររបស់ក្រុមហ៊ុន Boeing និង GE Aerospace ក្នុងការលក់យន្តហោះប្រភេទ Boeing

អ្នកជំនាញអាមេរិក កោតសរសើរសន្ទុះនៃភាពរីកចម្រើនផ្នែក Fintech និងបរិយាកាសវិនិយោគនៅកម្ពុជា

ជំនួញ, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត

• 20/11/2026

ភ្នំពេញ ៖ ក្រោយពេលបានមកទស្សនាប្រទេសកម្ពុជាចំនួន ៨ ដង ចាប់តាំងពីឆ្នាំ២០១២ លោក Mitch Pettit ភ្ញៀវទេសចរក៏ដូចជាអ្នកជំនួញជនជាតិអាមេរិក បានកោតសរសើរចំពោះភាពរីកចម្រើនឥតឈប់ឈររបស់កម្ពុជា ដោយសង្កត់ធ្ងន់ថា ក្រុមហ៊ុនបច្ចេកវិទ្យាហិរញ្ញវត្ថុថ្មីៗ (Fintech startups) សហគ្រិន ត្រួសត្រាយផ្លូវ និងការអភិវឌ្ឍហេដ្ឋារចនាសម្ព័ន្ធយ៉ាងឆាប់រហ័ស បានលេចចេញជារូបរាងឡើងជារៀងរាល់ឆ្នាំ។ ថ្លែងប្រាប់សារព័ត៌មាន

ក្រសួង​កសិកម្ម​​ និង​ FAO ​ផ្តល់​គ្រឿងយន្ត​ ​៣​១​គ្រឿង​ ​ជំរុញ​ផលិតកម្ម​ស្រូវ​សរីរាង្គ​នៅ​ព្រះវិហារ​

ព្រឹត្តិការណ៍, សេដ្ឋកិច្ច

• 20/11/2026

ក្រសួង​កសិកម្ម​ ​រុក្ខា​ប្រមាញ់​ និង​នេសាទ​ ​សហការ​ជាមួយ​អង្គការ​ស្បៀង ​និង​កសិកម្ម​នៃ​សហ​ប្រជា​ជាតិ​ ​(​FA​O​)​ ​តាមរយៈ​គម្រោង​គជ់ ​បាន​ផ្តល់​គ្រឿងយន្ត​កសិកម្ម​ចំនួន​ ៣១​គ្រឿង​ ដល់​សហគមន៍​កសិកម្ម​ក្នុង​ខេត្ត​ព្រះវិហារ ​ដើម្បី​ជំរុញ​ផលិតកម្ម​ស្រូវ​សរីរាង្គ ​បង្កើន​ផលិតភាព​ ​និង​កាត់បន្ថយ​ថ្លៃ​ដើម​ផលិតកម្ម​

ទូតអាមេរិកថ្មី បន្តពូនជ្រំ និងជំរុញកិច្ចសហប្រតិបត្តិការទ្វេភាគី ខណៈពាណិជ្ជកម្មកម្ពុជា-អាមេ​រិក ១០ខែ ឆ្នាំ២០២៦ ហក់ឡើងដល់ជិត ១៤ពាន់លានដុល្លារ

ព្រឹត្តិការណ៍, សេដ្ឋកិច្ច

• 19/11/2026

ភ្នំពេញ៖ ឯកអគ្គរដ្ឋទូតសហរដ្ឋអាមេរិកថ្មីប្រចាំកម្ពុជា ឯកឧត្តម Christopher Anderson បានបង្ហាញពីការប្តេជ្ញាបន្តពូនជ្រុំទំនាក់ទំនង និងជំរុញកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគទ្វេភាគីឱ្យកាន់តែរឹងមាំ ខណៈដែលពាណិជ្ជកម្មរវាងប្រទេសទាំងពីរក្នុងរយៈពេល ១០ខែ ឆ្នាំ២០២៦ សម្រេចបានទំហំទឹកប្រាក់រហូតដល់ ១៣,៨២ពាន់លានដុល្លារ ដែលជាសញ្ញាវិជ្ជមានគួរជាទីមោទន។ ក្នុងឱកាសទទួលបានការអនុញ្ញាតចូលជួបសម្តែងការគួរសមជាមួយសម្តេចធិបតី ហ៊ុន ម៉ាណែត នាព្រឹកថ្ងៃទី១៨ ខែវិច្ឆិកា

ទំហំពាណិជ្ជកម្មកម្ពុជា-អូស្ត្រាលី ហក់ឡើងជាង ៣.៥ពាន់លានដុល្លារនៅក្នុងរយៈពេលប៉ុន្មានឆ្នាំចុងក្រោយ

Top News, ព្រឹត្តិការណ៍, សេដ្ឋកិច្ច

• 19/11/2026

ភ្នំពេញ ៖ ពាណិជ្ជកម្មរវាងប្រទេសកម្ពុជា -អូស្ត្រាលី នាពេលបច្ចុប្បន្នបានកើនឡើងប្រមាណ ៣ដង គិតត្រឹមរយៈពេល ៥ ឆ្នាំចុងក្រោយនេះ ដែលកាន់តែបង្កើតឱកាសការងារជាច្រើនសម្រាប់ពលរដ្ឋក្នុងស្រុក ក៏ដូចជាអាជីវកម្មរបស់អូស្ត្រាលីផងដែរ។  យោងតាមរបាយការណ៍របស់ក្រសួងពាណិជ្ជកម្មបានបង្ហាញថា បច្ចុប្បន្ន ទំហំពាណិជ្ជកម្មសរុបរវាងកម្ពុជា និងអូស្ត្រាលី បានកើនឡើងលើសពី ៣ ០០០លានដុល្លារ គិតចាប់ពីឆ្នាំ២០២០ រហូតដល់ដំណាច់ខែតុលា

ប្រទេសសមាជិកសហភាពអឺរ៉ុប បើកភ្លើងខៀវឲ្យមានចុះហត្ថលេខាលើកិច្ចព្រមព្រៀងពាណិជ្ជកម្មជាមួយឥណ្ឌូណេស៊ី

ព្រឹត្តិការណ៍, សេដ្ឋកិច្ច

• 19/11/2026

បរទេស៖ រដ្ឋាភិបាលនៃបណ្តាប្រទេសសមាជិកសហភាពអឺរ៉ុប (EU) អនុម័តលើការចុះហត្ថលេខាស្ដីពីកិច្ចព្រមព្រៀងពាណិជ្ជកម្មជាមួយឥណ្ឌូណេស៊ី ដែលធ្លាប់បានឯកភាពគ្នាកាលពីគ្រាមុន ដើម្បីទប់ទល់ផលប៉ះពាល់ពីការដំឡើងពន្ធគយរបស់អាម៉េរិក នេះបើយោងតាមសេចក្ដីរាយការណ៍ពី Al Jazeera ។ កាលពីថ្ងៃពុធកន្លងទៅនេះ ក្រុមប្រឹក្សាសហភាពអឺរ៉ុបបានចេញសេចក្តីសម្រេចអនុញ្ញាតឱ្យអនុវត្តកិច្ចព្រមព្រៀងពាណិជ្ជកម្មជាមួយឥណ្ឌូណេស៊ីជាបណ្តោះអាសន្ន ដោយភាគីទាំងពីរនឹងលុបចោលពន្ធនាំចូលលើមុខទំនិញជាង ៩០ ភាគរយ ហើយពន្ធនាំចូលចំនួន ៥០ ភាគរយរបស់ឥណ្ឌូណេស៊ីលើការនាំចូលរថយន្តពីសហភាពអឺរ៉ុប នឹងត្រូវលុបបំបាត់ចោលក្នុងរយៈពេល ៥

កាណាឌីយ៉ា អ៊ីមផេក ហ្វាន់ ចាប់ដៃគូជាមួយ Plug and Play APAC ដើម្បីតភ្ជាប់ក្រុមហ៊ុនធុរកិច្ចថ្មី របស់កម្ពុជា ទៅកាន់ឱកាសនានានៅលើឆាកអន្តរជាតិ

ព្រឹត្តិការណ៍, អត្ថបទពាណិជ្ជកម្ម

• 19/11/2026

ភ្នំពេញ ៖ កាណាឌីយ៉ា អ៊ីមផេក ហ្វាន់ (Canadia Impact Fund) បានចុះហត្ថលេខាលើអនុស្សរណៈនៃការយោគយល់គ្នា (MoU) ជាមួយក្រុមហ៊ុន Plug and Play APAC នៅក្នុងព្រឹត្តិការណ៍ហ្រ្វង់កូតិច (FrancoTech) 2026 ដែលបានរៀបចំឡើងនៅមជ្ឈមណ្ឌលតាំងពិព័រណ៍កោះពេជ្រ ក្នុងឱកាសនៃកិច្ចប្រជុំកំពូលហ្វ្រង់កូហ្វូនី


Leave a Reply

Your email address will not be published.Required fields are marked *