សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ មេដឹកនាំចិន លោកប្រធានាធិបតី Xi Jinping កំពុងរៀបចំផែនការក្នុងការដាក់លក្ខខណ្ឌដ៏គួរឲ្យភ្ញាក់ផ្អើលមួយគឺការដាក់សំពាធទៅលើប្រធានាធិបតីអាម៉េរិក Donald Trump ឱ្យដកខ្លួនចេញពីបញ្ហាឯករាជ្យភាពរបស់កោះតៃវ៉ាន់។
យោងតាមការចេញផ្សាយរបស់ The Telegraph កាលពីពេលថ្មីៗនេះបានសរសេរថា ចិន ចង់ឲ្យអាម៉េរិក ប្រឆាំងទៅនឹងការទាមទារឯករាជ្យភាពរបស់កោះតៃវ៉ាន់ ដើម្បីអាចបន្តធ្វើការចរចាគ្នាលើបញ្ហាជម្លោះពាណិជ្ជកម្មដែលនៅតែកំពុងអូសបន្លាយនៅឡើយតាំងតែពីខែមេសា ឆ្នាំ២០២៥រហូតមក។
ប្រភពដដែលបានពន្យល់ទៀតថា មេដឹកនាំចិន សង្ឃឹមថានឹងអាចចាប់យកឱកាសដ៏កម្រ ជាពិសេសក្រោយពេលដែលទទួលបានកិច្ចព្រមព្រៀងដ៏គួរឲ្យរីករាយរវាងកម្មវិធីបណ្តាញសង្គម TikTok ជាមួយនឹងរដ្ឋាភិបាលអាម៉េរិក ហើយបន្តបញ្ចុះបញ្ចូលឲ្យរដ្ឋបាលលោក Trump ដកការគាំទ្ររបស់ខ្លួនចេញពីក្រុងតៃប៉ិ។
កិច្ចខិតខំប្រឹងប្រឹងរបស់លោក Xi ទំនងអាចធ្វើទៅរួចដោយសារតែតាមផែនការរបស់មេដឹកនាំប្រទេសមហាអំណាចទាំង២ គ្រោងមានកិច្ចជំនួបដោយផ្ទាល់នៅក្នុងរយៈពេលប៉ុន្មានខែខាងមុខនេះ។ សូមបញ្ជាក់ថា កាលពីសប្តាហ៍មុននេះ លោក Trump បានបង្ហាញក្តីរីករាយក្នុងការទទួលជួបជាមួយនឹងលោក Xi នៅក្នុងកិច្ចប្រជុំកំពូលសេដ្ឋកិច្ចដែលគ្រោងនឹងធ្វើឡើងនៅក្នុងប្រទេសកូរ៉េខាងត្បូងនាអំឡុងខែក្រោយនេះ។ មិនត្រឹមតែប៉ុណ្ណោះ ប្រធានាធិបតីអាម៉េរិក ក៏នឹងត្រូវបំពេញទស្សនកិច្ចទៅកាន់ទីក្រុងប៉េកាំងនៅដើមឆ្នាំ២០២៦ផងដែរ ខណៈដែលមេដឹកនាំចិនក៏នឹងបំពេញទស្សនកិច្ចនៅអាម៉េរិកវិញដូចគ្នា ដើម្បីអាចបង្ហាញនូវភាពជោគជ័យរវាងគ្នាចំពោះកិច្ចការងារការទូតរវាងប្រទេសទាំង២។
សូមរំលឹកដែរថា ចិន តែងតែបន្តការតាំងចិត្តថា កោះតៃវ៉ាន់ គឺជាផ្នែកមួយនៃដែនអធិបតេយ្យភាពរបស់ខ្លួន និងចាត់ទុកថាច្រកសមុទ្រដែលមានប្រវែង១១០ម៉ាល ឬប្រមាណជា ១៧៧គីឡូម៉ែត្រនៃដែនកោះតៃវ៉ាន់នោះគឺស្ថិតនៅក្នុងយុត្តាធិការរបស់ខ្លួន ហើយមេដឹកនាំចិន លោក Xi ក៏តែងតែទន្ទេញថា គ្មានអ្នកណាម្នាក់អាចមករារាំងការរួបរួមគ្នារវាងចិន និងកោះតៃវ៉ាន់បាននោះឡើយ៕
Account
Security
Favourite Content