សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រុមអ្នកវិនិយោគចិន បាន និងកំពុងតែចាប់អារម្មណ៍ចំពោះសក្តានុពលវិនិយោគនៅកម្ពុជា តាមរយៈប្រតិភូសហគ្រិនដែលមានវត្តមានលើទឹកដីកម្ពុជា ដោយបានជួបពិភាក្សាការងារជាមួយស្ថាប័នកម្ពុជា និងបានសម្តែងនូវសុទិដ្ឋិនិយមចំពោះបរិយាកាសវិនិយោគនៅកម្ពុជា ហើយក៏នៅបន្តមានក្រុមហ៊ុនចិនជាច្រើនដែលនឹងមកស្វែងយល់ពីសក្តានុពលវិនិយោគជាក់ស្តែងនៅកម្ពុជាជាបន្តបន្ទាប់។
យោងតាមអគ្គលេខាធិការរង គណៈកម្មាធិការវិនិយោគកម្ពុជា (គ.វ.ក.) និងគណៈកម្មាធិការតំបន់សេដ្ឋកិច្ចពិសេសកម្ពុជា (គ.ស.ព.) លោក ជា វុទ្ធី កាលពីថ្ងៃទី២២ ខែសីហា ឆ្នាំ២០២៣ បានទទួលជួបពិភាក្សាការងារ និងសម្តែងការស្វាគមន៍ជូនចំពោះគណៈប្រតិភូសហគ្រិន ដែលប្រកបធុរកិច្ចលើវិស័យរ៉ែ និងថាមពល, កម្មន្តសាល ម៉ាស៊ីនកម្តៅ និងម៉ាស៊ីនត្រជាក់, ទេសចរណ៍, សណ្ឋាគារប្រចាំខេត្តហ្វូជៀន ដែលដឹកនាំដោយ លោក Xu Shiwen ប្រធានសហព័ន្ធសហគ្រាស ប្រចាំទីក្រុងហ្វូចូវ។
លោក ជា វុទ្ធី បានគូសរំលេចអំពីសក្តានុពលលើវិស័យ និងសកម្មភាពវិនិយោគនានាដូចមានចែងក្នុងមាត្រា ២៤ នៃច្បាប់ស្តីពីវិនិយោគនៃព្រះរាជាណាចក្រកម្ពុជា ដែលជាឱកាសសម្រាប់វិនិយោគិន ក្នុងការដាក់ទុនវិនិយោគ ដើម្បីទទួលបានផលចំណេញបន្ថែមពីលើកិច្ចសម្រួល និងការលើកទឹកចិត្តដែលផ្តល់ដោយរាជរដ្ឋាភិបាល។ លោកសង្ឃឹមយ៉ាងមុតមាំថា វិនិយោគិន និងធុរជនដែលបានអញ្ជើញមកសិក្សានាឱកាសនេះ នឹងទាញយកប្រយោជន៍ជាអតិបរមាពីការវិនិយោគលើវិស័យនានាដែលកម្ពុជាកំពុងមានសក្តានុពល តាមរយៈរូបភាពវិនិយោគដោយផ្ទាល់ ឬដោយចូលហ៊ុនជាមួយសហគ្រាសក្នុងស្រុក ឬភាពជាដៃគូរវាងរដ្ឋ និងវិស័យឯកជន ដើម្បីបម្រើទីផ្សារក្នុងស្រុក និងនាំចេញទៅកាន់ទីផ្សារតំបន់ និងអន្តរជាតិ។
លោក Xu Shiwen ដែលបានមកកាន់ទឹកដីកម្ពុជា ដោយផ្ទាល់ ក្នុងគោលបំណងសិក្សាស្វែងយល់អំពីបច្ចុប្បន្នភាពច្បាប់ និងបទប្បញ្ញត្តិពាក់ព័ន្ធនឹងការវិនិយោគ ព្រមទាំងកាលានុវត្តភាព និងបរិយាកាសវិនិយោគនៅកម្ពុជា ស្របពេលដែលរាជរដ្ឋាភិបាលថ្មី ដឹកនាំដោយឯកឧត្តមកត្តិទេសាភិបាលបណ្ឌិត ហ៊ុន ម៉ាណែត ទទួលបានការគាំទ្រពីរដ្ឋសភានៃព្រះរាជាណាចក្រកម្ពុជាឱ្យបន្តការពារសន្តិភាពបន្តការអភិវឌ្ឍ ។
លោកបណ្ឌិត ហុង វណ្ណៈ ប្រធាននាយកដ្ឋានសេដ្ឋកិច្ចអន្តរជាតិនៃវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជា បានសម្តែងការកត់សម្គាល់ថា ក្រុមហ៊ុនចិនជាច្រើនកំពុងស្វែងរកឱកាសវិនិយោគនៅលើវិស័យជាច្រើននៅកម្ពុជា ហើយវិនិយោគិនចិនដែលកំពុងបណ្តាក់ទុននៅកម្ពុជាត្រូវបានចែកវិនិយោគិនចិនជាពីរ គឺអ្នកវិនិយោគចិននៅមូលដ្ឋានក្នុងស្រុកកម្ពុជា ដែលមានមូលដ្ឋានអាជីវកម្មរបស់ខ្លួនស្រាប់មុនពេលកូវីដ-១៩ និងអ្នកវិនិយោគកំពុងតែចាប់ផ្ដើមប្រតិបត្តិការ និងអ្នកបោះទុនវិនិយោគនៅកម្ពុជា។
បណ្ឌិត ហុង វណ្ណៈ បានបញ្ជាក់ប្រាប់ AMS ថា ៖
«ក្រុមអ្នកវិនិយោគចិនទី២ គឺអ្នកវិនិយោគថ្មីៗបានធ្វើដំណើរទស្សនកិច្ចសិក្សា ក្នុងគោលបំណងមកបោះទុននៅកម្ពុជា ធ្វើការវិនិយោគ យើងសង្កេតឃើញមានជាច្រើន ចាប់តាំងពីការអនុវត្តកិច្ចព្រមព្រៀងពាណិជ្ជកម្មសេរីទ្វេភាគី ដែលចូលជាធរមាន កិច្ចសហប្រតិបត្តិការផ្នែកនយោបាយ និងពាណិជ្ជកម្មរវាងកម្ពុជា-ចិន បានកើនឡើងជាបន្តបន្ទាប់ក្រោយពីកូវីដ-១៩ បានស្ងប់ស្ងាត់ឥទ្ធិពល រួមទាំងការនាំចេញកសិផលទៅកាន់ទីផ្សារប្រទេសចិន ក៏កើនឡើងផងដែរ»។
លោកបណ្ឌិត បានគូសបញ្ជាក់ថា ធម្មតាអ្នកវិនិយោគិនបរទេសដែលមានបំណងចង់ធ្វើអាជីវកម្មច្បាស់លាស់ បោះទុនទៅលើការធ្វើពាណិជ្ជកម្មរបស់ខ្លួន តែងស្វែងរកទីកន្លែងដែលមានអំណោយផល និងមានកាលានុវត្តិភាពក្នុងផលចំណេញ។
Account
Security
Favourite Content