សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីរ៉យទ័របានរាយការណ៍ថា សហភាពអឺរ៉ុបគ្រោងនឹងដាក់ពន្ធបន្ថែមពី ២៥% ទៅដល់ ៥០% លើការនាំចូលដែកថែបរបស់ចិន និងផលិតផលពាក់ព័ន្ធក្នុងប៉ុន្មានសប្តាហ៍ខាងមុខនេះ។
កាលពីដើមខែកញ្ញានេះ ប្រធានគណៈកម្មាធិការសហភាពអឺរ៉ុប លោកស្រី Ursula von der Leyen បានបង្ហើបពីផែនការថ្មីមួយសម្រាប់ទប់ស្កាត់ការនាំចូលដែកថែបពីបរទេស ដើម្បីការពារអ្នកផលិតក្នុងស្រុក ដោយសារការផ្គត់ផ្គង់លើសចំណុះរបស់ពិភពលោកកាន់តែធ្វើឱ្យឧស្សាហកម្មដែកថែបរបស់អឺរ៉ុបទទួលបានចំណូលតិច។ ដូច្នោះហើយ គណៈកម្មាធិការសហភាពអឺរ៉ុបនឹងស្នើវិធីសាស្រ្តពាណិជ្ជកម្មរយៈពេលវែងថ្មីមួយ ដើម្បីទទួលបានជោគជ័យលើកិច្ចការពារដែកថែបដែលជិតផុតកំណត់។ នៅក្រោមច្បាប់ពាណិជ្ជកម្មសកល តំបន់អឺរ៉ុបមិនអាចពន្យារកិច្ចការពារដែកថែបដែលមានស្រាប់លើសពីពាក់កណ្តាលឆ្នាំ ២០២៦នោះ ទេ។
អ្នកជំនាញបានបានព្យាករណ៍ថា ការនាំចេញដែករបស់ចិននឹងកើនឡើងដល់កម្រិតខ្ពស់នៅឆ្នាំនេះ ដោយកើនឡើងពីចន្លោះ ៤% ទៅ ៩% ឬ ប្រហែល ១១៥ លានតោនទៅ ១២០ លានតោន។ ទន្ទឹមនឹងនេះ ចិន បានផលិតដែកថែបជាងពាក់កណ្តាលនៃចំនួនសរុបរបស់ពិភពលោក និងកំពុងត្រូវការទីផ្សារថ្មីបន្ថែមទៀត ដោយសារវិបត្តិនៃវិស័យអចលនទ្រព្យនៅចិនធ្វើឱ្យការប្រើប្រាស់លើទីផ្សារក្នុងស្រុកធ្លាក់ចុះ។ យ៉ាងណាមិញ ចិនប្រឈមនឹងការដំឡើងពន្ធគយ និងរបាំងពាណិជ្ជកម្មផ្សេងទៀតពីបរទេសចាប់តាំងពីឆ្នាំ២០២៤។
បន្ថែមពីនេះ អ្នកវិភាគក៏បានលើកឡើងដែរថា ការនាំចេញកាន់តែច្រើនរបស់ចិនបានធ្វើឱ្យប្រទេសផ្សេងៗទៀតបង្កើនការទប់ស្កាត់ ដោយសារពួកគេចាំបាច់ត្រូវការពារអ្នកផលិតក្នុងស្រុក។ ជាក់ស្តែង រោងចក្រចម្រាញ់ដែករបស់សហភាពអឺរ៉ុបជួបការលំបាកក្នុងការធានាលើការផ្គត់ផ្គង់សំណល់ដែកអេតចាយ ដែលជាធាតុដ៏សំខាន់មួយក្នុងការជំរុញឲ្យតំបន់មួយនេះកាត់បន្ថយការបញ្ចេញកាបូន។ កាលពីខែកក្កដា កន្លងទៅ សហភាពអឺរ៉ុប បានចាប់ផ្តើមត្រួតពិនិត្យលើការនាំចូល និងនាំចេញសំណល់ដែកអេតចាយ រួមមាន ដែកថែប អាលុយមីញ៉ូម និងទង់ដែង បន្ទាប់ពីមានការព្រមានលើការកង្វះខាតផលិតផលទាំងនេះនៅក្នុងឧស្សាហកម្ម និងអាចមានហានិភ័យនៃការបិទរោងចក្រចម្រាញ់៕
Account
Security
Favourite Content