កម្ពុជា បានរៀបចំយុទ្ធសាស្ត្រអាជីវកម្មបរិយាប័ន្នចំនួន៨ ដើម្បីអាចដំណើរការប្រកបដោយភាពរលូន

ភ្នំពេញ ៖ យោងតាមការផ្សព្វផ្សាយដោយ KhmerSME បានបង្ហាញថា នៅក្នុងអំឡុងឆ្នាំ២០១៩ រាជរដ្ឋាភិបាលកម្ពុជា តាមរយៈក្រសួងឧស្សាហកម្ម និងសិប្បកម្ម (បច្ចុប្បន្នក្រសួង ឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ – MISTI) បានធ្វើកិច្ចសហប្រតិបត្តិការជាមួយនឹង UNESCAP និងបណ្តាញសកម្មភាពអាជីវកម្មបរិយាប័ន្ន ឬ iBAN (Inclusive Business Action Network ) ដើម្បីរៀបចំរបាយការណ៍ស្ថានភាពទីផ្សារអាជីវកម្មបរិយាប័ន្ននៅកម្ពុជា។ របាយការណ៍បានសិក្សាអំពីក្រុមហ៊ុនដែលមានគំរូគំនិតផ្តួចផ្តើម និងសកម្មភាពអាជីវកម្មបរិយាប័ន្ន, របាយការណ៍វាយតម្លៃបរិយាកាសអំណាយផលសម្រាប់អាជីវកម្មបរិយាប័ន្ន និងរបាយការណ៍ផ្តល់សេចក្តីណែនាំសម្រាប់ការជំរុញអាជីវកម្មបរិយាប័ន្ន។

ដោយឡែក នៅក្នុងឆ្នាំ២០២០ ក្រសួង ឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ (MISTI) បានគាំទ្រដល់សេចក្តីណែនាំយុទ្ធសាស្ត្រនៃរបាយការណ៍ស្ថានភាពទីផ្សារអាជីវកម្មបរិយាប័ន្ននៅកម្ពុជា និងបានរៀបចំយុទ្ធសាស្ត្រអាជីវកម្មបរិយាប័ន្នកម្ពុជា (IBeeC Strategy) ជាមួយនឹងការផ្សព្វផ្សាយយ៉ាងទូលាយជាសាធារណៈ ដែលក្នុងនោះរួមមាន ៨ ចំណុច ដូចជា ៖

១. ការរៀបចំកិច្ចគាំទ្រដល់អាជីវកម្មបរិយាប័ន្នតាមរយៈក្រុមប្រឹក្សាភិបាលអាជីវកម្មបរិយាប័ន្ន ជនបង្គោល អាជីវកម្មបរិយាប័ន្ន និងភាគីពាក់ព័ន្ធ គណៈកម្មការវាយតម្លៃទទួលស្គាល់ និងលេខាធិការដ្ឋានអាជីវកម្មបរិយាប័ន្ន

២. ការផ្សព្វផ្សាយ និងការអភិវឌ្ឍចំណេះដឹងអំពីអាជីវកម្មបរិយាប័ន្ន (រួមមានការសិក្សា កម្មវិធីសិក្ខាសិលា វីដេអូផ្សព្វផ្សាយ និងការប្រើប្រាស់បណ្តាញសង្គម)

៣. កម្មវិធីវាយតម្លៃ និងកម្មវិធីពានរង្វាន់អាជីវកម្មបរិយាប័ន្ន ដែលនឹងប្រព្រឹត្តទៅ ២ដង ក្នុង១ឆ្នាំ

៤. កម្មវិធីបង្វឹកអាជីវកម្មបរិយាប័ន្ន ការណែនាំ និងការកសាងសមត្ថភាព

៥. អភិវឌ្ឍការគាំទ្រដល់គោលនយោបាយ និងអត្ថប្រយោជន៍អាជីវកម្មបរិយាប័ន្ន (ឧ.ការផ្តល់អាទិភាពក្នុងលទ្ធកម្មសាធារណៈ ការរួមបញ្ចូលអាជីវកម្មបរិយាប័ន្នក្នុងបទប្បញ្ញត្តិផ្សេងៗសម្រាប់ច្បាប់វិនិយោគថ្មី)

៦. ការរៀបចំបង្កើតនូវកញ្ចប់ថវិកាអត្ថប្រយោជន៍សម្រាប់កាត់បន្ថយហានិភ័យអាជីវកម្មបរិយាប័ន្ន និងនវានុវត្តន៍សង្គម

៧. ការរៀបចំតាមដាន និងរាយការណ៍អំពីលទ្ធផលអាជីកម្មបរិយាប័ន្ន ក៏ដូចជាបរិបទនៃការចូលរួមចំណែករបស់វិស័យឯកជនដល់គោលដៅអភិវឌ្ឍន៍ប្រកបដោយចីរភាព

៨. ការជំរុញការផ្លាស់ប្តូរអំពីអាជីវកម្មបរិយាប័ន្នថ្នាក់តំបន់ក្នុងបរិបទអាស៊ាន (រួមមានដូចជាការត្រៀមរៀបចំកិច្ចប្រជុំកំពូលអាជីវកម្មបរិយាប័ន្នអាស៊ាន និងពានរង្វាន់អាជីវកម្មបរិយាប័ន្នអាស៊ាន)

សូមជម្រាបដែរថា កម្ពុជាជាប្រទេសទី១ ដែលអនុវត្តនូវគោលការណ៍ណែនាំសម្រាប់ការលើកកម្ពស់អាជីវកម្មបរិយាប័ន្ននៅក្នុងអាស៊ាន តាមរយៈយុទ្ធសាស្ត្រដ៏ខ្ជាប់ខ្ជួន។

ដោយឡែក យុទ្ធសាស្ត្រអាជីវកម្មបរិយាប័ន្នកម្ពុជា ត្រូវបានអនុវត្តតាមរយៈក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ (MISTI) និងភាគីពាក់ព័ន្ធផ្សេងៗពីរាជរដ្ឋាភិបាល សមាគមអាជីវកម្ម អ្នកសម្របសម្រួល អ្នកវិនិយោគ ក្រុមហ៊ុន និងដៃគូអភិវឌ្ឍន៍ (រួមមានអង្គការអភិវឌ្ឍន៍អន្តរជាតិអាល្លឺម៉ង់ ហៅកាត់ GIZ) ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

កម្ពុជា នឹងធ្វើជាម្ចាស់ផ្ទះ«វេទិកាសហគ្រិន និងពានរង្វាន់សហគ្រិនអាស៊ាន២០២៤» ជាលើកដំបូង

ព្រឹត្តិការណ៍, សេដ្ឋកិច្ច

• 18/07/2024

ព្រះរាជាណាចក្រកម្ពុជា នឹងធ្វើជាម្ចាស់ផ្ទះរៀបចំ«វេទិកាសហគ្រិន និងពានរង្វាន់សហគ្រិនអាស៊ាន២០២៤» ជាលើកដំបូងក្នុងប្រវត្តិសាស្ត្រ

ក្រុមប្រទេស​ G7 គ្រោងផ្តល់កម្ចី ៥០ ពាន់លានដុល្លារជួយអ៊ុយក្រែនកសាងប្រទេសឡើងវិញ

ព្រឹត្តិការណ៍, សេដ្ឋកិច្ច

• 18/07/2024

ក្រុមប្រទេស G7 បានឈានដល់កិច្ចព្រមព្រៀងមួយស្តីពីការប្រើប្រាស់ការប្រាក់ពីការបង្កកមូលនិធិរុស្ស៊ី ដោយគ្រោងផ្តលកម្ច ៥០ ពាន់លានដុល្លារក្នុងការជួយអុយក្រែ

​គម្រោង​ខុនដូ​​ចំនួន​៤​ រំពឹងថានឹង​បញ្ចប់​នៅក្នុងឆ្នាំ២០២៤​នេះ ដោយមានជិត​២៥០០យូនីត​បន្ថែម​

ព្រឹត្តិការណ៍, អចលនទ្រព្យ

• 18/07/2024

គម្រោង​ខុនដូ​ចំនួន​៤ទៀត រំពឹងថា​នឹង​បញ្ចប់​ទាំងស្រុង និងដាក់ចូលទីផ្សារនៅក្នុងឆ្នាំ២០២៤ ដែលនឹងកើនឡើងប្រមាណ ​២៥០០យូនីតបន្ថែមទៀត

តម្លៃមាសឡើងថ្លៃដល់កម្រិតខ្ពស់ជិតដល់ ២ ៥០០ ដុល្លារក្នុងមួយអោន

ព្រឹត្តិការណ៍, សេដ្ឋកិច្ច

• 18/07/2024

តម្លៃមាសនៅលើទីផ្សារអន្តរជាតិបានឡើងថ្លៃដល់កម្រិតខ្ពស់ ២ ៤៨០ ដុល្លារក្នុងមួយអោន ហើយតម្លៃមាសអាចនឹងឡើងថ្លៃដល់ ៣ ០០០ ដុល្លារក្នុងមួយអោនក្នុងរយៈពេល ១២ខែបន្ទាប់

ស្វែងយល់ពីប្រភេទសេវាប្រាក់បញ្ញើចម្បងៗចំនួន ៣​ ដែលកំពុងដំណើរការនៅកម្ពុជា

ព្រឹត្តិការណ៍, ហិរញ្ញវត្ថុ

• 18/07/2024

សេវាប្រាក់បញ្ញើ គឺសេវាហិរញ្ញវត្ថុដែលផ្តល់ដោយគ្រឹះស្ថានធនាគារ និងហិរញ្ញវត្ថុ ដើម្បីឱ្យសាធារណជនអាចដាក់ប្រាក់រក្សាទុកក្នុងគណនីធនាគារ ដើម្បីសន្សំ ទូទាត់

អ្នកជាប់ពន្ធត្រៀម ! ពន្ធដារ នឹងចុះធ្វើសវនកម្មដល់ទីកន្លែងលើសហគ្រាសជាង៣០០០ ក្នុងឆ្នាំ២០២៤

ព្រឹត្តិការណ៍, សេដ្ឋកិច្ច

• 18/07/2024

អគ្គនាយកដ្ឋានពន្ធដារ បានចេញសេចក្តីប្រកាសថា មន្ត្រីជំនាញពន្ធដារនឹងចុះធ្វើសវនកម្មដល់ទីកន្លែងលើសហគ្រាសជាង៣០០០ ក្នុងឆ្នាំ២០២៤

សម្ដេចធិបតី ហ៊ុន ម៉ាណែត ណែនាំឱ្យធនាគារជាតិនៃកម្ពុជាជួយសម្រួលដល់ការធ្វើចរាចរណ៍ប្រាក់ដុល្លារ

ព្រឹត្តិការណ៍, ហិរញ្ញវត្ថុ

• 18/07/2024

សម្ដេចធិបតី ណែនាំឱ្យធនាគារជាតិនៃកម្ពុជាជួយសម្រួលដល់ការធ្វើចរាចរណ៍ប្រាក់ដុល្លាររបស់ភ្ញៀវទេសចរក្នុងករណីទក់ ចាស់ ឬដាច់បន្ដិចបន្តួច

ហ្វីលីពីន និងចិន កាត់បន្ថយកំដៅនៃភាពប្រឈមមុខដាក់គ្នាផ្នែកយោធានៅសមុទ្រចិនខាងត្បុង

ព្រឹត្តិការណ៍, អាជីវកម្មថ្មី និងនវានុវត្ត

• 18/07/2024

ភាគីចិន និងហ្វីលីពីន បានឈានទៅដល់ការសម្រេចចិត្តរួមគ្នាមួយក្នុងការបង្កើនប្រសិទ្ធភាពនៃទំនាក់ទំនងគ្នាឡើងវិញ

កិច្ចប្រជុំពេញអង្គលើកទី៣នៃបក្សកុម្មុយនីស្តចិនធ្វើឡើងចំពេលសេដ្ឋកិច្ចមានកំណើនយឺតយ៉ាវ

ព្រឹត្តិការណ៍, សេដ្ឋកិច្ច

• 18/07/2024

ចិនបន្តជួបបញ្ហារាំងស្ទះជាច្រើនក្រោយពេលវិបត្តិកូវីដដែលរួមមានបញ្ហាបំណុលក្នុងវិស័យអចលនទ្រព្យ និងបញ្ហានៃការធ្លាក់ចុះទំនុកចិត្តទីផ្សារជាដើម

សម្ដេចតេជោ ហ៊ុន សែន ស្នើជប៉ុន​បង្កើន​ការ​វិនិយោគ​បន្ថែម​នៅ​កម្ពុជា​ ដើម្បីជំរុញកំណើនសេដ្ឋកិច្ច

ព្រឹត្តិការណ៍, សេដ្ឋកិច្ច

• 17/07/2024

សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា បានស្នើឱ្យជប៉ុនបង្កើនការវិនិយោ​គ​​បន្ថែមទៀតនៅកម្ពុជា ដើម្បីជំរុញកំណើនសេដ្ឋកិច្ច