សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ទំហំពាណិជ្ជកម្មឥណ្ឌូនេស៊ី – កម្ពុជា បានត្រូវរំពឹងថា នឹងកើនលើសពី ១០០០លានដុល្លារនៅឆ្នាំ២០២៥ ហើយព្រឹត្តិការណ៍ “សួស្តី ឥណ្ឌូនេស៊ី ២០២៥” នឹងដើរតួយ៉ាងសំខាន់ក្នុងការជួយឱ្យឈានទៅដល់ការសម្រេចបាននូវគោលដៅ។ នេះបើតាមការលើកឡើងរបស់ លោក Santo Darmosumarto ឯកអគ្គរដ្ឋទូតឥណ្ឌូនេស៊ីប្រចាំកម្ពុជា នៅក្នុងពិធីសម្ពោធព្រឹត្តិការណ៍ “សួស្តី ឥណ្ឌូនេស៊ី ២០២៥” កាលពីថ្ងៃចុងសប្ដាហ៍កន្លងទៅ នៅមជ្ឈមណ្ឌលសន្និបាត និងពិព័រណ៍កោះពេជ្រក្នុងរាជធានីភ្នំពេញ។
លោកឯកអគ្គរដ្ឋទូត Santo បានឱ្យដឹងថា ព្រឹត្តិការណ៍ «សួស្តី ឥណ្ឌូនេស៊ី ២០២៥» មានគោលបំណងជំរុញកិច្ចសហប្រតិបត្តិការកាន់តែស៊ីជម្រៅលើវិស័យពាណិជ្ជកម្មរវាងប្រទេសទាំងពីរ និងដើម្បីជួយប្រជាជនកម្ពុជាស្វែងយល់បន្ថែមអំពីប្រទេសឥណ្ឌូនេស៊ី រួមទាំងផលិតផលរបស់ខ្លួន ទេសចរណ៍ តំបន់ផ្សេងៗ និងវិស័យអប់រំ។
លោកឯកអគ្គរដ្ឋទូតបានបន្ថែមថា៖ បច្ចុប្បន្នកម្ពុជា និងឥណ្ឌូណេស៊ី រក្សាកិច្ចសហប្រតិបត្តិការពាណិជ្ជកម្មក្នុងវិស័យសំខាន់ៗមួយចំនួនរួមមាន ធ្យូងថ្ម ថ្នាំជក់ យានជំនិះ អាហារ និងសម្លៀកបំពាក់។ លោកសង្ឃឹមថា ប្រទេសទាំងពីរនឹងពង្រីកកិច្ចសហប្រតិបត្តិការ ដើម្បីរួមបញ្ចូលផ្នែកសំខាន់ៗ ដូចជា បច្ចេកវិទ្យាព័ត៌មាន បញ្ញាសិប្បនិម្មិត និងការបង្កើនការតភ្ជាប់ជើងហោះហើរ។
សូមបញ្ជាក់ថា ក្នុងឆ្នាំ២០២៤ ទំហំពាណិជ្ជកម្មរវាងកម្ពុជា ជាមួយបណ្តាប្រទេសជាសមាជិកអាស៊ានមានទំហំទឹកប្រាក់ជាង ១៤,៣ពាន់លានដុល្លារ កើនឡើង ១២,៨ភាគរយ ធៀបនឹងរយៈពេលដូចគ្នាក្នុងឆ្នាំ២០២៣។ កម្ពុជាបាននាំចេញទំនិញក្នុងទំហំទឹកប្រាក់ជាង ៤ ៦២០លានដុល្លារ កើនឡើង ៨,៨៧ ភាគរយ ខណៈការនាំចូលពីបណ្តាប្រទេសសមាជិកអាស៊ានចូលមកកាន់កម្ពុជាមានទឹកប្រាក់ ៩ ៦៨៩លានដុល្លារ កើនឡើង ១៤,៨៥ ភាគរយ។ ក្នុងចំណោមបណ្តាប្រទេសសមាជិកអាស៊ានទាំងអស់ មានប្រទេសចំនួន៥ ដែលជាដៃគូពាណិជ្ជកម្មកំពូលរបស់កម្ពុជា រួមមាន ៖ ប្រទេសវៀតណាម ថៃ សិង្ហបុរី ម៉ាឡេស៊ី និងឥណ្ឌូនេស៊ី៕
Account
Security
Favourite Content