គ្រាន់តែប្ដូរទៅប្រើប្រាស់គម្រោងអគ្គិសនីកសិកម្ម កសិករម្នាក់អាចកាត់បន្ថយថ្លៃដើមបានជាងពាក់​កណ្ដាល

គោលនយោបាយអនុគ្រោះថ្លៃអគ្គិសនីសម្រាប់វិស័យកសិកម្មជាគោលនយោបាយរបស់ក្រសួងកសិកម្ម ដែលចាប់អនុវត្តតាំងពីឆ្នាំ២០២១មក ដោយបន្ទាបថ្លៃប្រើប្រាស់អគ្គិសនីសម្រាប់កសិករ ដើម្បីឱ្យពួកគេមានថ្លៃដើមផលិតទាប និងអាចទទួលបានចំណេញច្រើន។ គម្រោងនេះ​ចាប់​អនុវត្ត​សម្រាប់តែការធ្វើកសិកម្មនៅពេលយប់ប៉ុណ្ណោះ ដោយគិតចាប់​ពីម៉ោង ៩យប់ ដល់ម៉ោង៧ព្រឹក។ ហើយនេះជាគោលនយោបាយដែល​ផ្ដល់​ផលប្រយោជន៍ដល់បុគ្គលទាំងសងខាង គឺខាងរដ្ឋាភិបាល និងប្រជាកសិករ។

ផ្ដល់ផលប្រយោជន៍ដល់រដ្ឋត្រង់ថា នៅពេលថ្ងៃ ប្រជាជនសម្រុកប្រើប្រាស់អគ្គិសនីច្រើន ជាហេតុធ្វើឲ្យរដ្ឋមិនអាចផ្គត់ផ្គង់អគ្គិសនី​បានគ្រប់​គ្រាន់ ដែលចង់ឬមិនចង់រដ្ឋត្រូវទិញភ្លើងពី​ក្រុមហ៊ុនឯកជនបន្ថែម ហើយផ្ដល់ផលប្រយោជន៍ដល់កសិករត្រង់ថា គ្រាន់តែពួកគេប្ដូរទៅប្រើ ប្រាស់​ភ្លើងនៅពេលយប់ ពួកគេនឹងទទួលបានអគ្គិសនីដែលបញ្ចុះតម្លៃអស់ពាក់កណ្ដាល។ ជាក់ស្ដែង កសិករម្នាក់នៅក្នុងខេត្តក្រចេះ ដែលប្រើប្រាស់គម្រោងអនុគ្រោះថ្លៃអគ្គិសនីរបស់រដ្ឋ អាចកាត់បន្ថយថ្លៃដើមអស់ជាងពាក់កណ្ដាល​ឯណោះ។

លោក សាំង ហ៊ុយទៀង ដែលជាកសិករកាលពីដើមឡើយចិញ្ចឹមមាន់កសិកម្មត្រឹមតែពីរទ្រុង ប៉ុន្តែត្រូវចំណាយអស់ពី ៤០ម៉ឺន ទៅ ៥០ម៉ឺន សម្រាប់បង់ថ្លៃអគ្គិសនីក្នុងមួយខែៗ។ ក្រោយចំណាយថ្លៃដើមដ៏ខ្ពស់នេះអស់រយៈពេលជាង១ឆ្នាំ ទើបកសិកររូបនេះបានស្គាល់អំពីគម្រោង អនុគ្រោះអគ្គិសនីរបស់ក្រសួងកសិកម្ម។

លោក សាំង ហ៊ុយទៀង បានលើកឡើងថា ៖​

“ខ្ញុំចាប់ផ្ដើមស្គាល់គម្រោងនេះ​ដើមឆ្នាំ២០២៣នេះទេ ហើយពេលយើងស្នើសុំគេដាក់​ភ្លើង​កសិកម្ម គេនឹងចុះមកមើលថាយើងប្រើ​ប្រាស់ភ្លើងលើអីខ្លះ ការប្រើប្រាស់យើងហ្នឹង តើត្រូវស្តង់ដារអត់ ហើយបើភ្លើងនោះយើងប្រើផ្ទាល់ខ្លួនក៏​គេ​អត់ឲ្យដែរ។”

ត្រង់ចំណុចនេះ កសិករ សាំង ហ៊ុយទៀង បានអះអាងថា ដំណើរនៃការស្នើសុំអគ្គិសនីសម្រាប់ប្រើក្នុងវិស័យកសិកម្មនេះ មិនមានភាពលំបាក​ស្មុគស្មាញនោះទេ ប៉ុន្តែករណីមួយចំនួនដែលពលរដ្ឋមិនទទួលបានគម្រោងនេះ ក៏ដោយសារតែពួកគេប្រើប្រាស់ភ្លើងមិនត្រូវគោលដៅ។ ម្យ៉ាង​ទៀត នៅក្នុងតំបន់របស់លោក ពោលគឺក្នុងស្រុកចិត្របុរី  ខេត្តក្រចេះមានកសិករជាច្រើននាក់ទៀតដែលបានប្រើប្រាស់គម្រោងនេះ ម្លោះហើយ​ពួកគេយល់ដឹងបានច្រើនពីលក្ខន្តិកៈនានាដើម្បីស្នើសុំឱ្យបានជោគជ័យ។

លោកបន្តរៀបរាប់ថា ៖

“ភ្លើងកសិកម្មហ្នឹង ជាភ្លើងដែលសល់ពីការប្រើពេលថ្ងៃ ព្រោះពីព្រឹកដល់ល្ងាច មានអ្នកប្រើប្រាស់ភ្លើងខ្លាំង អីចឹង​យើង​ប្រើអត់គ្រប់…ដល់ពេលអីចឹង រដ្ឋគេសម្រេចឲ្យយើងប្រើ​ក្នុងចន្លោះម៉ោង៩យប់ ដល់ម៉ោង៧ព្រឹក ព្រោះពេលវេលានេះ មិនសូវមានអ្នកប្រើភ្លើង អីចឹងវាសល់​ភ្លើងច្រើន។ នេះជាវិធីល្អ យើងក៏ចំណេញ រដ្ឋក៏ចំណេញ បើយើងអត់ប្រើពេលយប់នេះទេ ក៏វាសល់​ចោលដែរ។”

សម្រាប់ការប្រើប្រាស់ជាប្រចាំរបស់លោកនាពេលបច្ចុប្បន្ននេះមានដូចជា ប្រើលើអំពូលភ្លើងសម្រាប់ទ្រុង មាន់ចំនួន៤ ដែលក្នុងមួយរោង​មាន​អំពូល៣០ និងប្រើលើម៉ូទ័របូមទឹកដែលលោកបូមម្ដងជាងមួយ​ម៉ឺនលីត្រ សម្រាប់ប្រើប្រាស់ក្នុងទ្រុងមាន់ផង និងសម្រាប់ស្រោចស្រព​ដំណាំ​ក្នុង​ចំការផង។ សម្រាប់ទំហំប្រើប្រាស់នេះ មានការកើនឡើងច្រើន ប៉ុន្តែសម្រាប់តម្លៃវិញគឺបានថយចុះអស់ជាងពាក់​កណ្ដាលឯណោះ។ លោក សាំង ហ៊ុទៀង ៖

“កាលមុនចិញ្ចឹមមាន់តែ២រោងទេ ចំណាយអស់៤០ ទៅ៥០ម៉ឺនរៀល តែឥឡូវមានមាន់៤រោង ហើយមានដំណាំ​ក្នុងចំការ​ទៀត ចំណាយអស់ត្រឹមតែ ៣០ ទៅ៤០ម៉ឺនរៀលប៉ុណ្ណោះ។ ការប្ដូរមកប្រើប្រាស់ភ្លើងនាពេលយប់នេះ ក៏មិនមានជាបញ្ហាអ្វីដែរ ដោយមុខរបរខ្ញុំនេះ ទោះប្រើភ្លើងពេលថ្ងៃ ក៏ខ្ញុំគង់តែត្រូវងើបមើល​មាន់នៅពេលយប់ដដែលទេ អីចឹងហើយសម្រាប់ខ្ញុំវាមិនមានអីទាស់ខុសទេ៕”


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ