សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ បន្ទាប់ពីមានការធ្លាក់ចុះក្នុងរយៈពេល ២សប្ដាហ៍ជាប់ៗគ្នាកន្លងទៅដោយសារតែក្ដីបារម្ភទៅលើការផ្គត់ផ្គង់លើស និងការកាត់បន្ថយតម្រូវការរបស់សហរដ្ឋអាម៉េរិកនោះ នៅក្នុងសប្ដាហ៍នេះ តម្លៃប្រេងសកលបានឡើងបន្តិចវិញ នេះបើយោងតាមសេចក្ដីរាយការណ៍ពី CNBC។
នៅក្នុងសប្ដាហ៍នេះ តម្លៃប្រេងឆៅម៉ាក Brent ឡើងថ្លៃ ០,៣៣% ឬ ៦៣,៦០ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ០,៣៧% ឬ ៥៩,៦៥ ដុល្លារក្នុងមួយបារ៉ែល។ ការដាក់ទណ្ឌកម្មរបស់អឺរ៉ុប និងអាម៉េរិក មកលើរុស្ស៊ី និងអ៊ីរ៉ង់ កំពុងរំខានដល់ការផ្គត់ផ្គង់ដល់ប្រទេសនាំចូលប្រេងធំៗ ដូចជា ចិន និងឥណ្ឌា ដែលជាមូលហេតុមួយនាំឲ្យតម្លៃប្រេងឡើងថ្លៃ។ បន្ថែមពីនេះ អង្គការនៃប្រទេសនាំចេញប្រេង និងសម្ព័ន្ធមិត្ត (OPEC+) បានសម្រេចចិត្តបង្កើនទិន្នផលប្រេងបន្តិចនៅក្នុងខែធ្នូ ប៉ុន្តែក្នុងបរិមាណតិច និងបានប្រកាសពីការផ្អាកបង្កើនទិន្នផលនៅក្នុងត្រីមាសទី ១ នៃឆ្នាំ ២០២៦។
លោក Tony Sycamore អ្នកវិភាគ IG Markets បានលើកឡើងថា ការធ្លាក់ចុះតម្លៃប្រេង ដោយសារការកើនឡើងនៅក្នុងស្តុកប្រេងអាម៉េរិកដល់ទៅ ៥,២ លានបារ៉ែល ដែលបង្កឱ្យមានការភ័យខ្លាចនៃការផ្គត់ផ្គង់លើសតម្រូវការ ជាពិសេសភាពមិនប្រាកដប្រជានៃការគ្រប់គ្រងរដ្ឋាភិបាលអាម៉េរិកកំពុងបង្កភាពមិនច្បាស់លាស់លើសេដ្ឋកិច្ច។
មិនត្រឹមតែប៉ុណ្ណោះ រដ្ឋបាលព័ត៌មានថាមពល (EIA) ក៏បានបង្ហាញពីក្ដីព្រួយបារម្ភដែរថា ពាក់ព័ន្ធទៅនឹងស្តុកប្រេងឆៅរបស់អាម៉េរិក ដែលបានកើនឡើងច្រើនជាងការរំពឹងទុក ដោយសារការនាំចូលខ្ពស់ ។ លើសពីនេះ ការបិទប្រតិបត្តិការមួយចំនួនរបស់រដ្ឋាភិបាលអាម៉េរិក បានបន្ថែមសម្ពាធលើតម្លៃប្រេងផងដែរ ខណៈដែលរដ្ឋបាល Trump បានបញ្ជាឱ្យកាត់បន្ថយជើងហោះហើរនៅអាកាសយានដ្ឋានធំៗ ដោយសារកង្វះខាតឧបករណ៍បញ្ជាចរាចរណ៍ផ្លូវអាកាស៕
Account
Security
Favourite Content