សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងទៅតាមប្រភពពី Investing បានលើកឡើងថា តម្លៃប្រេងបានឡើងថ្លៃដល់កម្រិតខ្ពស់បំផុតក្នុងរយៈពេល ៤ខែមកនេះ បន្ទាប់ពីប្រទេសផលិតធំៗដូចជា អារ៉ាប៊ីសាអូឌីត និងរុស្ស៊ីបានកាត់បន្ថយការផ្គត់ផ្គង់ប្រេងបន្ថែមទៀត។
ទីផ្សារតម្លៃប្រេងម៉ាក Brent ឡើងថ្លៃដល់ ៨៦,២២ ដុល្លារក្នុងមួយបារ៉ែល ដែលឡើងថ្លៃពី ៨៥ ដុល្លារក្នុងមួយបារ៉ែលកាលពីសប្តាហ៍មុន។ ទីផ្សារតម្លៃប្រេងម៉ាក West Texas Intermediate (WTI) ឡើងថ្លៃ ៨២,៧៨ ដុល្លារក្នុងមួយបារ៉ែល ដែលឡើងថ្លៃពី ៨២ ដុល្លារក្នុងមួយបារ៉ែលកាលពីសប្តាហ៍មុន។
ទន្ទឹមនឹងនេះ ការកាត់បន្ថយការផ្គត់ផ្គង់បន្ថែមទៀតដោយអារ៉ាប៊ីសាអូឌីត និងរុស្ស៊ីគឺជាប្រភពដ៏ធំបំផុតដែលជំរុញការឡើងថ្លៃតម្លៃប្រេង ដោយប្រទេសទាំងពីរអះអាងថាពួកគេនឹងរក្សាការកាត់បន្ថយការផ្គត់ផ្គង់នេះយ៉ាងហោចណាស់ដល់ចុងខែកញ្ញា។ បន្ទាប់ពីការកាត់បន្ថយរបស់ប្រទេសទាំងពីរនេះ ទីផ្សារតម្លៃប្រេងឆៅបានឡើងថ្លៃប្រាំមួយសប្តាហ៍ជាប់ៗគ្នា។ លើសពីនេះ អារ៉ាប៊ីសាអូឌីតនឹងបន្តកាត់បន្ថយការផលិតប្រេង ១ លានបារ៉ែលក្នុងមួយថ្ងៃ ខណៈដែលរុស្ស៊ីនឹងកាត់បន្ថយការនាំចេញប្រេង ៣ សែនបារ៉ែល ។ ការផ្លាស់ប្តូរទាំងពីរនេះ បានធ្វើឲ្យតម្លៃឡើងថ្លៃជាង ១៤ ភាគរយកាលពីខែកក្កដាកន្លងទៅនេះ។ ការកាត់បន្ថយផលិតកម្មនេះត្រូវបានប្រកាសមុនពេលកិច្ចប្រជុំរបស់អង្គការ OPEC និងសម្ព័ន្ធមិត្តកាលពីថ្ងៃសុក្រកន្លងទៅនេះ។
មិនត្រឹមតែប៉ុណ្ណោះ តម្លៃប្រេងនៅឆមាសទីពីរនៃឆ្នាំនេះត្រូវបានគេរំពឹងថា វាអាចនឹងបន្តឡើងថ្លៃដោយសារការផ្គត់ផ្គង់កាន់តែតឹងរ៉ឹង។ ថ្មីៗនេះ ធនាគារវិនិយោគមួយចំនួនបានបង្កើនការព្យាករណ៍របស់ពួកគេលើតម្លៃប្រេងសម្រាប់ឆ្នាំ ២០២៣ នេះផងដែរ ដោយលើកឡើងពីការតឹងតែងនៃការផ្គត់ផ្គង់។ ទោះជាយ៉ាងណាក្តី ការធ្លាក់ចុះនៃសេដ្ឋកិច្ចពិភពលោកដោយសារអត្រាការប្រាក់ខ្ពស់ និង ការស្ទុះងើបឡើងវិញនៃសេដ្ឋកិច្ចរបស់ចិន គេក៏រំពឺងថា ការឡើងថ្លៃតម្លៃប្រេងអាចទប់ទល់នឹងការធ្លាក់ចុះនៃតម្រូវការផងដែរ។
បច្ចុប្បន្ននេះ គេកំពុងផ្តោតសំខាន់ទៅលើរបាយការណ៍អតិផរណារបស់សហរដ្ឋអាមេរិក និងចិននាប៉ុន្មានសប្តាហ៍ខាងមុខនេះ ដែលជាចំណុចសំខាន់នៃទីផ្សារ។។ គេវិភាគថា សន្ទស្សន៍នៃតម្លៃទំនិញប្រើប្រាស់នៅសហរដ្ឋអាមេរិកបាន ឡើងថ្លៃបន្តិចកាលពីខែកក្កដាកន្លងទៅនេះ ដែលអាចធ្វើឲ្យធនាគារកណ្តាលនឹងចាត់វិធានការបន្ថែមទៀត។ លើសពីនេះ គេព្យាករណ៍ថា អតិផរណារបស់ចិននៅខែកក្កដានឹងមានការធ្លាក់ចុះបន្ថែមទៀត ក្នុងនាមជាប្រទេសនាំចូលប្រេងធំជាងគេរបស់ពិភពលោក។ ស្របពេលនេះដែរ គេរំពឹងលើកំណើននៃតម្រូវការប្រេងឆៅរបស់ចិន ដោយសារការនាំចូលប្រេងរបស់ចិនឡើងជិតដល់កម្រិតខ្ពស់ក្នុងឆ្នាំនេះ៕
Account
Security
Favourite Content