រុស្ស៊ី និង ចិន ពង្រឹងកិច្ចសហប្រតិបត្តិការលើគម្រោងបំពង់បង្ហូរហ្គាស និងកិច្ចព្រមព្រៀងគ្រាប់ធញ្ញជាតិ

បរទេស ៖ យោងតាមប្រភពព័ត៌មានពី Radio Free Europe បានរាយការណ៍ថា ចិន មានបំណងចង់សាងសង់បំពង់បង្ហូរហ្គាសធម្មជាតិថ្មីមួយដែលតភ្ជាប់ពីរុស្ស៊ីតាមរយៈម៉ុងហ្គោលី​​ បន្ទាប់ពីជំនួបជាមួយប្រធានាធិបតីរុស្ស៊ី លោក Vladimir Putin នៅទីក្រុងប៉េកាំងកាលពីថ្ងៃពុធកន្លងទៅនេះ។

បច្ចុប្បន្ននេះ ប្រធានាធិបតីរុស្ស៊ី លោក Vladimir Putin បានទៅបំពេញទស្សនកិច្ចទៅកាន់ប្រទេសចិនសម្រាប់វេទិកាខ្សែក្រវ៉ាត់ និងផ្លូវលើកទី៣ សម្រាប់កិច្ចសហប្រតិបត្តិការអន្តរជាតិ (BRF)។ ទន្ទឹមនឹងនេះ លោកប្រធានាធិបតីចិន Xi Jinping បាននិយាយថា កិច្ចសហប្រតិបត្តិការប្រកបដោយប្រសិទ្ធភាពជាមួយរុស្ស៊ីនឹងធានាបាននូវសន្តិសុខគ្រាប់ធញ្ញជាតិ និងថាមពល ហើយការពង្រឹងទំនាក់ទំនងរវាងទីក្រុងម៉ូស្គូ និងទីក្រុងប៉េកាំង គឺជាគោលដៅរយៈពេលវែង។

ស្របពេលនេះដែរ គម្រោងសាងសង់បំពង់បង្ហូរហ្គាសនេះមានឈ្មោះថា Power of Siberia 2 ដោយនឹងនាំយកហ្គាសធម្មជាតិពីឧបទ្វីប Yamal របស់រុស្ស៊ី។ មុនមានជម្លោះអ៊ុយក្រែន ឧបទ្វីប Yamal គឺជាទីផ្សារសហភាពអឺរ៉ុប EU ដែលមានបំពង់បង្ហូរប្រេងជាច្រើនដូចជា Nord Stream ជាដើម។ ទន្ទឹមនឹងនោះ រុស្ស៊ីគ្រោងនឹងបង្កើនការផ្គត់ផ្គង់ហ្គាសតាមបំពង់ទៅចិនចំនួន ៥០ ពាន់លានម៉ែត្រគូប (bcm) ជារៀងរាល់ឆ្នាំតាមរយៈ Power of Siberia 2 ខណៈដែលបំពង់បង្ហូរថាមពលស៊ីបេរីដែលមានស្រាប់នឹងផ្គត់ផ្គង់ ៣៨ ពាន់លានម៉ែត្រគូប (bcm) ក្នុងមួយឆ្នាំត្រឹមឆ្នាំ២០២៥ ។

ចាប់តាំងពីឆ្នាំមុនមកម៉្លេះ រុស្ស៊ី បានបង្កើនការផ្គត់ផ្គង់ថាមពលយ៉ាងខ្លាំងដល់ប្រទេសចិន ដែលជាអ្នកប្រើប្រាស់ប្រេងធំជាងគេទី ២ របស់ពិភពលោក។ លោក Aleksey Miller នាយកប្រតិបត្តិនៃក្រុមហ៊ុនថាមពលយក្ស Gazprom របស់រុស្ស៊ីបានបង្ហើបថា ការនាំចេញហ្គាសរបស់រុស្ស៊ីទៅកាន់ចិនកំពុងឈានដល់បរិមាណ ដែលលក់ទៅសហភាពអឺរ៉ុបមុនពេលដាក់ទណ្ឌកម្ម។

លើសពីនេះ លោកប្រធានាធិបតីចិន Xi Jinping មានបំណងជំរុញកិច្ចសហប្រតិបត្តិការទេសចរណ៍ឆ្លងព្រំដែនរវាងប្រទេសនានាតាមរយៈគម្រោង Great Tea Road រួមទាំងច្រករបៀងសេដ្ឋកិច្ចចិន-ម៉ុងហ្គោលី-រុស្ស៊ីដែលនឹងចូលរួមចំណែកក្នុងការអភិវឌ្ឍន៍ទំនាក់ទំនងដឹកជញ្ជូនប្រកបដោយគុណភាពខ្ពស់ផងដែរ។

មិនត្រឹមតែប៉ុណ្ណោះ ទីក្រុងម៉ូស្គូ និងទីក្រុងប៉េកាំងបានចុះហត្ថលេខាលើកិច្ចព្រមព្រៀងដ៏ធំមួយស្តីពីការផ្គត់ផ្គង់គ្រាប់ធញ្ញជាតិរយៈពេលវែងរបស់រុស្ស៊ីទៅដល់ប្រទេសចិន។ រុស្ស៊ីកំពុងបង្កើតផ្លូវនាំចេញថ្មីសម្រាប់ផលិតផលកសិកម្មរបស់ខ្លួនដែលជាផ្នែកមួយនៃគំនិតផ្តួចផ្តើម New Land Grain Corridor (NLGC) ។ កិច្ចព្រមព្រៀងថ្មី NLGC គឺជាកិច្ចព្រមព្រៀងធំបំផុតមិនធ្លាប់មានរវាងប្រទេសទាំងពីរនេះ ដែលមានតម្លៃ ២,៥ ទ្រីលានរូប៊ល (២៥,៧ ពាន់លានដុល្លារ) និងមានរយៈពេល ១២ ឆ្នាំ ក្នុងការផ្គត់ផ្គង់គ្រាប់ធញ្ញជាតិ សណ្តែកសៀង និងដំណាំប្រេងរបស់រុស្ស៊ីចំនួន ៧០ លានតោនទៅកាន់ចិន។

បន្ថែមពីនេះ កិច្ចព្រមព្រៀង NLGC ត្រូវបានបង្កើតឡើង ដើម្បីពង្រីកការនាំចេញគ្រាប់ធញ្ញជាតិពីអ៊ុយរ៉ាល់ ស៊ីបេរី និងចុងបូព៌ារុស្ស៊ីទៅកាន់ចិន អាស៊ីកណ្តាល និងមជ្ឈឹមបូព៌ាផងដែរ។ ទន្ទឹមនឹងនេះ ហេដ្ឋារចនាសម្ព័ន្ធនាំចេញរបស់ NLGC រួមមានស្ថានីយគ្រាប់ធញ្ញជាតិ Zabaikalsky ដែលជាប់ព្រំដែនជាមួយប្រទេសចិន និងជាបណ្តាញគ្រាប់ធញ្ញជាតិនៅទូទាំងស៊ីបេរី អ៊ុយរ៉ាល់ និង ប៉ែកចុងបូព៌ារបស់រុស្ស៊ី។ ស្ថានីយ Zabaikalsky ដែលបានបើកដំណើរការក្នុងខែកញ្ញាឆ្នាំមុន គឺជាកន្លែងដឹកជញ្ជូនគ្រាប់ធញ្ញជាតិដ៏ធំបំផុតរបស់រុស្ស៊ី និងដំបូងគេរបស់ពិភពលោក៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ