សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ជាទូទៅនៅមុនពេលមានការទិញលក់អចលនវត្ថុនៅកន្លែងណាមួយ ឬទីតាំងណាមួយ គេត្រូវការវាយតម្លៃអចលនវត្ថុនោះជាមុនសិន ដើម្បីឱ្យដឹងថា តើទ្រព្យនោះ ត្រូវលក់ក្នុងតម្លៃប៉ុន្មាន ប៉ុន្តែការវាយតម្លៃអចលនវត្ថុមិនមែនត្រឹមតែសម្រាប់អចលនទ្រព្យលក់នោះទេ ការវាយតម្លៃអចលនវត្ថុក៏ត្រូវបានប្រើសម្រាប់អត្ថប្រយោជន៍ផ្សេងទៀត ។ លោក សន សៀប ប្រធានសមាគមអ្នកវាយតម្លៃ និងភ្នាក់ងារអចលនវត្ថុបានបង្ហាញពីសារសំខាន់ពីការវាយតម្លៃអចលនវត្ថុ សម្រាប់អ្នកមានអចលនទ្រព្យនៅទីតាំងផ្សេងៗ ។
លោក សន សៀប បានមានប្រសាសន៍ថា សេវាកម្មវាយតម្លៃអចលនវត្ថុមានសារសំខាន់ខ្លាំងណាស់ក្នុងវិស័យហិរញ្ញវត្ថុ ដើម្បីផ្ដល់នូវទំនុកចិត្តទៅដល់អតិថិជន ជាពិសេសដូចជាធនាគារជាដើម។ ដើម្បីផ្ដល់កម្ចីឱ្យអតិថិជនឱ្យមានភាពច្បាស់លាស់ ខាងធនាគារត្រូវការរបាយការវាយតម្លៃអចលនវត្ថុដែលមានភាពត្រឹមត្រូវច្បាស់លាស់ ប្រកបដោយវិជ្ជាជីវៈ ហើយក៏មានសារសំខាន់ខ្លាំងដែរ ចំពោះការផ្ដល់ទំនុកចិត្តចំពោះអ្នកវិនិយោគទាំងក្នុង និងខាងក្រៅប្រទេស។
លោកបន្តថា ការវាយតម្លៃអចលនវត្ថុច្បាស់លាស់ត្រឹមត្រូវក៏បានដើរតួនាទីសំខាន់មួយទៀតក្នុងការគៀរគរវិនិយោគិនពីខាងក្រៅប្រទេសឱ្យចូលមកបណ្ដាក់ទុនវិនិយោគនៅក្នុងប្រទេសកម្ពុជា ។ ជាទូទៅនៅពេលវិនិយោគិនចូលមកវិនិយោគនៅតំបន់ណាមួយ គឺគេត្រូវមើលទៅលើទ្រព្យសម្បត្តិរបស់ដៃគូវិនិយោគនៅក្នុងប្រទេសកម្ពុជា ដូច្នេះដើម្បីបញ្ជាក់ជូនពួកគេឱ្យបានកាន់តែច្បាស់គឺត្រូវតែមានការវាយតម្លៃអចលនវត្ថុឱ្យបានត្រឹមត្រូវ ។
លោកបន្ថែមថា ដើម្បីឱ្យដឹងថារបាយការណ៍នោះជារបាយការណ៍ត្រឹមត្រូវ ច្បាស់លាស់ និងគួរទុកចិត្តបាន គឺមានតែរបាយការណ៍ដែលវាយតម្លៃដោយក្រុមហ៊ុនអចលនទ្រព្យដែលមានអាជ្ញាបណ្ណទទួលស្គាល់ពីក្រសួងស្ថាប័នជាតិនានានប៉ុណ្ណោះ ។
លោកឧកញ៉ា ចេង ខេង អគ្គនាយកនៃក្រុមហ៊ុនអចលនទ្រព្យ ស៊ីភីអិល បានមានប្រសាសន៍ថា ដើម្បីឱ្យការវាយតម្លៃមួយមានតម្លាភាព និងជាក់លាក់ច្បាស់លាស់នោះ ក្រុមហ៊ុនវាយតម្លៃអចលនទ្រព្យទាំងអស់នៅកម្ពុជាត្រូវរួបរួមគ្នាតែមួយដើម្បីកំណត់តម្លៃ សេវាកម្មវាយតម្លៃ និងការវាយតម្លៃលើអចលនវត្ថុ ហើយនៅទីបំផុត សមាជិកសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាក៏បានរួមគ្នាក្នុងការចងក្រងជាក្រុមមួយជំរុញស្តង់ដារវិស័យអចលនទ្រព្យក្នុងប្រទេសកម្ពុជាដែលមានការទទួលស្គាល់ពីថ្នាក់ជាតិ និងអន្តរជាតិផងដែរ ៕
Account
Security
Favourite Content