សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ នៅដើមឆ្នាំ២០២៤នេះ វិស័យសំណង់នៅក្នុងប្រទេសកម្ពុជាត្រូវបានសង្កេតឃើញថាចាប់ផ្ដើមមានសកម្មភាពរើបឡើងវិញជាវិជ្ជមាន ដោយក្នុងរយៈពេល២ខែប៉ុណ្ណោះ គម្រោងទទួលបានការអនុញ្ញាតសាងសង់សរុបមានចំនួន ៥៣៩គម្រោង ។ នេះបើតាមរបាយការណ៍ស្ថិតិរបស់ក្រសួងសេដ្ឋកិច្ច និងហិរញ្ញវត្ថុ ចេញផ្សាយកាលពីចុងខែមីនា ២០២៤កន្លងទៅនេះ ។
យោងតាមរបាយការណ៍ដដែលនេះបានបង្ហាញថា ក្នុងរយៈពេល២ខែដើមឆ្នាំ២០២៤នេះ គម្រោងសំណង់ដែលទទួលបានការអនុញ្ញាតសាងសង់ច្រើនជាងគេ គឺគម្រោងលំនៅឋានដែលមានរហូតដល់ ៤៤៩គម្រោង ក្នុងនោះដែរ បុរី មានចំនួន ៤២០គម្រោង ខុនដូមាន២៩គម្រោង ។ ក្រៅពីនេះមានគម្រោងសំណង់ឧស្សាហកម្ម ៣៣គម្រោង សំណង់ ពាណិជ្ជកម្មចំនួន៣៣គម្រោង សំណង់ទេសចរណ៍មាន៨គម្រោង និងសំណង់សាធារណៈមានំនួន១៦គម្រោង ។
ដោយឡែកក្នុងខែកុម្ភៈឆ្នាំ ២០២២៤ កម្ពុជាទទួលបានគម្រោងវិនិយោគលើវិស័យសំណង់នេះចំនួន ២៦៩គម្រោង មានផ្ទៃក្រឡាប្រមាណ៨១២ពាន់ម៉ែត្រការ៉េ និងទទួលបានទុនវិនិយោគប្រមាណ៣០៤លានដុល្លារអាមេរិក បើប្រៀបធៀបនឹងខែមករា ឆ្នាំ២០២៤ ឃើញថា មានការកើនឡើងជាវិជ្ជមាន ដោយចំនួនគម្រោងដែលទទួលបានការអនុញ្ញាតសាងសង់កើនឡើង១,៩ភាគរយ មានផ្ទៃក្រឡាសាងសង់កើនឡើង១០,៤ភាគរយ និងទំហំទឹកប្រាក់សាងសង់ក៏មានការកើនឡើងប្រមាណ២,៨ភាគរយផងដែរ ។
បើក្រលេកទៅមើលគម្រោងវិនិយោគដែលចុះបញ្ជីនៅក្រុមប្រឹក្សាអភិវឌ្ឍន៍កម្ពុជាវិញក៏ឃើញថាមានសន្ទុះកំណើនគួរឱ្យកត់សម្គាល់ដែរ។ ជាក់ស្ដែងរយៈពេល២ខែ ក្នុងឆ្នាំ ២០២៤ មានគម្រោងវិនិយោគសរុបដែលចុះបញ្ជីក្នុងក្រុមប្រឹក្សាអភិវឌ្ឍន៍កម្ពុជាចំនួន៦៩គម្រោង មានទុនវិនិយោគប្រមាណ ១ ៣៨៥លានដុល្លារ និងអាចបង្កើតការងារថ្មីបាន ៦៧ ១៧៨កន្លែង ។ បើប្រៀបធៀបនឹងរយៈ២ខែ កាលពីឆ្នាំ២០២៣កន្លងមកឃើញថាមានគម្រោងវិនិយោគចំនួនតែ ៣១គម្រោង មានទឹកប្រាក់វិនិយោគចំនួន២២៩លានដុល្លារអារិកប៉ុណ្ណោះ ដូច្នេះ២ខែដើមឆ្នាំ ២០២៤នេះ មានសញ្ញាវិជ្ជមានខ្ពស់សម្រាប់ស្ថានភាពវិនិយោគនៅក្នុងប្រទេសកម្ពុជា ។
Account
Security
Favourite Content