គិលានុប្បដ្ឋាយិកា ៖ ខ្ញុំមានមោទនៈភាពក្នុងការរួមដំណើរជួយសម្រាលបន្ទុកប្រជាជនកម្ពុជា

ភ្នំពេញ ៖ សម្រាប់កម្ពុជា វិស័យសុខាភិបាលបានស្គាល់ភាពរីកចម្រើនកាន់តែខ្លាំងពីមួយឆ្នាំទៅមួយឆ្នាំ ដែលនាំឱ្យអាត្រាមរណៈរបស់ប្រជាជនក៏មានការថយចុះ។ និយាយដោយឡែក ជាលក្ខខណ្ឌទូទៅ សេដ្ឋកិច្ចគ្រួសារមួយអាចរីកចម្រើនទៅបាន ក៏អាស្រ័យទៅលើកត្តាសុខភាព​របស់សមាជិកគ្រួសារជាសំខាន់ផងដែរ។ ក្នុងន័យនេះ ប្រសិនបើនរណាម្នាក់ក្នុងគ្រួសារមាននូវជំងឺ ឬសុខភាពមិនអំណោយផល វានឹងធ្វើឱ្យសមាជិកដទៃទៀតខាតបង់ពេលវេលាក្នុងការរកប្រាក់ចំណូល។

ដោយសារតែមូលហេតុនេះ ទើបធ្វើឱ្យក្រុមហ៊ុនថែទាំសុខភាពចល័តមួយលេចរូបរាងឡើង ដែលបង្កើតឡើងតាំងតែពីឆ្នាំ២០១៦ ដោយមានឈ្មោះថា Much Mobile Healthcare ក្នុងនាមជាក្រុមហ៊ុនដំបូងគេនៅកម្ពុជា ដែលផ្ដល់សេវាកម្មថែទាំសុខភាពអ្នកជំងឺដល់ផ្ទះ។

កញ្ញា ប៊ុន ស្រីនាថ ដែលជាគិលានុបដ្ឋាយិកាកំពុងបម្រើការងារនៅក្នុងក្រុមហ៊ុនថែទាំសុខភាពខាងលើនេះបានឱ្យដឹងថា ខ្លួនពិតជារំភើបក្នុងការរួមដំណើរជាមួយក្រុមហ៊ុន ដើម្បីផ្ដល់សេវាកម្មថែទាំសុខភាពអតិថិជនដល់ផ្ទះដែលជាសេវាដំបូងគេនៅកម្ពុជា។

កញ្ញាបានបន្តឱ្យដឹងទៀតថា ៖

«នៅក្នុងការបំពេញការងាររាល់ថ្ងៃ ខ្ញុំតែងតែឭអតិថិជនយើងគាត់និយាយសរសើរ និងអរគុណយើងដែលមើលថែឪពុក ឬម្ដាយរបស់គាត់បានល្អ ដែលធ្វើឱ្យគាត់មានពេលវេលាធ្វើការ រកស៊ីដោយមិនមានការបារម្ភ។ កន្លងមក ករណីដែលគ្រួសារណាមួយមានឪពុកម្ដាយឈឺ កូនៗតែងតែជួបបញ្ហាក្នុងការស្វែងរកអ្នកថែទាំ ហើយបើសិនជារកបាន ក៏មិនមែនជាអ្នកថែទាំជំនាញដែរ អីចឹងទៅទោះមានអ្នកមើលថែមែន ក៏ពួកគាត់នៅតែមិនទុកចិត្ត និងមានការព្រួយបារម្ភជានិច្ច។» នេះបើតាមការរៀបរាប់របស់គិលានុ បដ្ឋាយិកា ប៊ុន ស្រីនាថ។

សម្រាប់កញ្ញា ក្នុងនាមជាអ្នកថែទាំ កញ្ញាមានមោទនភាពជាខ្លាំងដែលបានរួមចំណែកធ្វើឱ្យគ្រួសារមួយមានស្ថិរភាពផ្នែកហិរញ្ញវត្ថុ រីឯការរស់នៅក៏មានភាពល្អប្រសើរជាងមុន សមាជិកគ្រួសារនីមួយៗក៏សប្បាយចិត្ត មិនស្មុគស្មាញ។ យ៉ាងណាមិញ ក្រុមហ៊ុនថែទាំសុខភាពចល័តមិនត្រឹមតែបានជួយទៅដល់សុខុមាលភាពប្រជាជនផ្ទាល់នោះទេ បន្ថែមពីនេះ ក្រុមហ៊ុនក៏បានផ្ដល់អត្ថប្រយោជន៍ជាច្រើនទៀតទៅដល់បុគ្គលិកផងដែរ។

ទាក់ទិននឹងចំណុចនេះ អ្នកស្រី ឌីផន ភិរម្យ ដែលជាអគ្គនាយិការក្រុមហ៊ុន Much Mobile Healthcare បានឱ្យដឹងថា អ្នកស្រីបានគិតគូរទៅដល់បុគ្គលិកតាមរយៈការផ្ដល់នូវសេវាធានារ៉ាប់រងផ្សេងៗ។ ក្រៅពីនោះ អ្នកស្រីតែងមានវគ្គបណ្ដុះបណ្ដាលថ្មីៗទៅដល់បុគ្គលិក ដើម្បីបន្តពង្រឹងសមត្ថភាពរបស់ពួកគេក្នុងការថែទាំ និងព្យាបាលអ្នកជំងឺ។ ពិសេសជាងនេះទៅទៀតនោះគឺ អ្នកស្រីផ្ដល់ឱកាសជូននិស្សិតពេទ្យដែលមកពីបណ្ដាខេត្តនានាដែលមានការខ្វះខាតផ្នែកហិរញ្ញវត្ថុឱ្យបានចូលហាត់ការ និងបម្រើការងារនៅក្រុមហ៊ុនអ្នកស្រីផងដែរ។

គួរបញ្ជាក់ថា ក្រុមហ៊ុន Much Mobile Healthcare ជាក្រុមហ៊ុនមួយដែលជាប់ជាអាជីវកម្មបរិយាបន្ន ជាអាជីវកម្មគំរូ ដែលបានផ្ដល់ប្រយោជន៍ដ៏ធំធេងចូលទៅក្នុងសង្គម និងមានគំនិតច្នៃប្រតិដ្ឋខ្ពស់៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ