សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ស្ថិតនៅក្នុងបរិបទនៃសេដ្ឋកិច្ចបច្ចប្បន្ននេះ គេកម្រនឹងយកប្រាក់ទាំងដុលទៅទិញអចលនទ្រព្យណាស់ ភាគច្រើនគឺទិញដោយការបង់រំលោះ ឬការយកកម្ចីពីធនាគារជាដើម។ ប៉ុន្តែ ទោះបីជាបែបនេះក៏ដោយ អ្នកទិញផ្ទះនៅតែអាចប្រឈមនឹងបញ្ហាប្រសិនបើពួកគេមិនបានគិតគូរឱ្យបានល្អិតល្អន់ជាមុននោះទេ។
ចំណុចមួយដែលសំខាន់ខ្លាំង ហើយគេត្រូវតែគិតជាដាច់ខាតមុនពេលទិញផ្ទះគឺកម្រិតនៃចំណូលរបស់ខ្លួន។ លទ្ធភាពនៃការរកចំណូលនេះគឺជាចំណុចសំខាន់មួយដែលអាចនាំឱ្យបុគ្គលម្នាក់ធ្លាក់ចូលក្នុងវិបត្តិបំណុល ក្នុងករណីដែលបុគ្គលនោះសម្រេចចិត្តទិញផ្ទះដែលលើសពីសមត្ថភាពរបស់ខ្លួន។
លោក ឈី ពុធតុលា នាយកនៃនាយកដ្ឋានឥណទានបុគ្គល Philip Bank បានឱ្យដឹងពីទស្សនៈរបស់ធនាគារមុននឹងផ្ដល់កម្ចីថា ៖
«មុននឹងធនាគារផ្ដល់កម្ចីដល់អតិថិជន ធនាគារនឹងពិនិត្យលើចំណុចសំខាន់ៗដូចជា ឯកសារចំណូល ឯកសារផ្ទាល់ខ្លួន ប្រវត្តិនៃការសងត្រឡប់ ដែលជាព័ត៌មានលម្អិតធ្លាប់បានបង់នៅតាមធនាគារផ្សេងទៀត។ ធនាគារក៏គេមើលលើ Regular income របស់អ្នកស្នើសុំដើម្បីឱ្យប្រាកដថាពួកគាត់មានលទ្ធភាពក្នុងការសងត្រឡប់រយៈពេលវែង»។
លោកបន្តថា មុនផ្ដល់កម្ចីក្នុងការទិញផ្ទះ ធនាគារក៏គិតពីអាយុរបស់អតិថិជនផងដែរ ព្រោះកម្ចីគេហដ្ឋានគឺមានរយៈពេលវែង។ ក្រៅពីការវាយតម្លៃរបស់ធនាគារតាមចំណុចខាងលើនេះ បុគ្គលខ្លួនឯងក៏ត្រូវពិចារណាលើចំណុចដូចជា ត្រូវមើលទៅលើហិរញ្ញវត្ថុផ្ទាល់ខ្លួនទាក់ទងជាមួយនឹងចំណូល និងការវិនិយោគផ្សេងៗ។
អ្នកជំនាញដដែលនេះបានបន្តឱ្យដឹងទៀតថា ៖
«គាត់ត្រូវមានគម្រោងនៃការសន្សំ និងវិនិយោគ មានន័យថា តើគាត់ត្រូវសន្សំមួយខែប៉ុន្មាន មួយឆ្នាំប៉ុន្មាន ប៉ុន្តែក្នុងអំឡុងពេលដែលគាត់មិនទាន់យកប្រាក់ទៅប្រើការអី តើគាត់អាចយកលុយទៅវិនិយោគលើអីបានដើម្បីបានប្រាក់ត្រឡប់មកវិញ ហើយគាត់ត្រូវមើលឱ្យច្បាស់នូវប្រភេទគេហដ្ឋានដែលគាត់ចង់បាន តើវាស័ក្ដិកសមនឹងលទ្ធភាពផ្ទាល់ខ្លួន ឬអត់»។
ជាមួយគ្នានេះ ដើម្បីចៀសវាងការអស់លទ្ធភាពបង់គេហដ្ឋាននៅពាក់កណ្ដាលទី លោក ង៉ែត ជូ អ្នកជំនាញហិរញ្ញវត្ថុ និងអចលនទ្រព្យបានណែនាំថា សម្រាប់អ្នកដែលចង់ទិញផ្ទះដោយការបង់រំលោះគួរតែបង់រំលោះត្រឹមតែ ៣០% នៃប្រាក់ចំណូលបានហើយ។
ត្រង់ចំណុចនេះ លោកបានពន្យល់បន្ថែមថា នៅពេលមានហានិភ័យដល់ការងារ បុគ្គលនោះនៅតែមានលទ្ធភាពក្នុងការបង់យ៉ាងហោចណាស់ក្នុងរយៈពេលមួយ ដែលគេអាចរកដំណោះស្រាយមកវិញ៕
Account
Security
Favourite Content