សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ អ្នកជំនាញផ្នែកសេដ្ឋកិច្ច និងវិស័យអចលនទ្រព្យនៅកម្ពុជាបានលើកឡើងថា អ្នកមានដីទំនេរមួយចំនួនគួរតែកែប្រែដីដែលនៅទំនេរនោះឱ្យក្លាយទៅប្រយោជន៍សម្រាប់រកចំណូលផង និងជំរុញឱ្យដីនោះមានតម្លៃបន្ថែមមួយកម្រិតផងដែរ ដោយគ្រាន់តែកែប្រែពីដីវាលទៅជាដីដែលមានដំណាំ ដីដែលមានសកម្មភាពប្រចាំថ្ងៃតែប៉ុណ្ណោះ។
លោក ព្រាប កុល ប្រធានក្រុមប្រឹក្សាភិបាលនៃក្រុមហ៊ុនអចលនទ្រព្យ Century 21 Zillion Holding បានថ្លែងឱ្យដឹងថា ការកែប្រែដីធ្លីមិនឱ្យនៅទំនេរ មិនត្រឹមតែអាចទទួលបានចំណូលបន្ថែមដល់ម្ចាស់ដីនោះទេ តែវានឹងធ្វើឱ្យដីធ្លីមានតម្លៃកើនឡើង។
លោកបានបញ្ជាក់ថា ៖
“បើយើងប្រៀបធៀបដីដែលនៅទំនេរអត់មានអ្វីសោះ និងដីដែលមានដំណាំនៅលើដីនោះ ប្រាកដណាស់ថាដីដែលមានដំណាំនឹងមានតម្លៃបន្ថែមខ្ពស់ជាងដីដែលនៅទំនេរអត់មានដំណាំអ្វីសោះជាក់ជាមិនខាន”
លោកបន្តថា ៖
“តាមពិតដីធ្លីនៅក្នុងប្រទេសកម្ពុជា មិនថានៅតាមបណ្ដាខេត្តមួយណានោះទេ សុទ្ធតែមានសក្ដានុពល និងតម្លៃរបស់វា គ្រាន់តែថា តើយើងបានកែច្នៃដីនោះឱ្យតម្លៃ និងមានសក្ដានុពលហើយឬនៅ ។ ដីខ្លះមានសក្ដានុពលទៅលើកសិកម្ម ដូច្នេះម្ចាស់ដីគួរតែកែច្នៃឱ្យមានដំណាំឬដាំដំណាំប្រភេទណាដែលត្រូវនឹងដីនោះ ពីព្រោះថាប្រភេទដីនីមួយៗ វាត្រូវនឹងប្រភេទដំណាំ ហើយគ្រប់ខេត្តទាំងអស់សុទ្ធតែអាចធ្វើកសិកម្មបានស្ទើរគ្រប់កន្លែង។ ការកែច្នៃដីទំនេរដែលមិនមានប្រយោជន៍ក៏អាចក្លាយទៅជាដីដែលអាចរកចំណូលដល់ប្រជាពលរដ្ឋក្នុងមូលដ្ឋានមួយកម្រិតទៀតផងដែរ”
លោក ឃឹម ប៊ុនឡែន ប្រធានសហគមន៍អេកូទេសចរណ៍មួយកន្លែងនៅខេត្តកំពត បានឱ្យដឹងថា លោកបានដឹកនាំពលរដ្ឋក្នុងមូលដ្ឋានក្នុងខេត្តកំពតឱ្យចេះស្រលាញ់ព្រៃឈើ និងបាននាំពួកគាត់ដាំដំណាំលើដីដែលទុកចោលក្លាយទៅជាដីដែលហុចភោគផលដំណាំសម្រាប់លក់តាមរដូវ និងទាក់ទាញភ្ញៀវទេសចរមកកម្សាន្ត ធ្វើឱ្យពលរដ្ឋក្នុងតំបន់នោះទទួលបានចំណូលពីការជូនភ្ញៀវដើរព្រៃកម្សាន្ត ក៏ដូចជាលក់បន្លែ ផ្លែឈើក្នុងតំបន់ផងដែរ ។
លោកបន្តថា ៖
“កាលពីមុនពលរដ្ឋក្នុងតំបន់គាត់ពឹងអាស្រ័យទៅលើការកាប់ព្រៃយកអុសលក់ និងធ្វើស្រែតាមរដូវតិចតួច មិនសូវទទួលបានចំណូលសម្រាប់ទំនុកបម្រុងជីវភាពគ្រួសារគ្រប់គ្រាន់នោះទេ ហើយថែមទាំងមានជាប់ជំពាក់បំណុលស្ថាប័នឯកជនទៀតផង ប៉ុន្តែក្រោយពេលដែលពួកគាត់រកចំណូលបានជាប្រចាំថ្ងៃមក ពួកគាត់ក៏លែងខ្វល់រឿងកាប់អុសលក់ធ្វើឱ្យព្រៃដុះកាន់តែច្រើន ហើយពួកគាត់ក៏ស្រលាញ់ចូលចិត្តព្រៃ ថែរក្សាព្រៃ និងរីករាយជាមួយចំណូលដែលមកពីភ្ញៀវទេសចរទៅកម្សាន្តនៅតំបន់របស់ពួកគាត់ផងដែរ”
លោកបន្តថា ៖
“ដីធ្លីនៅភ្នំពេញក៏ដូចគ្នាដែរ បើសិនជាដីនៅទំនេរទទេស្អាត តម្លៃក៏វាអាស្រ័យទៅតាមហ្នឹងដែរ តែបើសិនជាដីនោះមានសំណង់អ្វីមួយ ទោះបីជាសំណង់នោះធំ ឬតូច អ្នកទិញគេទិញហើយវាយចោលក៏វាមានតម្លៃរបស់វាដែរ ហើយនឹងធ្វើឱ្យដីនោះមានតម្លៃខ្ពស់ជាងដីដែលមិនមានអ្វីសោះនោះផងដែរ”
គួរបញ្ជាក់ផងដែរថា តម្លៃដីធ្លីនៅក្នុងប្រទេសកម្ពុជានាពេលនេះនៅមានកម្រិតទាបនៅឡើយបើធៀបនឹងបណ្ដាប្រទេសជាច្រើននៅក្នុងតំបន់ ដូច្នេះដីធ្លីនៅក្នុងប្រទេសកម្ពុជានឹងបន្តឡើងថ្លៃបន្ថែមទៀតនៅពេលខាងមុខ ខណៈដែលតម្រូវការនៃការប្រើប្រាស់ដីធ្លីនៅតែបន្តមានមិនទាន់ពិដាននៅឡើយ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រដ្ឋមន្ត្រីពាណិជ្ជកម្ម ៖ កិច្ចព្រមព្រៀង DEFA រំពឹងជួយជំរុញទំហំសេដ្ឋកិច្ចឌីជីថលអាស៊ានកើនឡើង ២ទ្រីលានដុល្លារអាម៉េរិក ក្នុងឆ្នាំ២០៣០
ជំនួញ, ព្រឹត្តិការណ៍, សេដ្ឋកិច្ច
• 14/09/2026
ភ្នំពេញ ៖ កិច្ចព្រមព្រៀង DEFA ( Digital Economy Framework Agreement ) ជាកិច្ចព្រមព្រៀងកម្រិតតំបន់អាស៊ានដំបូងគេបង្អស់លើពិភពលោក ដែលផ្ដោតជាពិសេសទៅលើការជួយសម្រួល និងពង្រឹងពាណិជ្ជកម្មតាមប្រព័ន្ធឌីជីថល និងសេដ្ឋកិច្ចឌីជីថលរវាងប្រទេសសមាជិកអាស៊ានទាំង១០ ។ កិច្ចព្រមព្រៀងនេះ គ្រោងនឹងចុះហត្ថលេខានៅអំឡុងខែវិច្ឆិកាខាងមុខនេះក្នុងកិច្ចប្រជុំកំពូលអាស៊ាននៅប្រទេសហ្វីលីពីន ដោយរំពឹងថា វានឹងជំរុញការធ្វើសេដ្ឋកិច្ចអនឡាញកើនឡើងទ្វេដង។ លោកជំទាវ
ក្រសួងរៀបចំដែនដីបង្ហាញទិសដៅថ្មីក្នុងការគ្រប់គ្រងតំបន់អង្គរ ដើម្បីពលរដ្ឋងាយស្រួលរស់នៅ និងប្រកបរបរចិញ្ចឹមជីវិត
Top News, ព្រឹត្តិការណ៍, សេដ្ឋកិច្ច
• 14/09/2026
សៀមរាប ៖ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានបង្ហាញទិសដៅថ្មីក្នុងការគ្រប់គ្រង និងអភិវឌ្ឍតំបន់អង្គរ ដើម្បីធានាកិច្ចការពារប្រាសាទ និងផ្តល់ភាពកក់ក្តៅដល់ពលរដ្ឋក្នុងការរស់នៅ និងប្រកបមុខរបរចិញ្ចឹមជីវិតឱ្យប្រសើរ។ ក្រសួងរៀបចំដែនដី នគរូបនីយកម្ម និងសំណង់ បានដាក់ចេញនូវទស្សនទាន និងយុទ្ធសាស្ត្រគន្លឹះថ្មីក្នុងការគ្រប់គ្រង និងអភិវឌ្ឍតំបន់អង្គរ តាមរយៈការថ្លឹងថ្លែងឱ្យមានតុល្យភាពរវាង «ការអភិរក្សមរតកដូនតា» និង «សុខុមាលភាព
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content