សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ គម្រោងផ្លូវជាតិ១០ដែលតភ្ជាប់ពីខេត្តចំនួន៣នៃតំបន់ជាយដែនប្រទេសកម្ពុជា រួមមាន ខេត្តបាត់ដំបង ខេត្តពោធិ៍សាត់ និងខេត្តកោះកុង បាន និងកំពុងសាងសង់យ៉ាងមមាញឹក ហើយរដ្ឋាភិបាលក៏បានបន្ថែមថវិកាសម្រាប់កសាងស្ពានខ្ពស់ជាងគេនៅកម្ពុជាផងដែរដែលស្ថិតលើកំណាត់ផ្លូវជាតិមួយនេះ ខណៈដែលការអភិវឌ្ឍផ្លូវជាតិលេខ១០នេះដែរនឹងជំរុញឱ្យខេត្តទាំង៣នៃជាយដែនប្រទេសនឹងកាន់តែខិតជិតគ្នា និងសម្រួលដល់ការធ្វើដំណើររបស់ទេសចរសម្រាប់ឆ្លងកាត់ខេត្តទាំង៣នេះ ។
លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាបានថ្លែងថា ការអភិវឌ្ឍផ្លូវជាតិលេខ១០នឹងធ្វើឱ្យការធ្វើដំណើររវាងខេត្តទាំង៣នៅតាមបណ្ដោយជាយដែនប្រទេសកម្ពុជារួមមានខេត្តបាត់ដំបង ខេត្តពោធិ៍សាត់ និងខេត្តកោះកុងកាន់តែមានភាពងាយស្រួល និងលឿនរហ័សប្រើពេលខ្លី ដែលអាចជួយជំរុញវិស័យទេសចរណ៍នៃខេត្តទាំងនេះកាន់តែមានទំនាក់ទំនងនឹងគ្នាផងដែរ ។
លោកបន្តថា ៖
“នៅពេលមានការអភិវឌ្ឍហេដ្ឋារចនាសម្ព័ន្ធដូចជាផ្លូវជាដើមនេះ នឹងជំរុញឱ្យមានការវិនិយោគបន្ថែមពីវិនិយោគនៅតាមតំបន់នោះផងដែរ។ ផ្លូវជាតិលេខ១០នេះ នឹងជួយជំរុញឱ្យមានការវិនិយោគបន្ថែមនៅក្នុងខេត្តទាំង៣ ពីព្រោះផ្លូវនេះនឹងក្លាយជាផ្លូវសំខាន់ក្នុងការដឹកជញ្ជូនទំនិញឆ្លងកាត់ខេត្តទាំង៣ទៅកាន់ច្រកព្រំដែន មានគោលដៅទៅកាន់ក្រៅប្រទេស និងដឹកជញ្ជូនពីក្រៅប្រទេសចូលមកកម្ពុជាវិញ”
លោក កែវ សារ៉ន ប្រធានសាខានៃក្រុមហ៊ុន Century 21 Zillion Holding ប្រចាំខេត្តបាត់ដំបងក៏បានឱ្យដឹងផងដែរថា បច្ចុប្បន្ននេះ នៅក្នុងខេត្តបាត់ដំបងកំពុងមានការវិនិយោគទៅលើរមណីយដ្ឋានទេសចរណ៍មួយចំនួន ហើយនៅពេលខាងមុខទេសចរជាតិ និងអន្តរជាតិអាចចូលមកកាន់ខេត្តបាត់ដំបងតាមច្រកថ្មីនៃផ្លូវជាតិលេខ១០នេះដែរ ដូច្នេះហើយនៅពេលដែលផ្លូវជាតិថ្មីៗសាងសង់រួច វានឹងរុញសក្ដានុពលនៃខេត្តបាត់ដំបងកាន់តែមានសន្ទុះទៅលើការវិនិយោគ និងទេសចរណ៍បន្ថែមផងដែរ ។
លោកបន្តថា ថ្វីត្បិតតែពេលនេះបាត់ដំបងមិនមានការវិនិយោគពីខាងក្រៅពិតមែន ប៉ុន្តែអ្នកវិនិយោគក្នុងតំបន់នេះផ្ទាល់កំពុងមមាញឹកក្នុងការអនុវត្តគម្រោងវិនិយោគរបស់ខ្លួន និងបានរក្សាតម្លៃដីធ្លីនិងអចលនទ្រព្យផ្សេងស្ថិតនៅកម្រិតមួយខ្ពស់ជាពិសេសអចលនទ្រព្យនៅតំបន់មានសក្ដានុពលក្នុងការទាក់ទាញ ។
ស្រដៀងគ្នានេះ លោក ទុយ ប៉ោហេង ភ្នាក់ងារអចលនវត្ថុប្រចាំខេត្តកោះកុងក៏បានលើកឡើងផងដែរថា ការអភិវឌ្ឍហេដ្ឋារចនាសម្ព័ន្ធនៅក្នុងខេត្តកោះកុង និងគម្រោងផ្លូវជាតិលេខ១០នេះដែរ ក៏នឹងជំរុញឱ្យខេត្តកោះកុងកាន់តែមានច្រកទទួលវិនិយោគិន និងទេសចរចូលមកសម្រាក និងកម្សាន្តបានកាន់តែច្រើន ខណៈបច្ចុប្បន្ននេះ សក្ដានុពលដីធ្លីនៅក្នុងខេត្តមួយនេះក៏ឃើញថាកាន់តែមានភាពទាក់ទាញ និងជាឱកាសដ៏ល្អសម្រាប់អ្នកមានទុនទិញទុកសម្រាប់វិនិយោគនៅពេលអនាគត។
លោកបន្តថា នៅពេលគម្រោងផ្លូវជាតិលេខ១០និងផ្លូវសំខាន់ៗជាច្រើនទៀតតភ្ជាប់ពីតំបន់ផ្សេងចូលមកកាន់ខេត្តកោះកុង សាងសង់រួចរាល់ លោករំពឹងកំណើនវិនិយោគ នៅក្នុងខេត្តកោះកុងនឹងកាន់តែមានសន្ទុះកាន់តែខ្លាំងស្របនឹងសក្ដានុពលខេត្តនេះក៏មានស្រាប់ហើយដែរ ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សិប្បកម្មកែច្នៃដូង ១៥ មូលដ្ឋាន ប្រើទុនជិត ៤៦ម៉ឺនដុល្លារ កំពុងដំណើរការ និងផ្គត់ផ្គង់ទីផ្សារក្នុងស្រុក
ក្រោយសម្រេចកំណត់ត្រា ១លានតោន កម្ពុជាកំណត់គោលដៅនៃការនាំចេញអង្ករកើនឡើងពី ៥% ទៅ១០%រៀងរាល់ឆ្នាំ
Top News, ព្រឹត្តិការណ៍, សេដ្ឋកិច្ច
• 21/10/2026
ភ្នំពេញ ៖ ការនាំចេញអង្ករលើសពី ១លានតោនក្នុងឆ្នាំ២០២៦ បានផ្តល់ទំនុកចិត្តយ៉ាងខ្លាំងដល់កសិករខ្មែរ ខណៈទីផ្សារអឺរ៉ុប និងចិន បន្តឈរជាអ្នកបញ្ជាទិញធំជាងគេសម្រាប់កសិផលកម្ពុជា។ ប្រទេសកម្ពុជាបានបង្កើតកំណត់ត្រាប្រវត្តិសាស្ត្រថ្មីមួយនៅក្នុងវិស័យពាណិជ្ជកម្មកសិកម្ម ដោយបាននាំចេញអង្ករសរុបកើនឡើងរហូតដល់ ១,០១៤,៤៤២ តោន គិតចាប់ពីថ្ងៃទី១ ខែមករា ដល់ថ្ងៃទី១៩ ខែតុលា ឆ្នាំ២០២៦ នេះបើយោងតាមទិន្នន័យផ្លូវការរបស់ក្រសួងកសិកម្ម រុក្ខាប្រមាញ់ និងនេសាទ។
ទំនិញថៃ មកកម្ពុជា បន្ដធ្លាក់ចុះខ្លាំង បង្ហាញពីរលកពហិការនៅខ្លាំងក្លា ដែលជាឱកាសមាសសម្រាប់សហគ្រាសក្នុងស្រុកពង្រឹងគុណភាព ពង្រីកទីផ្សារ
បទសម្ភាសន៍ និងបទយកការណ៍, ព្រឹត្តិការណ៍, សេដ្ឋកិច្ច
• 20/10/2026
ភ្នំពេញ៖ តួលេខនៃទំហំពាណិជ្ជកម្ម ក៏ដូចជាការនាំចូលទំនិញពីប្រទេសថៃមកកាន់ទឹកដីកម្ពុជាក្នុងរយៈពេល ៩ខែ ឆ្នាំ២០២៦ កន្លងទៅនេះ បានធ្លាក់ចុះជិត ៣៣.៩% បើធៀបនឹងរយៈពេលដូចគ្នាកាលពីឆ្នាំ២០២៥ ពោលបើគិតជាទឹកប្រាក់ គឺធ្លាក់ចុះពី ២ ៣៣៣លានដុល្លារអាមេរិក មកនៅត្រឹម ១ ៥៤២លានដុល្លារ។ ចំណែកឯការនាំចេញទំនិញរបស់កម្ពុជារយៈពេល ៩ខែដូចគ្នា ទៅប្រទេសថៃវិញ ក៏បានធ្លាក់ចុះ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ត្រឹមរយៈពេល ២ ឆ្នាំ តំបន់សេដ្ឋកិច្ចពិសេសកោះកុង ចេជាង ទទួលបានទុនវិនិយោគជាង ៥៦០ លានដុល្លារ
គម្រោងលើកកម្រិតគុណភាពផ្លូវជាតិលេខ៤៨ បានបញ្ចប់ការដ្ឋានជាស្ថាពរ និងប្រគល់ជូនក្រសួងសាធារណការនិងដឹកជញ្ជូនរួចរាល់
Account
Security
Favourite Content