សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
(វិមានសន្តិភាព)៖ ក្នុងឱកាសអញ្ជើញដឹកនាំកិច្ចប្រជុំ “វេទិការាជរដ្ឋាភិបាល និងផ្នែកឯកជន លើកទី១៩” នៅព្រឹកថ្ងៃចន្ទ ទី១៣ ខែវិច្ឆិកា ឆ្នាំ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានលើកឡើងពីកង្វល់នានារបស់ធុរជន និងវិនិយោគិនយកមកពិភាក្សាក្នុងគោលដៅជំរុញការអភិវឌ្ឍវិស័យឯកជននៅកម្ពុជា។
ក្នុងនោះ កាតព្វកិច្ចពន្ធគឺជាការព្រួយបារម្ភមួយរបស់វិស័យឯកជន ក៏ដូចជាប្រជាពលរដ្ឋ។ ថ្វីត្បិតថា ចំណូលដែលបានមកពីពន្ធដារ បានជួយស្រោចស្រង់សេដ្ឋកិច្ចកម្ពុជាលើវិស័យហេដ្ឋារចនាសម្ព័ន្ធ និងសម្រាប់ដោះស្រាយបញ្ហានានា ប៉ុន្តែរដ្ឋាភិបាលអាណត្តថ្មីក៏នៅតែមានការគិតគូរពីពលរដ្ឋផងដែរ។
សម្ដេចធិបតីបានមានប្រសាសន៍យ៉ាងដូច្នេះថា៖
«ខ្ញុំសូមសង្កត់ធ្ងន់ថា នៅក្នុងអាណត្តិនេះ រដ្ឋាភិបាលនឹងមិនមានបង្កើតប្រភេទពន្ធថ្មីនោះទេ ហើយពន្ធដែលមានស្រាប់ក៏មិនមានការដំឡើងអាត្រានោះដែរ»។
ពាក់ព័ន្ធនឹងបញ្ហាពន្ធដារនេះ សម្ដេចនាយករដ្ឋមន្ត្រីបានបន្តមានប្រសាសន៍ទៀតថា កន្លងមករាជរដ្ឋាភិបាល បានសម្រេចលុបចោលជាបន្តបន្ទាប់នូវប្រភេទពន្ធ ដូចជា ពន្ធសត្វឃាត ពន្ធលើរបរម៉ៅការ ពន្ធតែមសារពើព័ន្ធ លើលិខិតរដ្ឋបាល លិខិតតុលាការ ឯកសារអត្រានុកូលដ្ឋាន ពន្ធលើមធ្យោបាយដឹកជញ្ជូនទោចក្រយានយន្ដ ត្រីចក្រយានយន្ដ ត្រាក់ទ័រ និងពន្ធប្រថាប់ត្រាលើលិខិតបង្កើតក្រុមហ៊ុនជាដើម។
បន្ថែមពីនេះ រាជរដ្ឋាភិបាលក្នុងអាណត្តិកន្លងមកក៏មានការលើកលែងពន្ធមួយចំនួនទៀត ហើយដែលរាជរដ្ឋាភិបាលក្នុងអាណត្តនេះក៏នឹងបន្តអនុវត្តន៍ជាគោលការណ៍គឺ ទី១ មិនយកពន្ធលើដីកសិកម្ម ដីស្រែជាលក្ខណៈគ្រួសារ ពន្ធនាំចូលសម្ភារៈកសិកម្ម ពន្ធអចលនទ្រព្យតម្លៃទាបជាង ១០០លានរៀល ពន្ធប្រថាប់ត្រាលើការផ្ទេរកម្មសិទ្ធ លើអចលនទ្រព្យពីឪពុកម្ដាយ មកកូន យាយតាមកចៅ ។ល។
ក្នុងនោះផងដែរ សម្ដេចក៏បានគូសបញ្ជាក់អំពីការបង់ផាស៊ីតាមផ្សារ ដោយរាជរដ្ឋាភិបាលអាណត្តិនេះនឹងបន្តលុបការបង់ផាស៊ី និងការបង់ថ្លៃផ្សេងៗ ដែលមានន័យថា ការលក់ដូររបស់ប្រជាពលរដ្ឋជាលក្ខណៈកញ្ជ្រែង កញ្ជើ ល្អី នៅតាមទីផ្សារនានានៅទូទាំងប្រទេស នឹងមិនតម្រូវ ឱ្យបង់ផាស៊ីនោះទេ។
បន្ថែមពីនេះទៅទៀត ដើម្បីសម្រួលពលរដ្ឋ រាជរដ្ឋាភិបាលសម្រេចផ្ដល់ការអនុគ្រោះបន្ថែមលើ ប្រភេទពន្ធមួយចំនួនដូចជា បន្តការលើកលែងពន្ធប្រថាប់ត្រាលើការផ្ទេសិទ្ធិ ឬសិទ្ធិកាន់កាប់ លំនៅឋានគ្រប់ប្រភេទដែលមានលក្ខណៈជាបុរី ដែលមានតម្លៃក្រោម ឬស្មើ៧ម៉ឺនដុល្លាររហូតដល់ បំណាច់ឆ្នាំ ២០២៤៕
Account
Security
Favourite Content