សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រ បានសម្រេចដាក់ឈ្មោះព្រលានយន្តហោះអន្តរជាតិថ្មីដែលមានទីតាំងនៅស្រុកកណ្ដាលស្ទឹង ខេត្តកណ្តាល ជាប់ព្រំប្រទល់ស្រុកបាទី ខេត្តតាកែវថា “អាកាសយានដ្ឋានអន្តរជាតិតេជោ ក្រុងតាខ្មៅ “។
សម្ដេចតេជោហ៊ុន សែន នាយករដ្ឋមន្ត្រីនៃកម្ពុជា នៅព្រឹកថ្ងៃ៩ ខែធ្នូ ឆ្នាំ២០២១ ក្នុងឱកាសអញ្ជើញចុះពិនិត្យពីវឌ្ឍនភាពនៃដំណើរសាងសង់អាកាសយានដ្ឋានអន្តរជាតិថ្មីបានសម្រេចដាក់ឈ្មោះជាផ្លូវការថា “អាកាសយានដ្ឋានអន្តរជាតិតេជោ ក្រុងតាខ្មៅ “។
សម្តេចតេជោបានបញ្ជាក់ថា ៖
“ការដាក់ឈ្មោះនេះមិនមែនខ្ញុំជាអ្នកសម្រេចដាក់ក្នុងន័យ ឬសំដៅយកឈ្មោះខ្លួនឯងដាក់នោះទេ ប៉ុន្តែ វាជាឈ្មោះមួយដែលជាប់ពាក់ព័ន្ធទៅនឹងប្រវត្តិសាស្ត្រខ្មែរនៃរបបរាជានិយមតាំពីសតវត្សរ៍ទី១៦ ក្នុងរជ្ជកាល ព្រះបាទសុរិយោពណ៌”
សម្ដេចតេជោ បានរំលឹកថា ក្នុងរជ្ជកាលព្រះស្រីសុរិយោពណ៌នាសតវត្សរ៍ទី១៦ បានសម្រេចបញ្ជាឲ្យមេទ័ព តេជោមាសធ្វើសកម្មភាពជាច្រើនដែលបម្រើផលប្រយោជន៍ដល់ប្រជាជនយ៉ាងច្រើន ជាពិសេស អ្នករស់នៅក្នុងតំបន់ស្អាងតែម្ដង។ ដូច្នេះ ការជ្រើសរើសយកឈ្មោះដាក់ខាងលើនេះ ជាការជ្រើសរើស យក១ក្នុងចំណោម៤ ដែលខាងក្រុមហ៊ុនសាងសង់បានដាក់សុំសេចក្ដីសម្រេច។
ព្រលានយន្តហោះអន្តរជាតិភ្នំពេញថ្មី បាននឹងកំពុងសាងសង់តាមផែនការក្នុងតំណាក់កាលដំបូង លាតសន្ធឹងលើផ្ទៃដីប្រមាណ ២ ៦០០ហិកតា ស្ថិតនៅឃុំ ព្រែកស្លែង និងឃុំបឹងខ្យាង ស្រុកកណ្តាលស្ទឹង ខេត្តកណ្តាល និងមួយផ្នែកទៀតនៅស្រុកស្អាង ស្រុកបាទីខេត្តតាកែវមួយផ្នែក ។ លោកបន្តថា តាមផែនការ ព្រលានយន្តហោះអន្តរជាតិថ្មីនេះ គ្រោងនឹងបញ្ចប់ការសាងសង់នៅក្នុងឆ្នាំ២០២៣។
គម្រោងសាងសាង់ព្រលានយន្តអន្តរជាតិភ្នំពេញថ្មី គ្រោងចំណាយថវិកាសាងសង់រហូតដល់ ១ ៥០០លានដុល្លារ ត្រូវបានរចនាឡើងលំដាប់ថ្នាក់ 4F ជាអាកាសយានដ្ឋានធំបំផុតលំដាប់ទី៩ នៅក្នុងពិភពលោក ដែលស្ថិតនៅលំដាប់ពីក្រោយអាកាសយានដ្ឋាន Chicago O’Hare និងលំដាប់មុខអាកាសយានដ្ឋានអន្តរជាតិទីក្រុងប៉េកាំងរបស់ប្រទេសចិន។
នៅពេលសាងសង់ចប់ អាកាសយានដ្ឋានថ្មីនេះនឹងមានសមត្ថភាពទទួលយន្តហោះដឹកជញ្ជូនធុនធ្ងន់ផ្លូវឆ្ងាយ ព្រមទាំងមានសមត្ថភាពទទួលអ្នកដំណើរបានចំនួន ២៧លាននាក់នៅឆ្នាំ២០៣០ ហើយនៅឆ្នាំ២០៥០ វានឹងអាចផ្ទុកអ្នកដំណើររហូតដល់ ៣០លាននាក់ស្របតាមផែនការមេរបស់ក្រសួងទេសចរណ៍៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content