សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ទោះស្ថិតនៅក្នុងស្ថានភាពពិបាកយ៉ាងណាក្ដី ក៏គម្រោងអភិវឌ្ឍន៍ជាច្រើនរបស់កម្ពុជានៅតែបន្តដំណើរការទៅមុខជាបន្តបន្ទាប់ ដើម្បីឱ្យសម្រេចទៅតាមផែនការគ្រោងទុក ក្នុងនោះដែរគម្រោងអភិវឌ្ឍន៍ព្រលានយន្តហោះអន្តរជាតិសៀមរាបថ្មីក្នុងខេត្តសៀមរាបនៅតែបន្តការអភិវឌ្ឍន៍ ហើយរហូតដល់ដំណាច់ឆមាសទី១នៃឆ្នាំ២០២២នេះ គម្រោងនេះទាំងមូលសម្រេចបានប្រមាណ៣៤ភាគរយ ហើយនៅដំណាច់ឆ្នាំ២០២២នេះនឹងសម្រេចឱ្យបាន ៧០ភាគរយ ។
ឯកឧត្តម ស៊ីន ចាន់សេរីវុត្ថា អ្នកនាំពាក្យរដ្ឋលេខាធិការដ្ឋានអាកាសចរស៊ីវិលបានថ្លែងប្រាប់ AMS នៅរសៀលថ្ងៃទី១២ ខែកក្កដា ឆ្នាំ២០២២នេះឱ្យដឹងថា រដ្ឋលេខាធិការដ្ឋានអាកាសចរស៊ីវិលក៏បានទទួលតួលេខនេះពីក្រុមហ៊ុនអភិវឌ្ឍន៍ដែរ គឺមកដល់ពេលនេះព្រលានយន្តហោះអន្តរជាតិសៀមរាបសម្រេចបានប្រមាណ ៣៤ភាគរយ ហើយក្រុមហ៊ុនប្រាប់ថានឹងដោះស្រាយបញ្ហាធ្វើយ៉ាងណាដើម្បីឱ្យបញ្ចប់ទៅតាមផែនការ ។
ឯកឧត្តមបន្តថា ៖
“កត្តាដែលធ្វើឱ្យមានការយឺតយ៉ាវក្នុងការសាងសង់ព្រលានយន្តហោះអន្តរជាតិសៀមរាប ដោយសារបញ្ហាកូវីដ១៩ បញ្ហាកំលាំងពលកម្ម ជាពិសេស សម្ភារៈសម្រាប់ដំណើរការសាងសង់នៅក្នុងការដ្ឋានក៏ត្រូវយកមកពីប្រទេសចិន ហើយនៅពេលដែលចិនមានបញ្ហាដោយសារតែកូវីដ១៩ ទើបធ្វើឱ្យគម្រោងនេះហាក់យឺតយ៉ាវបន្តិចបន្តួចប៉ុណ្ណោះ តែវាមិនជាបញ្ហាធំដុំនោះឡើយ។ យើងក្រលេកទៅមើលសំណង់ព្រលានយន្តហោះអន្តរជាតិតេជោនៅភ្នំពេញ និងព្រលានយន្តហោះអន្តរជាតិសៀមរាបវាសម្រេចបានប្រហាក់ប្រហែលគ្នាទោះបីជាព្រលានយន្តហោះអន្តរជាតិសៀមរាបបានចាប់ផ្ដើមសាងសង់មុនក្ដី”
យ៉ាងណាក៏ដោយឯកឧត្តមបានបញ្ជាក់ថា គម្រោងព្រលានយន្តហោះអន្តរជាតិសៀមរាបនឹងដាក់ដំណើរការមុនគម្រោងព្រលានយន្តហោះអន្តរជាតិតេជោ ពីព្រោះក្នុងផែនការកម្ពុជាបានកំណត់រួចហើយថាមួយណាដាក់មុន និងមួយណាដាក់ដំណើរការក្រោយ។ អ្នកជំនាញនៃវិស័យអចលនទ្រព្យជាច្រើនបានរំពឹងខ្ពស់ពីសញ្ញាវិជ្ជាមានចំពោះអចលនទ្រព្យ ជាពិសេសវិស័យដីធ្លីនៅជុំវិញគម្រោងព្រលានយន្តហោះអន្តរជាតិទាំងពីរ ដោយរំពឹងថានឹងជំរុញឱ្យតម្លៃដីធ្លីហក់ឡើងបន្ថែមទៀត និងមានភាពងាយស្រួលក្នុងការប្រកាសលក់ ។
លោកឧកញ៉ា កាំង សុធី អគ្គនាយកក្រុមហ៊ុនភ្នាក់ងារអចលនទ្រព្យអន្តរជាតិ Century21 Land Station និងជាអ្នកជំនាញវិស័យដីធ្លីមួយរូបនៅកម្ពុជាបានលើកឡើងថា កាលពីមុនដីធ្លីនៅតំបន់ជុំវិញព្រលានយន្តហោះអន្តរជាតិតេជោ មិនត្រូវបានចាប់អារម្មណ៍ខ្លាំងពីសំណាក់អ្នកវិនិយោគប៉ុន្មាននោះទេ ប៉ុន្តែ ក្រោយពីគម្រោងព្រលានយន្តហោះអន្តរជាតិនេះបានចេញជារូបរាងមកក៏ឃើញថាមានអ្នកចាប់អារម្មណ៍កាន់តែខ្លាំងឡើង និងបានធ្វើឱ្យតម្លៃដីធ្លីនៅតំបន់កាន់តែមានហាងឆេង ស្ទើរតែរកដីលក់មិនបានផង។ មិនត្រឹមតែប៉ុណ្ណោះ តាមរយៈគម្រោងដែលមានតម្លៃរាប់ពាន់លានដុល្លារនេះ បានធ្វើឲ្យបណ្តាអ្នកអភិវឌ្ឍន៍ជាច្រើនចាប់ផ្ដើមសម្រុកសាងសង់ទាំងលំនៅឋាន ផ្សារទំនើប បុរី និងគម្រោងជាច្រើនទៀត ដើម្បីផ្ដល់ផ្គត់ផ្គង់តម្រូវការជាក់ស្ដែងនៅក្នុងទីផ្សារនាពេលបច្ចុប្បន្ន និងបន្តទៅថ្ងៃអនាគត ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ទិន្នផលគ្រាប់ស្វាយចន្ទី ឆ្នាំ២០២៧ អាចធ្លាក់ចុះ ខណៈដែលសមាគមអំពាវនាវឱ្យកសិករយកចិត្តទុកដាក់ថែទាំប្រភពទឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ សមាគមស្វាយចន្ទីកម្ពុជា បានបង្ហាញពីក្ដីព្រួយបារម្ភចំពោះការកើនឡើងកម្តៅ និងគ្រោះរាំងស្ងួតបង្កដោយបាតុភូត អែល នីញ៉ូ(El Niño) ដែលអាចគំរាមកំហែងដល់ទិន្នផល និងគុណភាពស្វាយចន្ទីនៅឆ្នាំ២០២៧ ហើយបានអំពាវនាវឱ្យកសិករដាំដុះទាំងអស់យកចិត្តទុកដាក់ថែទាំ និងរក្សាប្រភពទឹកឱ្យបានល្អ។ ប្រធានសមាគមស្វាយចន្ទីកម្ពុជា លោក អួន ស៊ីឡុត បានប្រាប់បណ្ដាញព័ត៌មាន AMS ថា ពេលនេះកសិករបានដាំស្វាយចន្ទីថ្មីរួចរាល់ហើយ
មេផ្សារមូលបត្រកម្ពុជា បញ្ជាក់ពីការកើនឡើងផលចំណេញ និងការជួញដូរភាគហ៊ុនកំពុងមានភាពមមាញឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ អគ្គនាយកក្រុមហ៊ុនផ្សារមូលបត្រកម្ពុជា បានលើកឡើងថា គិតត្រឹមដើមខែកញ្ញា ឆ្នាំ២០២៦នេះ ទីផ្សារមូលបត្រកម្ពុជាបន្តទទួលបានផលជាវិជ្ជមាន ខណៈអ្នកវិនិយោគខ្លះអាចរកចំណេញបានប្រមាណ ២០ ទៅ ៣០ភាគរយ ក្នុងរយៈពេលតែប៉ុន្មានសប្តាហ៍ ស្របពេលដែលទំហំជួញដូរភាគហ៊ុនក៏បន្តកើនឡើងយ៉ាងខ្លាំងគួរឱ្យកត់សម្គាល់។ លោក ហុង សុហួរ អគ្គនាយកក្រុមហ៊ុនផ្សារមូលបត្រកម្ពុជា បានឱ្យដឹងថា បច្ចុប្បន្ន ទីផ្សារភាគហ៊ុនកម្ពុជាកំពុងផ្តល់ផលចំណេញខ្ពស់ក្នុងរយៈពេលខ្លីដល់អ្នកវិនិយោគ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content