សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្នុងស្មារតីពូនជ្រំរដ្ឋបាលសាធារណៈទំនើប ឆ្លាតវៃ និងវាងវៃ ក្រសួងរៀបចំដែនដី នគរូបនីយកម្ម និងសំណង់ ដែលជាសេនាធិការរាជរដ្ឋាភិបាល បាន និងកំពុងពិនិត្យការវិភាគមុខងារ និងការរៀបចំរចនាសម្ព័ន្ធរបស់ក្រសួង ដោយកំណត់គោលដៅការងារ ជំរុញកិច្ចការគ្រប់គ្រងស្ថាប័ន និងឱ្យមានការឯកភាពរួមគ្នាលើដំណើរការទៅមុខ ដើម្បីឱ្យសមស្របទៅនឹងការអនុវត្តយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាល គោលនយោបាយអាទិភាពទាំង៣ចំណុច របស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា លើកំណែទម្រង់មុខងារសាធារណៈ។
យោងតាមសេចក្ដីប្រកាសព័ត៌មារបស់ក្រសួងរៀបចំដែនដី នគរូបនីយកម្ម និងសំណង់ បានឱ្យដឹងថា គោលនយោបាយអាទិភាពរួមមាន ការពង្រឹងសមត្ថភាពមន្ត្រី ការពង្រឹងសមត្ថភាពស្ថាប័ន និងប្រព័ន្ធលើកទឹកចិត្តមន្ត្រី និងគោលនយោបាយថ្មីៗរបស់ក្រសួង ព្រមទាំងឆ្លើយតបទៅនឹងការអភិវឌ្ឍរបស់សង្គមសេដ្ឋកិច្ច និងនយោបាយរបស់កម្ពុជាទៅពេលអនាគត ។
នៅក្នុងកិច្ចប្រជុំផ្ទៃក្នុងមួយរបស់ថ្នាក់ដឹកនាំ ក្រសួងរៀបចំដែនដី នគរូបនីយកម្ម និងសំណង់ ដែលដឹកនាំដោយឯកឧត្តមឧបនាយករដ្ឋមន្ត្រី សាយ សំអាល់ កាលពីថ្ងៃទី១៩ ខែកុម្ភៈ ឆ្នាំ២០២៥ ថ្នាក់ដឹកនាំក្រសួង បានពិភាក្សាផ្តោតលើ ការពិនិត្យមុខងារដែលក្រសួងត្រូវធ្វើ ការពិនិត្យមើលបរិមាណមន្ត្រី និងប្រភេទមន្ត្រីដែលក្រសួងត្រូវការចាំបាច់ ការពិនិត្យលើការងារដែលមានទំនាក់ទំនងរវាងវិស័យរបស់ក្រសួងរៀបចំដែនដី នគរូបនីយកម្ម និងសំណង់ ជាមួយវិស័យផ្សេងទៀត ដើម្បីមានការឯកភាពគ្នាលើការបែងចែក និងអនុវត្ថការងារបន្ត ស្តាប់នូវសំណូមពរមន្ត្រីថ្នាក់ក្រោមជាតិ ដើម្បីក្រសួងមានលទ្ធភាពបើកវគ្គបណ្តះបណ្តាលជូន ដែលធ្វើឱ្យពួកគាត់អាចបំពេញមុខងារដែលក្រសួងប្រគល់ឱ្យ មានប្រសិទ្ធភាព៕
Account
Security
Favourite Content