សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ស្ថិតក្នុងស្ថានភាពនៃវិស័យអចលនទ្រព្យក្នុងប្រទេសកម្ពុជានៅមិនទាន់មានភាពច្បាស់លាស់នៅឡើយនោះ ប៉ុន្តែមានផ្នែកខ្លះនៃវិស័យមួយនេះនៅតែបន្តមានតម្រូវការទីផ្សារ និងមានហាងឆេងខ្ពស់ដដែល ជាក់ស្ដែងមួយរយៈចុងក្រោយនេះ គេឃើញថាតម្រូវការឃ្លាំងសម្រាប់ជួលបន្តមានកំណើនគួរឱ្យកត់សម្គាល់ ហើយអ្នកអភិវឌ្ឍន៍ក៏នាំគ្នាសាងសង់ឃ្លាំងបន្ថែមដើម្បីបំពេញតាមតម្រូវការជាក់ស្ដែង ជាពិសេសនៅតំបន់ជាយរាជធានីភ្នំពេញ ។
លោក ចាន់ វិច្ឆិកា អ្នកជំនួញនៅក្នុងទីផ្សារអចលនទ្រព្យមួយរូបបានលើកឡើងថា តម្រូវការឃ្លាំងនៅតែបន្តមាន ទោះជាក្នុងគ្រាដែលមានវិបត្តិជំងឺកូវីដនៅកម្ពុជាក៏តម្រូវការមិនធ្លាក់ចុះដែរ។ ដោយឡែករហូតមកដល់បច្ចុប្បន្ននេះ តម្រូវការជួលឃ្លាំងកាន់តែមានកំណើនខ្ពស់ ដែលធ្វើឱ្យវិនិយោគិន និងអ្នករកស៊ីក្នុងវិស័យនេះបានស្វែងរកទិញដីនៅតំបន់ជាយក្រុង ជាប់ផ្លូវធំៗ ដើម្បីទុកជួលឱ្យម្ចាស់ទំនិញ និងម្ចាស់រោងចក្រនានាដែលកំពុងវិនិយោគនៅក្នុងប្រទេសកម្ពុជា ។
លោកបន្តថា សព្វថ្ងៃនេះ ទីផ្សារឃ្លាំងអត់ពិបាករកម៉ូយឬអតិថិជននោះទេ ឱ្យតែមានឃ្លាំងគឺមានអ្នកជួលហើយ ប៉ុន្តែគេមើលទៅលើទីតាំងដែរ បើសិនជាទីតាំងដែលអាចឱ្យរថយន្តដឹកទំនិញចេញចូលបាន គឺមិនពិបាករកភ្ញៀវជួលនោះឡើយ ហើយការរកស៊ីសាងសង់ឃ្លាំងក៏មិនពិបាកដែរគឺសង់ហើយចាំតែយកលុយប៉ុណ្ណោះ ។ យ៉ាងណាក្ដី ថ្វីត្បិតតែតម្រូវការឃ្លាំងមានការកើនឡើងខ្ពស់ក៏ពិតមែន តែតម្លៃមិនទាន់ឡើងនោះ ទេ ក្នុងរយៈពេលប៉ុន្មានឆ្នាំកន្លងមកនេះ ដោយឃ្លាំងធម្មតាៗយើងអាចជួលបានក្នុងតម្លៃ ប្រមាណ២ទៅ៥ដុល្លារអាមេរិក ទៅតាមទីតាំងនិងទំហំ ប៉ុន្តែជាទូទៅឃ្លាំងដែលមានតម្លៃ រង្វង់២ដុល្លារអាមេរិកក្នុងមួយមួយម៉ែត្រការ៉េ គឺមានតម្រូវការខ្ពស់ និងមានអ្នកស្វែងរកជួលច្រើន ។
បើតាមលោកឌឹត ចណ្ណា អគ្គនាយកក្រុមហ៊ុន ឡាក់គីរៀលអ៊ីស្ទេតបានលើកឡើងថា ក្នុងបរិបទនៃវិបត្តិកូវីដ១៩ គឺបានវិស័យឧស្សាហកម្មនេះហើយ បានជួយដល់ទីផ្សារអចលនទ្រព្យឱ្យនៅមានដំណើរការទិញលក និងជួល ហើយក្នុងអំឡុងនេះដែរ យើងមើលឃើញថាអ្នកវិនិយោគនៅតែបន្តបណ្ដាក់ទុនវិនិយោគ ធ្វើឱ្យតម្រូវការដីធ្លីសម្រាប់សាងសង់រោងចក្រ សាងសង់ឃ្លាំងសម្រាប់ជួលនៅតែមាន និងធ្វើឱ្យមានចរន្តទិញលក់ និងជួលបន្តបន្ទាប់ ។
លោក ប៉ូ អ៊ាវគង់ អគ្គនាយកក្រុមហ៊ុន Advance បានចាត់ថ្នាក់តំបន់ដែលជាបណ្ដុំឧស្សាហកម្មនៅជុំវិញរាជធានីភ្នំពេញក្នុងនោះមានដូចជាតំបន់ផ្លូវជាតិលេខ២ ផ្លូវជាតិលេខ៣ និងផ្លូវជាតិលេខ ៤ ។ តំបន់ទាំងនេះ ជាតំបន់ដែលពោរពេញដោយរោងចក្រ និងឃ្លាំង ព្រោះវាជាតំបន់ដែលមានងាយស្រួលក្នុងការដឹកទំនិញចេញទៅកំពង់ផែអន្តរជាតិទឹកជ្រៅ ក្រុងព្រះសីហនុ និងតំបន់ព្រំដែន៕
Account
Security
Favourite Content