សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
នៅទីបំផុត កាលពីចុងសប្តាហ៍កន្លងទៅនេះ រដ្ឋាភិបាលទីក្រុងវ៉ាស៊ិនតោនបានឈានទៅដល់ការសម្រេចបាននូវការធ្វើការហោះហើរជាលើកដំបូងនៃយន្តហោះទំលាក់គ្រាប់បែកជំនាន់ថ្មីដែលត្រូវបានគេស្គាល់ឈ្មោះថា B-21 Raider ។
B-21 Raider នឹងត្រូវប្រើប្រាស់ជំនួសឲ្យ B-2 Spirit ហើយតាមផែនការរបស់អាមេរិកវានឹងក្លាយទៅជាយន្តហោះទំលាក់គ្រាប់បែកនាំមុខគេបំផុតក្នុងចំណោមមហាអំណាចអាវុធផ្សេងទៀតចំពោះយន្តហោះដែលអាចហោះហើរបានលឿន ហើយអាចបំពាក់គ្រាប់បែកបរិមាណូបានផងដែរ។
កន្លងមកកងកម្លាំងទ័ពអាកាសអាមេរិកបានអះអាងហើយថា នឹងផលិតយន្តហោះ B-21 Raider នេះចំនួន១០០គ្រឿង ដើម្បីដាក់ឲ្យជំនួសប្រតិបត្តិការទាំងស្រុងនៃយន្តហោះ B-1 Lancer និង B-2 Spirit នៅត្រឹមឆ្នាំ២០៤០ ដោយក្នុងនោះមានយន្តហោះខ្លះជាយន្តហោះបើកបរដោយស្វ័យប្រវត្តិ ហើយយន្តហោះខ្លះនឹងមានមុខងារឲ្យពីឡុតបើកបរដោយផ្ទាល់បាន។
អ្នកនាំពាក្យរបស់កងកម្លាំងទ័័ពអាកាសអាមេរិក លោក Ann Stefanek បាននិយាយថា B-21 Raider ត្រូវបានដាក់ឲ្យហោះហើរសាកល្បងជាលើកដំបូងរួចរាល់ហើយ។ វាមិនត្រឹមតែមានល្បឿនលឿនជាងមុននោះទេ ថែមទាំងអាចហោះហើរក្នុងរយៈពេលយូរ និងស័ក្ដិសមទៅនឹងយុទ្ធសាស្ត្រជាមូលដ្ឋានរបស់សហរដ្ឋអាមេរិក និងដៃគូសម្ព័ន្ធមិត្តរបស់ខ្លួនទៀតផង។
គួរឲ្យដឹងដែរថា យន្តហោះទម្លាក់គ្រាប់បែកជំនាន់ថ្មីនេះគឺជាការទន្ទឹងរង់ចាំរបស់រដ្ឋាភិបាលអាមេរិកអស់រយៈពេលជាង៣០ឆ្នាំមកហើយដែលវាជាមូលហេតុធ្វើឲ្យបច្ចេកវិទ្យារបស់វាពិតជាពិសេស និងលាក់កំបាំងបំផុតដើម្បីធានាមិនឲ្យមានព័ត៌មានបែកធ្លាយចេញទៅមហាអំណាចផ្សេងទៀតដូចជា ចិន និងរុស្ស៊ីនោះឡើយ។
រូបរាង B-21 Raider យន្តហោះទំលាក់គ្រាប់បែកជំនាន់ថ្មីរបស់ B-21 បានបង្ហាញខ្លួននៅឯរោងចក្រផលិតរបស់ក្រុមហ៊ុន Northorp Grumman តាំងតែពីថ្ងៃទី២ ខែធ្នូឆ្នាំ២០២២មកម្ល៉េះ ហើយអ្វីដែលគួរឲ្យទាក់ចិត្តបំផុតចំពោះមុខងារថ្មីៗរបស់វានោះគឺជាមុខងារបំបាំងខ្លួន ឬភាសាបច្ចេកទេសហៅថា Stealth ដែលអាចលាក់ខ្លួនចេញពីរ៉ាដារបស់សត្រូវគ្រប់ប្រភេទ ជាពិសេសគឺអាចហោះបានចំងាយឆ្ងាយព្រមទាំងបំពាក់បានទាំងគ្រាប់បែកគ្រោះថ្នាក់ៗច្រើនប្រភេទបូករួមទាំងក្បាលគ្រាប់នុយក្លេអ៊ែរផងដែរ។
តាមអ្វីដែលអ្នកជំនាញមើលឃើញ និងត្រូវយកមកចេញផ្សាយដោយ The Defense News បានឲ្យដឹងថា B-21 Raider គឺជាផ្នែកមួយនៃកិច្ចខិតខំរបស់មន្ទីរប៉ង់តាហ្គោនក្នុងការធ្វើទំនើបកម្មនូវវិធីសាស្ត្រក្នុងការប្រើប្រាស់អាវុធនុយក្លេអ៊ែររបស់ខ្លួនទាំង៣ដែលមានដូចជាការប្រតិបត្តិការតាមផ្លូវអាកាសតាមផ្លូវគោក និងតាមផ្លូវទឹក៕
Account
Security
Favourite Content