សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ នៅត្រឹមចុងខែមេសានេះ រដ្ឋាភិបាលទីក្រុងប៉េកាំងបានអនុម័តកញ្ចប់ថវិកាថ្មីដើម្បីអាចចាប់ផ្តើមការសាងសង់ម៉ាស៊ីនរ៉េអាក់ទ័រថ្មីចំនួន១០កន្លែងទៀតសម្រាប់ឆ្នាំ២០២៥នេះ។
តួលេខនេះបានបង្ហាញថា មកដល់បច្ចុប្បន្ន ម៉ាស៊ីនរ៉េអាក់ទ័រសម្រាប់រោងចក្រផលិតថាមពលនុយក្លេអ៊ែរសមានរុបចំនួន៣០កន្លែងរួចមកហើយដែលស្ថិតនៅក្នុងដំណាក់កាលនៃការសាងសង់ ឬប្រហែលជាពាក់កណ្តាលរួចទៅហើយនៃចំនួនម៉ាស៊ីនរ៉េអាក់ទ័រសរុបរបស់ពិភពលោក។
កាសែត The Bloomberg បានចេញផ្សាយអត្ថបទនេះដោយបានលើកឡើងថា នៅត្រឹមឆ្នាំ២០៣០ រដ្ឋាភិបាលប៉េកាំងនឹងអាចដណ្តើមតំណែងរបស់សហរដ្ឋអាមេរិកក្លាយទៅជាប្រទេសដែលផលិតថាមពលនុយក្លេអ៊ែរច្រើនជាងគេបំផុតរបស់ពិភពលោក។
របាយការណ៍មួយដែលត្រូវបានដកស្រង់ និងចេញដោយបណ្តាញសារព័ត៌មានក្នុងស្រុករបស់អាមេរិក The Paper បានបង្ហាញដែរថា ទំហំវិនិយោគដែលចិនបានចំណាយសម្រាប់គម្រោងសាងសង់១០កន្លែងចុងក្រោយនេះមានប្រមាណជា២០០ពាន់លានយ័ន ឬត្រូវជា២៧ពាន់លានដុល្លារ។
ក្រុមប្រឹក្សាជាតិកិច្ចការងារថាមពលអគ្គិសនីជាតិរបស់ចិន ឬ China Electricity Council បានបង្ហាញថា សមត្ថភាពផលិតថាមពលអគ្គិសនីដោយរោចក្រនុយក្លេអ៊ែររបស់ចិននឹងអាចចូលរួមចំណែកផ្គត់ផ្គង់ថាមពលបាន៦៥ជីហ្គាវ៉ាត់ (GW) នៅត្រឹមដំណាច់ឆ្នាំ២០២៥នេះ ពោលគឺកើនឡើងធៀបកាលពីឆ្នាំទៅដែលធ្វើបានត្រឹមតែ៦០ជីហ្គាវ៉ាត់។
ដោយឡែកបើយោងតាមការព្យាករណ៍ដោយសមាគមអ្នកផលិតថាមពលនុយក្លេអ៊ែរចិន China Nuclear Energy Association បានរំពឹងទុកថា ថាមពលអគ្គិសនីដែលបានមកពីរោងចក្រនុយក្លេអ៊ែរនៅត្រឹមឆ្នាំ២០៤០នឹងធ្វើបានរហូតទៅដល់២០០ជីហ្គាវ៉ាត់ ឬត្រូវជា១០ភាគរយនៃតំរូវការអគ្គិសនីនៅទូទាំងប្រទេសចិនតែម្តង។
គួរឲ្យដឹងដែរថា ថាមពលស្អាតរបស់ចិន ឬ Clean Electricity ត្រូវបានគេមើលឃើញថាបានហក់ឡើងទៅដល់កម្រិតខ្ពស់ថ្មីមួយនៅត្រឹមត្រីមាសដំបូងឆ្នាំ២០២៥នេះ ដោយអាចផលិតបានទៅដល់៩៥១តេរ៉េវ៉ាត់ (TWh)ខណៈដែលថាមពលបានមកពីរោងចក្រនុយក្លេអ៊ែរមានប្រមាណជា១១៧តេរ៉ាវ៉ាត់ ពោលគឺកើនឡើងប្រមាណជា១៣ភាគរយ៕
Account
Security
Favourite Content