សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ថ្មីៗនេះ ក្រុមហ៊ុនបច្ចេកវិទ្យាយក្សរបស់ចិន Huawei ទើបតែបានទិញសិទ្ធិផ្តាច់មុខ ឬប៉ាតង់ ក្នុងការរចនាគំរូថ្មនៃរថយន្តអគ្គិសនីថ្មីមួយដែលមានដង់ស៊ីតេថាមពលខ្ពស់ខ្លាំងក្នុងចន្លោះពី១៨០ ទៅ ២២៥ Wh/Ib (រង្វាស់ថាមពលក្នុងមួយផោនទំងន់) ពោល គឺខ្ពស់ជាងកម្រិតថាមពលដែលថ្មរថយន្តអគ្គិសនីបច្ចុប្បន្នកំពុងដំណើរការដល់ទៅ ២ ឬ ៣ ដងឯណោះ។
យ៉ាងណាក្តី បើទោះបីជាក្រុមហ៊ុនរដ្ឋចិនដ៏ធំមួយនេះមិនមែនជាអ្នកឯកទេស ឬផលិតរថយន្តអគ្គិសនីយីហោណាមួយដោយផ្ទាល់ក៏ដោយ ប៉ុន្តែ Huawei គឺជាអ្នកដែលធ្វើការយ៉ាងជិតស្និទ្ធជាមួយនឹងក្រុមហ៊ុនអ្នកផលិតរថយន្តអគ្គិសនីក្នុងស្រុកស្ទើរតែទាំងអស់ ជាពិសេសទៅលើបច្ចេកវិទ្យាឆ្លាតវ៉ៃរបស់រថយន្ត បូករួមទាំងការកែច្នៃប្រឌិតដ៏អស្ចារ្យនៃថាមពលថ្មផង។
តាមរយៈការគាំទ្រដ៏រឹងម៉ាំពីសំណាក់រដ្ឋាភិបាល បច្ចុប្បន្ន ក្រុមហ៊ុន Huawei បានស្ថិតនៅក្នុងចំណោមក្រុមហ៊ុនបច្ចេកវិទ្យា និងក្រុមហ៊ុនអ្នកផលិតរថយន្តធំៗបំផុតរបស់សកលលោក ដូចជា BMW, Mercedes-Benz, Volkswagen និង BYD ក្នុងនាមជាអ្នកជំនាញផលិតបច្ចេកវិទ្យាដែលមានសុវត្ថិភាពបំផុត ស្រាលបំផុត និងងាយស្រួលសាកថ្មបំផុតក្នុងវិស័យរថយន្តអគ្គិសនី។
បច្ចេកវិទ្យាថ្មីនៃថ្មរថយន្តដ៏ទំនើបចុងក្រោយរបស់ Huawei មានន័យយ៉ាងណាសម្រាប់ប្រទេសចិនក្នុងវិស័យឧស្សាហកម្មផលិតរថយន្តអគ្គិសនី ?
មិនត្រឹមតែផ្ទុកថាមពលបានច្រើន និងកាន់យូរជាងគេប៉ុណ្ណោះទេ ការរចនា និងបច្ចេកវិទ្យាថ្មរថយន្តថ្មីរបស់ Huawei គឺអាចសាកម្តងបើកបរបានរហូតទៅដល់ ១៨៦៤ម៉ាល ឬត្រូវជា ២៩៩៩គីឡូម៉ែត្រ ខណៈដែលល្បឿនសាកថ្មរថយន្តចន្លោះពី ១០ ទៅ ៨០ភាគរយ គឺប្រើពេលមិនដល់ ៥នាទីនោះទេ។
យោងតាមការចេញផ្សាយរបស់ CarNewsChina បានបង្ហាញថា មានការយល់ឃើញជាច្រើនពីសំណាក់អ្នកជំនាញដោយលើកឡើងថា វាគ្រាន់តែជាទ្រីស្តីដែលបង្កើតឡើងដោយ Huawei ប៉ុណ្ណោះ ប៉ុន្តែទោះជាយ៉ាងណាក្តី ក្រុមហ៊ុនរដ្ឋមួយនេះបានសម្រេចចិត្តទិញយកសិទ្ធិផ្តាច់មុខរួចទៅហើយសម្រាប់ការរចនានេះ ហើយក៏កំពុងបង្កក្តីបារម្ភពីសំណាក់ក្រុមហ៊ុនអ្នកប្រកួតប្រជែងជាច្រើនរបស់លោកខាងលិចផងដរ ជាពិសេសចំពោះអតិថិជនដែលនិយមប្រើប្រាស់រថយន្តអគ្គិសនីរបស់ចិន។
បច្ចុប្បន្ននេះ ប្រទេសចិនកំពុងមានភាពលេចធ្លោខ្លាំងជាងគេរួចទៅហើយនៅក្នុងទីផ្សាររថយន្តអគ្គិសនីរបស់ពិភពលោក ទាំងតម្លៃប្រកួតប្រជែង និងបច្ចេកវិទ្យាដ៏ទំនើប។ ដូច្នេះ តាមរយៈការប្តេជ្ញាចិត្តក្នុងការបង្ហាញភាពច្នៃប្រឌិតបន្ថែមទៀតនៃបច្ចេកវិទ្យាថ្មរបស់ Huawei មួយនេះ នឹងអាចធ្វើឲ្យចិនកាន់តែមានលទ្ធភាពខ្ពស់ក្នុងការក្តោបក្តាប់ទីផ្សាររថយន្តអគ្គិសនីបានកាន់តែរឺងម៉ាំជាងពេលណាទាំងអស់៕
Account
Security
Favourite Content