Catracha​ Coffee គិតគូរលើប្រយោជន៍រួមដើម្បីជួយបង្កើនជីវភាពអ្នកដាំកាហ្វេ និងកសាងសហគមន៍ឲ្យកាន់តែរីកចម្រើន

បរទេស ៖ យោងតាមប្រភពពី Ideglobal បានលើកឡើងថា​ ប្រទេស ហុងឌូរ៉ាស មានភាពល្បីល្បាញដោយសារការផលិតកាហ្វេ ប៉ុន្តែអ្នកដាំកាហ្វេមិនសូវទទួលបានប្រាក់ចំណេញនោះទេ ដោយសារប្រាក់ចំណូលភាគច្រើនទទួលបានពីការលក់​ដែលជាដំណាក់កាលចុងក្រោយនៃផលិតកម្ម។

Mayra Orellana-Powell មានក្តីស្រម៉ៃចង់ជួយអ្នកដាំកាហ្វេឱ្យទទួលបានប្រាក់ចំណូលបន្ថែមដោយបានចាប់ផ្តើមអាជីវកម្មកាហ្វេនៅសហគមន៍របស់ខ្លួន។ នៅឆ្នាំ២០១០ គាត់បានបង្កើតក្រុមហ៊ុនកាហ្វេមួយមានឈ្មោះថា Catracha​ Coffee ដើម្បីជួយជីវភាពអ្នកដាំកាហ្វេឲ្យកាន់តែប្រសើរឡើង ដោយកសិករត្រូវបានផ្តល់ឲ្យនូវឧបករណ៍ និងធនធាន ដើម្បីពួកគេអាចអាចគ្រប់គ្រងដំណាំកាហ្វេរបស់ពួកគេបាន។ នៅក្នុងឆ្នាំ២០១១ Mayra បានភ្ជាប់ទំនាក់ទំនងជាលើកដំបូងទៅកាន់ទីផ្សារកាហ្វេពិសេសសម្រាប់ជួយអ្នកផលិតកាហ្វេតូចៗចំនួន ១៣ មកពី Santa Elena ហើយបានកើនឡើងដល់ ៦០ នៅឆ្នាំ ២០១៦។

គំរូអាជីវកម្មបរិយាបន្នរបស់ Catracha​ Coffee ត្រូវបានបង្កើតឡើងផ្អែកលើគោលគំនិតនៃការចែករំលែកប្រាក់ចំណេញតាមរយៈការប្រមូលផ្តុំផលិតកម្មរបស់អ្នកដាំកាហ្វេខ្នាតតូច។ Catracha​ Coffee ចង់ឲ្យការខិតខំប្រឹងប្រែងរបស់អ្នកផលិតត្រូវបានទទួលស្គា់ល់ ដែលកំណត់ដោយគុណភាពនៃកាហ្វេរបស់អ្នកផលិតនីមួយៗ។ កសិករទាំងនោះទទួលបានប្រាក់ ២ ដងសម្រាប់គ្រាប់កាហ្វេរបស់ពួកគេ ដោយលើកទីមួយនៅពេលដែលកាហ្វេស្ងួតត្រូវបានបញ្ជូនទៅ Catracha​ Coffee (ចន្លោះខែមករា-ខែមីនា) និងលើកទីពីរ នៅពេលដែលកាហ្វេត្រូវបានលក់នៅក្នុងទីផ្សារកាហ្វេពិសេសក្នុងខែកក្កដា។ អ្នកដាំកាហ្វេធ្វើការជាមួយ Catracha​ Coffee លក់គ្រាប់កាហ្វេក្នុងមួយផោន ឬ ០,៤៥ គីឡូក្រាមក្នុងតម្លៃ ២,៥០ ដុល្លារអាម៉េរិក បើប្រៀបធៀបទៅនឹងការលក់គ្រាប់កាហ្វេមួយផោនតម្លៃអប្បបរមា ១,៤០ ដុល្លារប៉ុណ្ណោះ។

Catracha​ Coffee រំភើបនឹងការ​បង្កើន​ប្រាក់​ចំណេញ​របស់អ្នកដាំកាហ្វេ ដែល​មាន​ន័យ​ថា​អ្នកដាំកាហ្វេ Catracha អាច​វិនិយោគ​លើ​ដី​របស់​ពួកគេ​ឡើង​វិញ ការវិនិយោគលើ​ម៉ាស៊ីនកិនគរាប់កាហ្វេ និង​សមត្ថភាព​សម្ងួត។ មិនត្រឹមតែប៉ុណ្ណោះ ពួកគេអាចរកប្រាក់ចំណូលបន្ថែមចូលក្នុងផ្ទះ អាចពង្រីកដីចម្ការលក្ខណគ្រួសារ ព្រមទាំងស្វែងរកឱកាសអាជីវកម្មផ្សេងទៀតលើសពីកាហ្វេថែមទៀតផង។

ក្រៅពីអាជីកម្មកាហ្វេ Catracha​ Coffee ក៏យកចិត្តទុកដាក់លើស្ត្រី និងយុវជនផងដែរ ដោយ Mayra និង Lowell បានជួសជុលផ្ទះរបស់ពួកគេ និងសាងសង់អគារបន្ថែមសម្រាប់បណ្តុះបណ្តាលយុវជន និងស្ត្រី។ ផ្ទះនេះមានផ្ទះបាយទំនើបធំមួយនៅខាងក្នុងផ្ទះ និងកន្លែងចម្អិនអាហារបែបប្រពៃណីនៅខាងក្រៅ ដើម្បីគាំទ្រព្រឹត្តិការណ៍ផ្ទះបាយសហគមន៍ជាមួយនឹងឧបករណ៍ចម្អិនអាហារដែលមានគុណភាព។គោលដៅរយៈពេលវែង Catracha​ Coffee គឺលើកកម្ពស់សន្តិសុខស្បៀង ដោយបំផុសគំនិតឲ្យមានការជួបជុំ ដើម្បីបរិភោគជុំគ្នាពីដំណាំដាំដុះនៅក្នុងសួនគ្រួសាររបស់ពួកគេ ហើយបន្ទាប់មកធានាថាគ្រួសារមានការបង្ហាត់បង្រៀន ការបណ្តុះបណ្តាល និងការផ្តល់មូលនិធិដើម្បីពង្រីកនូវអ្វីដែលពួកគេចង់បាន។ ការហូបជុំគ្នាក៏ជាឱកាសកសាងសហគមន៍ដែលអាចប្រែក្លាយទៅជាសកម្មភាពដែលនឹងជួយសហគមន៍ឱ្យរីកចម្រើនផងដែរ។ ផ្ទះនេះក៏មានបន្ទប់ពិសោធន៍គ្រាប់កាហ្វេ ម៉ាស៊ីនកិនកាហ្វេ និងបង្រៀនពីផែនការអនាគតសម្រាប់ហាងកាហ្វេ ដែលយុវជន និងស្ត្រីមកពីសហគមន៍អាចទទួលបានការបណ្តុះបណ្តាល និងរៀនបើកអាជីវកម្មកាហ្វេ។

ជារៀងរាល់ឆ្នាំសហគមន៍ Catracha​ Coffee រៀបចំកម្មវិធីមួយសម្រាប់យុវជនដែលរស់នៅក្នុង Santa Elena និងសហគមន៍ក្បែរនោះ។ កម្មវិធីត្រូវបានរៀបចំឡើងដើម្បីបង្រៀនយុវជនអំពីភាពជាសហគ្រិន ហើយត្រូវបានដឹកនាំដោយក្រុមអ្នកដឹកនាំយុវជនហុងឌូរ៉ាស។ Catracha​ Coffee ផ្តល់ឱកាសបង្រៀនជំនាញច្នៃប្រឌិតផ្សេងទៀតសម្រាប់យុវជន និងស្ត្រីរួមមាន ថ្នាក់បង្រៀនធ្វើម្ហូប សិល្បៈ និងសិប្បកម្ម។ នៅថ្នាក់សិប្បកម្ម អ្នកចូលរួមត្រូវបានបង្រៀនពីរបៀបធ្វើសិប្បកម្មដោយប្រើសម្ភារៈក្នុងស្រុក និងកែច្នៃឡើងវិញ ហើយពួកគេបានលក់សិប្បកម្មទាំងនោះទៅឱ្យអ្នកស្រុក និងជនបរទេសផ្សេងទៀត។ Catracha​ Coffee ក៏មានរៀបវំផ្សារកសិកររៀងរាល់ថ្ងៃអាទិត្យនៅខាងមុខផ្ទះ ដែលពួកគេអាចលក់គ្រឿងសិប្បកម្ម អាហារ និងបន្លែជាដើម៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

កម្ពុជា​កំពុង​ធ្វើការ​ផ្លាស់ប្តូរ​លើ​ក្របខ័ណ្ឌ​នៃ​ភាព​ធន់​នឹងការប្រែប្រួល​អាកាសធាតុ ​នៅ​ក្នុង​ឧស្សាហកម្ម​ស្រូវ​ អង្ករ​

ព្រឹត្តិការណ៍, សេដ្ឋកិច្ច

• 21/05/2024

តំណាងកម្ពុជាថ្លែងក្នុងកិច្ចពិភាក្សាអំពីការអភិវឌ្ឍវិស័យស្រូវអង្ករក្នុងកិច្ចប្រជុំ ADFIAP ​ថា កម្ពុជាកំពុងធ្វើការលើការផ្លាស់ប្តូរក្របខ័ណ្ឌនៃភាពធន់ទៅនឹងអាកាសធាតុក្នុងវិស័យស្រូវ

ជប៉ុន និងអាស៊ាន ត្រៀមចាប់ដៃគ្នាធ្វើការងារលើឧស្សាហកម្មផលិត និងលក់រថយន្តអគ្គិសនី

ព្រឹត្តិការណ៍

• 21/05/2024

សមាគមប្រជាជាតិអាស៊ីអាគ្នេយ៍អាស៊ាន(ASEAN) និងមហាយក្សឧស្សាហកម្មជប៉ុន អាចនឹងសហការគ្នាក្នុងវិស័យផលិត និងលក់រថយន្តអគ្គិសនីដើម្បីចូលរួមចំណែកជាយុទ្ធសាស្ត្រក្នុងការទប់ទល់ទៅនឹងការហូរចូល និងហក់ឡើងខ្លាំងពេកនៃតម្លៃរថយន្តអគ្គិសនីដែលផលិតនៅប្រទេសចិន។

Mountain Hazelnuts អនុវត្តអាជីវកម្មបរិយាបន្ន ដើម្បីបង្កើនកម្លាំងពលកម្មផ្នែកកសិកម្មនៅជនបទ

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 21/05/2024

បេសកកម្មរបស់ Mountain Hazelnuts គឺបង្កើតអាជីវកម្មដែលរកប្រាក់ចំណេញ និងផ្តល់ប្រាក់ចំណូលរយៈពេលវែងដល់សហគមន៍ជនបទដែលងាយរងគ្រោះ ព្រមទាំងជួយស្តារដីដែលខូចគុណភាពរបស់ប្រទេសជាតិផងដែរ

វិស័យ​សំណង់ និងអចលនទ្រព្យ រំពឹង​ថា​នឹង​បន្តមានកំណើនទាបក្នុងឆ្នាំ២០២៤​នេះ​

ព្រឹត្តិការណ៍, អចលនទ្រព្យ

• 21/05/2024

ទោះបីជា​ស្ថានភាព វិបត្តិកូវីដ​១​៩​បាន​បញ្ចប់ស្ទើរតែទាំងស្រុងទៅហើយក្ដី តែ​វិស័យ​សំណង់ និងអចលនទ្រព្យ​នៅតែបន្ត​មានកំណើតទាបដដែល​ក្នុងឆ្នាំនេះ

តម្លៃមាសបន្តឡើងថ្លៃជិតដល់ ២ ៥០០ ដុល្លារក្នុងមួយអោន

ព្រឹត្តិការណ៍, សេដ្ឋកិច្ច

• 21/05/2024

តម្លៃមាសបានឡើងថ្លៃដល់ ២ ៤៥០ ដុល្លារមួយអោន បន្ទាប់ពីព័ត៌មានរាយការណ៍ថា ប្រធានាធិបតីថ្មីរបស់អឺរ៉ុង់ Ebrahim Raisi បានស្លាប់នៅក្នុងហេតុការណ៍ធ្លាក់ឧទ្ធម្ភាគចក្រកាលពីថ្ងៃអាទិត្យ

កសិករកាន់តែទទួលបានជំនួយផ្នែកកសិកម្ម ក្រោមគម្រោងលើកកម្ពស់សន្តិសុខស្បៀង អាហារូបត្ថម្ភ និងជីវភាពដល់គ្រួសារក្រីក្រ

ជំនួញ, ព្រឹត្តិការណ៍

• 21/05/2024

កសិករក្នុងសហគមន៍នៅកំពតកំពុងទទួលបានផលប្រយោជន៍ទាំងផ្នែកអាហារូបត្ថម្ភ និងជីវភាព ក្រោមគម្រោងលើកកម្ពស់សន្តិសុខស្បៀង អាហារូបត្ថម្ភ និងជីវភាព

​ស្ថានភាពបញ្ញើ​ជាប្រាក់​រៀលក្នុងប្រព័ន្ធធនាគារ​កំពុងមានភាព​ប្រសើរ​ឡើង

ព្រឹត្តិការណ៍, ហិរញ្ញវត្ថុ

• 21/05/2024

ប្រាក់បញ្ញើជាប្រាក់រៀលក្នុងប្រព័ន្ធធនាគារនៅកម្ពុជាមានភាពប្រសើរឡើងក្នុងឆ្នាំ ២០២៣ បើទោះបីជាប្រាក់បញ្ញើក្នុងវិស័យធនាគារភាគច្រើននៅតែជាប្រាក់ដុល្លារអាមេរិកក៏ដោយ

ពាណិជ្ជករកម្ពុជា ទៅស្វែងយល់ពីការបង្កើតតំបន់សេដ្ឋកិច្ចគាំទ្រដល់អាជីវកម្មដែលទើបបង្កើតថ្មី

ព្រឹត្តិការណ៍, សេដ្ឋកិច្ច

• 21/05/2024

ក្នុងអំឡុងពេលដំណើរទស្សនកិច្ចជាផ្លូវការនៅកូរ៉េរបស់សម្តេចធិបតី ហ៊ុន ម៉ាណែត នាយករដ្ឋមន្ត្រី ប្រតិភូសភាពាណិជ្ជកម្ម ទស្សនកិច្ចតំបន់សេដ្ឋកិច្ចកូរ៉េ

ការធ្វើស្រែតាមរបៀប« សមកាលកម្ម »ជាជំហានក្នុងការកសាងសហគមន៍កសិកម្មទំនើប

ព្រឹត្តិការណ៍, សេដ្ឋកិច្ច

• 21/05/2024

ការធ្វើស្រែតាមរបៀប« សមកាលកម្ម »ជាជំហានមួយឆ្ពោះទៅកាន់ការកសាងសហគមន៍កសិកម្មទំនើបនៅក្នុងព្រះរាជាណាចក្រកម្ពុជា ។

កម្ពុជា នឹងធ្វើជាម្ចាស់ផ្ទះកិច្ចប្រជុំលើកទី២០ រដ្ឋមន្ត្រីអាស៊ានផ្នែកវិទ្យាសាស្ត្រ បច្ចេកវិទ្យា និងនវានុវត្តន៍

ព្រឹត្តិការណ៍, អាជីវកម្មថ្មី និងនវានុវត្ត

• 21/05/2024

កម្ពុជាធ្វើជាម្ចាស់ផ្ទះកិច្ចប្រជុំលើកទី២០រដ្ឋមន្ត្រីអាស៊ានផ្នែកវិទ្យាសាស្ត្រ បច្ចេកវិទ្យា នវានុវត្តន៍និងកិច្ចប្រជុំលើកទី៨៥នៃគណៈកម្មាធិការអាស៊ាន