សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ បញ្ហាកាកសំណល់គឺជាវិបត្តិគួរឲ្យព្រួយបារម្ភដែលកំពុងធ្វើឲ្យមានការប៉ះពាល់យ៉ាងខ្លាំងដល់បរិស្ថាន និងអាកាសធាតុរបស់ភពផែនដីរួចទៅហើយ ប៉ុន្តែកាន់តែអាក្រក់នោះគឺជាប្រភេទកាកសំណល់ដែលមានសមាសភាគល្អិតតូចៗស្ទើរមើលមិនឃើញផ្ទាល់នឹងភ្នែកដែលយើងហៅថាមីក្រូប្លាស្ទិក ឬ Microplastic ។
មនុស្សជាច្រើនបានដឹងរួចមកហើយថា ប្លាស្ទិក គឺជាប្រភេទកាកសំណល់ដែលសំបូរបំផុតរាប់ចាប់តាំងពីនៅក្នុងទឹក និងលើគោក។ ក្នុងនោះគេបែងចែកប្រភេទកំទេចកំទីប្លាស្ទិកជាច្រើនបែបច្រើនយ៉ាង ហើយមានគ្រប់ទម្រង់ និងគ្រប់ទំហំ ប៉ុន្តែប្លាស្ទិកដែលមានប្រវែងតិចជាងប្រាំមីលីម៉ែត្រ វាត្រូវបានគេហៅថាជា “មីក្រូប្លាស្ទិក” ហើយវាគឺជាកាកសំណល់ដែលលំបាកក្នុងការសំអាត និងលុបបំបាត់។
ការស្រាវជ្រាវមួយដែលធ្វើឡើងដោយ The Global Change Biology បានរកឃើញថា គិតតែនៅក្នុងផ្ទៃសមុទ្រប៉ុណ្ណោះ កាកសំណល់ជាមីក្រូប្លាស្ទិក (Microplastic) នេះមានចំនួនរហូតទៅដល់ ៥១ទ្រីលានបំណែកដែលក្នុងនោះកាន់តែអាក្រក់ទៅទៀតនោះគេជឿជាក់ថា នៅគ្រប់សត្វអណ្តើកសមុទ្រទាំងអស់លើលោកនេះពួកវាសុទ្ធតែមានផ្ទុកនូវសារធាតុនេះ។ សារធាតុនេះ វាមិនត្រឹមតែធ្វើឲ្យប៉ះពាល់ដល់ប្រព័ន្ធអេកូឡូស៊ីប៉ុណ្ណោះទេ មីក្រូប្លាស្ទិក កំពុងហូរចូលទៅក្នុងប្រព័ន្ធ និងសង្វាក់ផ្គត់ផ្គង់ម្ហូបអាហាររបស់មនុស្ស ហើយធ្វើឲ្យប៉ះពាល់ដល់សុខភាពបន្តិចម្តងៗ និងកាន់តែច្រើនឡើងៗ។
អ្នកជំនាញរបស់ The Global Change Biology បានបង្ហាញភាពជឿជាក់ថា ក្រៅតែពីការទាមទារនូវការចំណាយខ្ពស់ទៅលើបច្ចេកវិទ្យាត្រួតពិនិត្យស្វែងរកកាកសំណល់ប្រភេទនេះហើយនោះ ពិភពលោកក៏កំពុងមានកង្វះខាតខាងបច្ចេកទេសក្នុងការសំអាតវាផងដែរ ដែលវាទាមទារចាំបាច់នូវការកែប្រែគោលនយោបាយសាជាថ្មីនៅក្នុងវិស័យឧស្សាហកម្មផលិតគ្រប់ធន់ទាំងអស់ដើម្បីទប់ស្កាត់ការបញ្ចេញកាកសំណល់ប្រភេទនេះ។
The National Geographic ធ្លាប់បានចេញផ្សាយថា ប្រភេទមីក្រូប្លាស្ទិកដែលបានចូលទៅដល់ក្នុងខ្លួនរបស់មនុស្សយើងអាចបំផ្លាញ និងសម្លាប់កោសិកាបាន ព្រមទាំងមានការគំរាមកំហែងជាច្រើនទៀត បើទោះបីជាបច្ចុប្បន្នវាស្ថិតនៅក្នុងដំណើរការសិក្សាស្រាវជ្រាវបន្ថែមទៀតនៅឡើយចំពោះផលប៉ះពាល់ដែលបង្កឡើងដោយ Microplastic នេះ៕
Account
Security
Favourite Content