សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ នៅទីជនបទដាច់ស្រយាលមួយកន្លែងស្ថិតក្នុងដែនដីរដ្ឋតិចសាស់នៃសហរដ្ឋអាមេរិក គេសង្កេតឃើញមានហ្វូងចៀមរាប់រយក្បាលកំពុងមមាញឹកឱនងើបៗ ដើរពីកន្លែងមួយទៅកន្លែងមួយទៀតនៅពីខាងក្រោមផ្ទាំងសូឡាតម្រៀបជួរគ្នាដាច់កន្ទុយភ្នែកដើម្បីបំពេញកិច្ចការងារមួយដែលម្ចាស់របស់ពួកវាបានយកមកដាក់នៅទីនោះគឺការស៊ីរុក្ខជាតិស្មៅតែមូយមុខគត់។
ឧស្សាហកម្មផលិត និងទាញយកថាមពលព្រះអាទិត្យដោយកសិដ្ឋានបន្ទះសូឡានៅអាមេរិកបាន និងកំពុងតែធ្វើឲ្យទំហំនៃការចិញ្ចឹមសត្វចៀមជាហ្វូងមានទំហំកាន់ច្រើនឡើងនៅទូទាំងប្រទេស ជាពិសេសដូចជានៅរដ្ឋតិចសាស់នេះជាដើម។
កសិដ្ឋានសូឡាធំជាងគេបំផុតទី៥របស់អាមេរិកដែលមានឈ្មោះថា SB Energy ស្ថិតនៅក្នុងតំបន់ Milam បច្ចុប្បន្នកំពុងផ្តល់សេវាកម្មផ្គត់ផ្គង់ថាមពលអគ្គិសនីពីពន្លឺព្រះអាទិត្យប្រមាណជា៩០០ជីហ្គាវ៉ាត់នៅលើផ្ទៃដីដល់ទៅ១៦១៨ហិកតា ដែលមិនត្រឹមតែបានជួយដល់សេដ្ឋកិច្ចមួយចំណែក និងពលរដ្ឋអាមេរិកជាច្រើនពាន់គ្រួសារនោះទេ បច្ចុប្បន្នវាក៏បានចូលរួមចំណែកជួយឲ្យសកម្មភាពចិញ្ចឹមសត្វចៀមនៅអាមេរិកទទួលបានលទ្ធផលល្អប្រសើរផងដែរតាមរយៈប្រភពចំណីដ៏សំខាន់ជារុក្ខជាតិ និងស្មៅ ដែលដុះលូតលាស់ដោយសេរីនៅពីខាងក្រោមបន្ទះសូឡា។
គួរឲ្យដឹងដែរថា ការដាក់ឲ្យសត្វចៀមស៊ីស្មៅទាំងហ្វូងៗបែបនេះ វាគ្រាន់តែជាគំរូធ្វើកសិកម្មមួយនៃវិធីសាស្ត្រធ្វើកសិកម្មលើដីដែលទាញយកថាមពលពីសូឡា ឬ Agrivoltaics ដោយក្នុងនោះនៅអាមេរិកមានគម្រោងស្រដៀងគ្នានេះប្រមាណជា៦០ និង២៧ រដ្ឋរួចមកហើយដែលកំពុងអនុវត្តការងារទាញយកសូឡា និងផ្តល់អត្ថប្រយោជន៍ដល់កសិកម្មក្នុងទីតាំងគម្រោងដីតែមួយក្នុងពេលជាមួយគ្នា។
យោងតាមតួលេខចុងក្រោយដែលត្រូវបានបង្ហាញដោយក្រសួងកសិកម្មបានឲ្យដឹងថា គិតត្រឹមខែមករា ឆ្នាំ២០២៤កន្លងមកនេះ សាច់សត្វចៀម និងពពែនៅក្នុងរដ្ឋតិចសាស់បានធ្លាក់ចុះដល់ទៅ ៦៥៥,០០០ក្បាល ប៉ុន្តែជឿជាក់ថាចំនួននេះនឹងមានការកើនឡើងមកវិញក្រោយការអនុវត្តវិធីសាស្ត្រចិញ្ចឹមសត្វចៀមជាមួយនឹងវាលស្មៅដែលស្ថិតនៅក្រោមបន្ទះសូឡាបែបនេះ។
លោក Howard ដែលជាកសិករចិញ្ចឹមសត្វចៀមម្នាក់នៅក្នុងគម្រោងសូឡាខាងលើកបានលើកឡើងបែបនេះថា៖ ការកើនឡើងនៃចំនួនសត្វចៀមដែលលោកបានទទួលគឺជារឿងគួរឲ្យភ្ញាក់ផ្អើលចាប់តាំងតែពីការអនុវត្តវិធីសាស្ត្រនេះរួចមក។ ក្រុមហ៊ុនដែលលោកបានដាក់ឈ្មោះថា Texas Solar Sheep មិនត្រឹមតែទទួលបានកម្រៃពីសេវាកម្មដើម្បីសំអាតរុក្ខជាតិ និងស្មៅប៉ុណ្ណោះទេ ប៉ុន្តែបច្ចុប្បន្ន លោកបានជួលបុគ្គលិកសរុបដល់ទៅ ២៦នាក់ ដើម្បីធ្វើការងារនៅក្នុងក្រុមហ៊ុនដែលកំពុងចិញ្ចឹមសត្វចៀមប្រមាណជាជាង៨០០០ក្បាល៕
Account
Security
Favourite Content