សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី CNA បានរាយការណ៍ថា អាម៉េរិកកំពុងរឹតបន្តឹងក្រុមហ៊ុនចិនចំនួន ១៥ បន្ថែមទៀត ពាក់ព័ន្ធនឹងបញ្ហាដែលពួកគេទិញគ្រឿងបន្លាស់អេឡិចត្រូនិករបស់អាម៉េរិកយកទៅធ្វើជាវត្ថុធាតុដើមនៃគ្រឿងបង្គុំប្រព័ន្ធបញ្ជានៅក្នុងយន្តហោះគ្មានមនុស្សបើកដែលប្រើប្រាស់ដោយក្រុមឧទ្ទាមគាំទ្រដោយអ៊ីរ៉ង់ Houthi និង Hamas ។
ថ្មីៗនេះ ក្រុមហ៊ុនចិនចំនួន ១០ ត្រូវបានបញ្ចូលក្នុងបញ្ជីអង្គភាពរបស់នាយកដ្ឋានពាណិជ្ជកម្មពាក់ព័ន្ធនឹងការរកឃើញមានគ្រឿងបន្លាស់របស់អាម៉េរិកនៅក្នុងប្រព័ន្ធដ្រូន ឬ យន្តហោះគ្មានមនុស្សបើកដែលប្រើប្រាស់ដោយក្រុមឧទ្ទាមយេម៉េន Houthi ។ ក្រោយមក ក្រុមហ៊ុនចិនចំនួន ៥ បន្ថែមទៀតត្រូវបានបញ្ចូលក្នុងបញ្ជីនេះដែរបន្ទាប់ពីកងកម្លាំងការពារអ៊ីស្រាអែលបានរកឃើញយន្តហោះគ្មានមនុស្សបើក (UAVs) ជាច្រើនគ្រឿងដែលដំណើរការដោយភ្នាក់ងារអ៊ីរ៉ង់ និងក្រុមហាម៉ាស មានសមាសធាតុអេឡិចត្រូនិកដែលមានដើមកំណើតពីអាម៉េរិក។ សូមបញ្ជាក់ថា ក្រុមសកម្មប្រយុទ្ធហាម៉ាស បានធ្វើការវាយប្រហារមួយនៅក្នុងប្រទេសអ៊ីស្រាអែល ដែលបានសម្លាប់មនុស្សប្រមាណ ១ ២០០ នាក់ ។
ទន្ទឹមនឹងនេះ ក្រុមហ៊ុន Arrow China Electronics Trading នៅទីក្រុងសៀងហៃ និងទីក្រុងផ្សេងទៀតរបស់ប្រទេសចិន, ក្រុមហ៊ុន Arrow Electronics នៅហុងកុង ក៏ស្ថិតក្នុងចំណោមក្រុមហ៊ុនដែលត្រូវបានដាក់ក្នុងបញ្ជីរឹតបន្តឹងរបស់អាម៉េរិកពាក់ព័ន្ធនឹងការផលិតយន្តហោះគ្មានមនុស្សបើកប្រើធាតុផ្សំមានដើមកំណើតពីអាម៉េរិក។ ក្រុមហ៊ុនទាំងពីរគឺជាបុត្រសម្ព័ន្ធរបស់ក្រុមហ៊ុន Arrow Electronics មានមូលដ្ឋាននៅរដ្ឋ Colorado ដែលជាអ្នកចែកចាយគ្រឿងបន្លាស់ដ៏ធំមួយ។ យ៉ាងណាមិញ ក្រុមហ៊ុនមេដែលមានទីស្នាក់ការនៅអាម៉េរិក Arrow Electronics បានអះអាងថា ក្រុមហ៊ុនទាំងនេះកំពុងបន្តប្រតិបត្តិការដោយអនុលោមតាមបទប្បញ្ញត្តិនៃការនាំចេញ និងច្បាប់របស់អាម៉េរិក៕
Account
Security
Favourite Content