សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ចិន ៖ កាលពីថ្ងៃដើមសប្ដាហ៍នេះ ទីផ្សារភាគហ៊ុន Wall Street នៅតែបន្តធ្លាក់ចុះក្រោយវិបត្តិសាច់ប្រាក់នៅក្រុមហ៊ុនអភិវឌ្ឍន៍អចលនទ្រព្យដ៏ធំរបស់ចិន Evergrande ហើយបានធ្វើឲ្យរង្គោះរង្គើទីផ្សារភាគហ៊ុននៅតំបន់អាស៊ី អឺរ៉ុប និងអាមេរិក។
ជាមួយគ្នានេះ ទីផ្សារមូលប័ត្រ S & P 500 បានធ្លាក់ចុះ ១,៧ ភាគរយ ដែលចំនួននេះជាការធ្លាក់ចុះខ្លាំងបំផុតចាប់តាំងពីខែឧសភា។ ភាគហ៊ុនមួយនេះបានធ្លាក់ចុះ ២,៩ ភាគរយកាលពីព្រឹកថ្ងៃទី ២០ ខែកញ្ញា ប៉ុន្តែមានការកើនឡើងវិញនៅពេលល្ងាចថ្ងៃដដែល។
ការព្រួយបារម្ភពីទីផ្សារភាគហ៊ុន និងមូលប័ត្រនៃវិស័យអចលនទ្រព្យរបស់ប្រទេសចិនបានបង្កឲ្យមានការជួញកាន់តែធំជាងមុន ខណៈដែលសន្ទស្សន៍អចលនទ្រព្យ Hang Seng ធ្លាក់ចុះជិត ៧ ភាគរយ ជាចំណុចទាបបំផុតចាប់តាំងពីឆ្នាំ ២០១៦ ។
ក្រុមហ៊ុន Evergrande មានបន្ទុកជាង ៣០០ ពាន់លានដុល្លារអាមរិកដល់ម្ចាស់បំណុល និងអាជីវកម្មផ្សេងទៀត។ បន្ថែមពីនេះ កាលកំណត់នៃការទូទាត់ការប្រាក់លើមូលបត្របំណុលរបស់ក្រុមហ៊ុននេះនឹងមកដល់ក្នុងពេលឆាប់ៗនេះ។
ការធ្លាក់ចុះនៃភាគហ៊ុនរបស់ក្រុមហ៊ុន Evergrande បានបញ្ជាក់ពីសារៈសំខាន់នៃវិស័យអចលនទ្រព្យចំពោះប្រព័ន្ធហិរញ្ញវត្ថុរបស់ប្រទេសចិន ប៉ុន្តែភាពទន់ខ្សោយរបស់ទីផ្សារមូលប័ត្រ និងអ្នកអភិវឌ្ឍន៍ជាច្រើននាក់ផ្សេងទៀតនៅក្នុងប្រទេសចិនក៏នឹងមានផលវិបាកទៅដល់សេដ្ឋកិច្ចទូលាយផងដែរ។
ការធ្លាក់ចុះនៃការរួមចំណែកសេដ្ឋកិច្ចនេះគឺជាការគំរាមកំហែងនៃអស្ថិរភាពសេដ្ឋកិច្ចផងដែរ។ នៅពេលដែលតម្លៃទីផ្សារភាគហ៊ុនបានកើនឡើងនៅក្នុងទីក្រុងធំៗ រដ្ឋបាលទីក្រុងស៊ិនជិនបានបង្ហាញពីការកំណត់ទទួលកម្ចីបំណុលពីអ្នកអភិវឌ្ឍន៍អចលនទ្រព្យក៏ដូចជាឧបសគ្គចំពោះការផ្តល់ប្រាក់កម្ចីទិញផ្ទះតាមរយៈធនាគារផងដែរ។
នៅទូទាំងទីក្រុងធំៗទាំង ៧០ របស់ប្រទេសចិនតម្លៃផ្ទះថ្មីបានកើនឡើងខ្ពស់ជាង ០,២ ភាគរយនៅក្នុងខែសីហា បើប្រៀបធៀបនឹងខែកក្កដាដែលជាអត្រាកំណើនយឺតបំផុតក្នុងរយៈពេល ៨ ខែ។ នេះ បើយោងតាមទិន្នន័យផ្លូវការដែល Financial Times បានរាយការណ៍៕
ជីវប្រវត្តិ: លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content