សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ដោយមានចិត្តស្រឡាញ់ និងយកចិត្តទុកដាក់ទៅលើការថែរក្សាស្បែក អ្នកជំនាញផាត់មុខម្នាក់បានយកពេលទំនេររបស់ខ្លួនទៅផលិតស្ក្រាប់ខាត់ស្បែកផ្សំពីវត្ថុធាតុដើមបែបធម្មជាតិ ផ្ដល់ប្រយោជន៍ល្អៗដល់ស្បែក និងបានដាក់លក់ក្នុងតម្លៃសមរម្យជាមួយនឹងការទទួលបានការគាំទ្រច្រើនពីសំណាក់អតិថិជន។
លោក ហេង ឬគេស្គាល់ថា ហ៊ា ហេង make up ជាអ្នកជំនាញផាត់មុខតាមកម្មវិធីផ្សេងៗ ជាពិសេសពិធំមង្គលការ (អ្នកផាត់មុខចល័ត) បានចំណាយពេលទំនេរពីការងារមកផលិត និងលក់ស្ក្រាប់ក្រោមយីហោ ហេងហេង នៅម្ដុំទួលសង្កែ ហើយទទួលបានការគាំទ្រច្រើនពីអតិថិជន ដោយក្នុងនោះក៏មានការលក់ដុំ និងរាយផងដែរ។
ហ៊ា ហេង បានបញញជាក់ថា៖
«អាជីវកម្មលក់ស្ក្រាប់នេះ ដំបូងឡើយយើងធ្វើខ្លួនឯងនៅផ្ទះសម្រាប់ថែស្បែកខ្លួនឯង ប៉ុន្តែដោយឃើញថាល្អ ក៏ដាក់លក់ ហើយបច្ចុប្បន្នយើងអាចផលិតបានប្រមាណ ២០០កំប៉ុងក្នុងមួយខែ ដើម្បីផ្គត់ផ្គង់ឱ្យអតិថិជន និងអ្នកយកទៅលក់បន្តនៅខាងកំបូល ទួលពង្រ ស្វាយរៀង កំពង់ចាម និងព្រៃវែងផងដែរ»។
ម្ចាស់អាជីវកម្មខ្នាតតូច ផលិតស្ក្រាប់ ហេងហេង បានបន្តថា ស្ក្រាប់នេះតម្លៃមួយកំប៉ុង ៤ដុល្លារ ៣កំប៉ុង ១០ដុល្លារ ដែលផ្សំពីវត្ថុធាតុដើមសំខាន់ៗដូចជា អំពិលទុំ កាហ្វេ និងទឹកឃ្មុំ ដែលជួយឱ្យស្បែកទន់ ជម្រុះកោសិកាចាស់ៗ ធ្វើឱ្យស្បែភ្លឺថ្លា ម៉ដ្ឋរលោង និងបំបាត់ក្លិនខ្លួនបានល្អ។ ដោយសារតែគុណភាពរបស់ស្ក្រាប់នេះ បានទាក់ទាញអតិថិជនជាបន្តបន្ទាប់តាមរយៈអ្នកដែលធ្លាប់ប្រើនិយាយប្រាប់គ្នា។ ប៉ុន្តែទោះជាយ៉ាងណា ស្ក្រាប ហេងហេង នៅមិនទាន់អាចផ្គត់ផ្គង់តម្រូវការគ្រប់គ្រាន់នោះទេ ដោយសារការផលិតធ្វើឡើងដោយដៃ មិនមែនផលិតចេញពីរោងចក្រនោះឡើយ ដូច្នេះចំនួនផលិតផលសម្រេចដែលដាក់លក់នៅមានកម្រិតនៅឡើយ ពោលគឺផលិតតាមលទ្ធភាពដែលអាចធ្វើបាន និងពេលវេលាទំនេរពីការងារផាត់មុខដែលជាអាជីពរបស់ខ្លួនតែប៉ុណ្ណោះ។
សូមរំលឹកដែរថា អាជីវកម្មផលិតស្ក្រាបលាបស្បែកនេះទើបតែចាប់ផ្តើមកាលពីឆ្នាំ២០២១ ជាមួយនឹងដើមទុនប្រមាណ ១០០ដុល្លារ សម្រាប់ទិញវត្ថុអាតុដើម ដូចជា ទឹកឃ្មុំ កាហ្វេ និងអម្ពិលទុំ និងសម្បកវេចខ្ចប់។ លុះដល់ឆ្នាំ២០២២ ក៏មានការបញ្ជាទិញជាបន្តបន្ទាប់ក្រោយពេលផ្សព្វផ្សាយលក់នៅលើបណ្តាញសង្គម។ ដោយឡែក នៅថ្ងៃអនាគតប្រសិនបើទីផ្សារស្ក្រាប់នេះបន្តលូតលាស់បន្ថែមទៀត ហ៊ា ហេង ក៏មានគម្រោងពង្រីកការផលិតឱ្យកាន់តែធំ ដោយបើកជាសិប្បកម្ម និងប្រើវត្ថុធាតុដើមនៅក្នុងស្រុកតែប៉ុណ្ណោះ៕
Account
Security
Favourite Content