សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីបរទេសបានរាយការណ៍ថា អាស៊ាន និងក្រុមប្រឹក្សាសហប្រតិបត្តិការឈូងសមុទ្រ (GCC) បានព្រមព្រៀងគ្នាជំរុញទំនាក់ទំនងទ្វេភាគីក្នុងអំឡុងពេលកិច្ចប្រជុំកំពូលលើកទី ២ របស់ពួកគេដែលរៀបចំនៅទីក្រុងគូឡាឡាំពួរ ប្រទេសម៉ាឡេស៊ី។
កាលពីថ្ងៃអង្គារ៍ មេដឹកនាំ GCC បានយល់ព្រមបន្តភាពជាដៃគូយុទ្ធសាស្ត្រជាមួយអាស៊ាន ដើម្បីទប់ទល់នឹងបញ្ហាប្រឈមជាសកល និងទទួលបានឱកាសសេដ្ឋកិច្ចរួម។ ព្រះអង្គម្ចាស់នៃប្រទេសគុយវ៉ែត Sheikh Sabah Khaled Al-Hamad Al-Sabah បានលើកឡើងថា ៖ «យើងចង់បង្កើនតួលេខពាណិជ្ជកម្មជាមួយអាស៊ានរហូតដល់ ១៨០ ពាន់លានដុល្លារនៅត្រឹមឆ្នាំ២០៣២ ដោយសារសក្តានុពលដ៏ធំដែលមិនទាន់ត្រូវបានរកឃើញនៅក្នុងពាណិជ្ជកម្ម និងការវិនិយោគទ្វេភាគី»។
ក្នុងអំឡុងពេលថ្លែងសុន្ទរកថាបើកកិច្ចប្រជុំកំពូល នាយករដ្ឋមន្ត្រីម៉ាឡេស៊ី លោក Anwar Ibrahim បានសម្តែងការកោតសរសើរចំពោះវត្តមានរបស់មេដឹកនាំទាំងអស់ ដែលជាសញ្ញាដ៏រឹងមាំនៃការប្តេជ្ញាចិត្តរួមគ្នារបស់ពួកគេក្នុងការពង្រឹងកិច្ចសហប្រតិបត្តិការអាស៊ាន-GCC ដើម្បីស្វែងរកភាពជាដៃគូឲ្យកាន់តែទូលំទូលាយ និងជាប្រយោជន៍ដល់ប្រជាជន។ ក្របខណ្ឌកិច្ចសហប្រតិបត្តិការអាស៊ាន-GCC ២០២៤-២០២៨ ដែលបានអនុម័តក្នុងអំឡុងកិច្ចប្រជុំកំពូលនៅទីក្រុង Riyadh ក្នុងឆ្នាំ២០២៣ បានដើរតួនាទីជាផែនទីបង្ហាញផ្លូវយុទ្ធសាស្ត្រដើម្បីជំរុញកិច្ចសហប្រតិបត្តិការលើសសរស្តម្ភនយោបាយ និងសន្តិសុខ សេដ្ឋកិច្ច និងសង្គម-វប្បធម៌។ គួរបញ្ជាក់ដែរថា ម៉ាឡេស៊ី គឺជាម្ចាស់ផ្ទះនៃកិច្ចប្រជុំកំពូលនេះដែលមានរយៈពេល ២ថ្ងៃនៅទីក្រុងគូឡាឡាំពួ។
អ្នកចូលរួមនៅក្នុងកិច្ចប្រជុំនេះរួមមាន៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា , ឯកឧត្តម កៅ គឹមហួន អគ្គលេខាធិការអាស៊ាន , ថ្នាក់ដឹកនាំសមាគម – ស៊ុលតង់នៃប្រទេសប្រ៊ុយណេ Hassanal Bolkiah, ប្រធានាធិបតីឥណ្ឌូនេស៊ី Prabowo Subianto, , នាយករដ្ឋមន្ត្រីឡាវ Sonexay Siphandone, នាយករដ្ឋមន្ត្រីវៀតណាម Pham Minh Chinh, ប្រធានាធិបតីហ្វីលីពីន Ferdinand Marcos Jr, នាយករដ្ឋមន្ត្រីសិង្ហបុរី Lawrence Wong និងនាយករដ្ឋមន្ត្រីថៃលោកស្រី Paetongtarn Shinawatra។ នាយករដ្ឋមន្ត្រីទីម័រខាងកើត លោក Kay Rala Xanana Gusmao បានចូលរួមជាអ្នកសង្កេតការណ៍។ លើសពីនេះ មេដឹកនាំដែលមកពីក្រុមប្រឹក្សាសហប្រតិបត្តិការឈូងសមុទ្រ (GCC) រួមមាន៖ កាតា, បារ៉ែន, គុយវ៉ែត, អូម៉ង់, អារ៉ាប៊ីសាអូឌីត, អារ៉ាប់រួម បានចូលរួមនៅក្នុងកិច្ចប្រជុំនេះ៕
Account
Security
Favourite Content