សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ប្រតិបត្តិការអាជីវកម្មរបស់កំពង់ផែស្វយ័តភ្នំពេញ បានកើនឡើងខ្ពស់នៅក្នុងឆ្នាំ២០២៤ ធៀបនឹងរយៈពេលដូចគ្នាកាលពីឆ្នាំ២០២៣។ នេះបើយោងតាមសេចក្តីប្រកាសរបស់កំពង់ផែស្វ័យតភ្នំពេញ ដែលជាក្រុមហ៊ុនចុះបញ្ជីនៅផ្សារមូលបត្រកម្ពុជា (CSX) កាលពីថ្ងៃទី១៧ ខែមករា ឆ្នាំ២០២៥នេះ ។
របាយការណ៍មិនទាន់បានធ្វើសវនកម្មបានឱ្យដឹងថា៖ ក្នុងរយៈពេលមួយឆ្នាំ២០២៤ កំពង់ផែ មានបរិមាណទំនិញ និងប្រេងឥន្ធនៈឆ្លងកាត់ជិត៥លានតោន(៤ ៨០៦ ៦៥៤ តោន) កើនឡើងជិត១៦% ខណៈឆ្នាំ២០២៣ មានចំនួន៤ ១៤៦ ៧៨៦តោន ចំណែកបរិមាណកុងតឺនរ័ឆ្លងកាត់មាន ៤៨០ ២០០ ធីអ៊ីយូ កើនជាង២១% ធៀបនឹងឆ្នាំ២០២៣ ដែលមាន ៣៩៦ ២២៥ ធីអ៊ីយូ។
របាយការណ៍ដដែលនេះ បានឱ្យដឹងទៀតថា ចំពោះបរិមាណនាវាសរុបមាន ៤ ៨៩៤គ្រឿង កើនឡើងជាង២៦,២% ធៀបនឹងឆ្នាំ២០២៣ មាន ៣ ៨៥៩គ្រឿង រីឯបរិមាណនាវាដឹកអ្នកដំណើរឆ្លងកាត់មានចំនួន ៧០៨ កើនឡើងជាង ២២៤,៨៧% ធៀបនឹងឆ្នាំ២០២៣ ដែលមាន ៥៦៧គ្រឿង និងចំនួនអ្នកដំណើរឆ្លងកាត់មាន ៣ ៦១៥០នាក់ កើនឡើងប្រមាណ ៤៣,៧៣% ធៀបនឹងឆ្នាំ២០២៣ ដែលមាន ២៥ ១៥២ គ្រឿង។
សម្រាប់ខែធ្នូ ឆ្នាំ២០២៤ វិញ កំពង់ផែស្វយ័តភ្នំពេញ មានបរិមាណទំនិញ និងប្រេងឥន្ធនៈឆ្លងកាត់ ៤៤០ ០៦៥តោន ធៀបនឹងខែវិច្ឆិកា ឆ្នាំ២០២៣ មានចំនួន ៣៨២ ៨៥៦តោន កើនជិត១៥ភាគរយ និងបរិមាណកុងតឺនរ័ឆ្លងកាត់មាន ៤៣ ៣៦១ ធីអ៊ីយូ កើនជាង២៦% បរិមាណនាវាសរុបមានចំនួន ២៥០ គ្រឿង កើនឡើងជាង១៣% និង ចំនួនអ្នកដំណើរឆ្លងកាត់មាន ៣៣០០ នាក់កើនឡើងជិត១៧ភាគរយ%។
Account
Security
Favourite Content