សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា បានជំរុញឲ្យថ្នាក់ដឹកនាំកាតា ពិនិត្យលទ្ធភាពក្នុងការវិនិយោគលើវិស័យកសិឧស្សាហកម្ម និងការកែច្នៃស្រូវ ឬស្វាយចន្ទីនៅកម្ពុជា ស្របនឹងសក្ដានុពលនៃការវិនិយោគលើវិស័យនេះដែលកំពុងមានភាពទាក់ទាញ និងអំណោយផល ។
នៅក្នុងជំនួបជាមួយឯកឧត្តម Khalid Ali Abdullah Abel ឯកអគ្គរាជទូតនៃរដ្ឋកាតា ប្រចាំព្រះរាជាជាណាចក្រកម្ពុជា កាលពីថ្ងៃទី០៨ ខែឧសភា ឆ្នាំ២០២៤ សម្តេចតេជោ ហ៊ុន សែន ប្រធានព្រឹទ្ធសភាបានលើកទឹកចិត្តដល់ប្រទេសកាតា គួរតែបើកស្ថានទូតផ្ទាល់នៅកម្ពុជា ប្រសើរជាងមាននិវេសដ្ឋាននៅប្រទេសផ្សេង ។
សម្តេចតេជោបានរំលឹកថា នៅពេលសម្ដេចនៅជានាយករដ្ឋមន្ត្រី សម្តេច ពុំមានពេលគ្រប់គ្រាន់ទទួលទូតដែលមាននិវេសដ្ឋាននៅក្រៅប្រទេសនោះទេ ដោយនេះគឺជាករណីពិសេស។
ឯកអគ្គរាជទូត បានបង្ហាញសង្ឃឹមថា កាតា នឹងមាននិវេសដ្ឋាននៅកម្ពុជានៅពេលខាងមុខ ដោយបានប្ដេជ្ញាថា នឹងខិតខំបង្កើនទំនាក់ទំនងការទូតឱ្យបានមានកម្រិតខ្ពស់ជាងមុន ពង្រីកទំនាក់ទំនងជាមួយនឹងកម្ពុជា ជាពិសេសនៅលើវិស័យសន្តិសុខស្បៀង ដោយសារថា កម្ពុជាគឺជាប្រទេសដែលផលិតស្បៀង។
សម្ដចតេជោ បានលើកឡើងថា ប្រទេសទាំងពីរមានកិច្ចការធ្វើច្រើន ដោយសារថា កាតា ជាប្រទេសដែលមានសន្តិសុខថាមពល ហើយកម្ពុជាជាប្រទេសធានាបាននូវសន្តិសុខស្បៀង និងមានផលិតផលកសិកម្មច្រើន ជាពិសេសគឺស្រូវ និងគ្រាប់ស្វាយចន្ទី។ កម្ពុជាមានគោលការណ៍ពិសេសអនុញ្ញាតឲ្យក្រុមហ៊ុនបរទេសបើករោងចក្រកិនស្រូវ ឬក៏កែច្នៃ វេចខ្ចប់ ឃ្លាំងស្តុកទុក ដោយអនុញ្ញាតអោយនាំចេញទៅក្រៅប្រទេស ជាពិសេសការអនុគ្រោះដល់វិនិយោគិនពីបរទេស ។
សម្ដេចតេជោ បានរំឭកថា កាតា គួរតែចាប់ផ្ដើមហោះហើរឡើងវិញនូវ Qatar Airline បន្ទាប់ពីបានផ្អាកដំណើរការដោយសារកូវីដកន្លងទៅ ដើម្បីឲ្យការទំនាក់ទំនងរវាងប្រជាជន និងប្រជាជន ក៏ដូចជាការនាំភ្ញៀវពីតំបន់មជ្ឈិមបូព៌ា និងអឺរ៉ុបមកកាន់កម្ពុជា ដែលនឹងជួយនាំភ្ញៀវពីកម្ពុជា និងតំបន់អាស៊ាន ទៅកាន់កាតាវិញផងដែរ ។
ឯកឧត្ដម Khalid Ali Abdullah Abel ឯកអគ្គរដ្ឋទូតនៃ ប្រទេសកាតា បានសន្យាថា នឹងខិតខំប្រមែប្រមូលអ្នកវិនិយោគិនពីកាតាមកកម្ពុជា ក៏ដូចជានាំវិនិយោគិនពីកម្ពុជាទៅកាតា ដើម្បីពិនិត្យមើលលទ្ធភាពដែលអាចសហប្រតិបត្តិការវិនិយោគ ។
ឯកឧត្តមបន្តថា កាតា កំពុងតែស្វែងយល់ពីកត្តាអនុគ្រោះអ្វីខ្លះដែលធានាដល់ការវិនិយោគរបស់កាតានៅកម្ពុជា ។ កាតា មានលទ្ធភាពនៃការវិនិយោគលើវិស័យជាច្រើនដូចជា វិស័យថាមពល ប្រេង ឧស្ម័ន វិស័យហេដ្ឋារចនាសម្ព័ន្ធ ការកសាងមន្ទីរពេទ្យ ព្រលានយន្តហោះ និងវិស័យផ្សេងៗជាច្រើនទៀត ហើយកាតាក៏កំពុងពិនិត្យ សិក្សាពី Qatar Airline ចាប់ដំណើរការឡើងវិញ ដោយលើកពីភាពអនុគ្រោះដែលទេសចរកាតាទៅតំបន់ផ្សេងៗ ៕
Account
Security
Favourite Content