សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ឯកឧត្តម ស៊ុន ចាន់ថុល ឧបនាយករដ្ឋមន្ត្រី និងជាអនុប្រធានទី១ក្រុមប្រឹក្សាអភិវឌ្ឍន៍កម្ពុជាបានទៅបំពេញទស្សនកិច្ច និងជួបជាមួយក្រុមហ៊ុនធំៗរបស់ចិនជាច្រើននៅទីនោះ ។ អ្វីដែលគួរកត់សម្គាល់នោះ គឺមានក្រុមហ៊ុនចិនជាច្រើនបានចាប់អារម្មណ៍ និងចង់មកបណ្ដាក់ទុនវិនិយោគនៅកម្ពុជានាពេលខាងមុខ។
នៅក្នុងដំណើរទស្សនកិច្ចរបស់ឯកឧត្តមឧបនាយករដ្ឋមន្ត្រីប៉ុន្មានថ្ងៃមកនេះ ឃើញថាឯកឧត្តបានជួបជាមួយម្ចាស់ក្រុមហ៊ុន និងជាអ្នកវិនិយោគធំៗនៅក្នុងប្រទេស ក៏ដូចជាបណ្ដាប្រទេសផ្សេងទៀត ហើយឯកឧត្តមក៏បានបង្ហាញពីសក្ដានុពលរបស់កម្ពុជា និងទាក់ទាញវិនិយោគទាំងនោះមកកម្ពុជាដើម្បីស្វែងរកការវិនិយោគនៅកម្ពុជាឱ្យបានកាន់តែច្រើន។
ជាលទ្ធផលឃើញថាមានក្រុមហ៊ុនរបស់ចិនជាច្រើនបានចាប់អារម្មណ៍ និងចង់មកបណ្ដាក់ទុន ពង្រីកទុននៅកម្ពុជាបន្ថែម ដោយក្នុងនោះរួមមានក្រុមហ៊ុនដំឡើងកង់មួយដែលកំពុងមានប្រតិបត្តិការនៅតំបន់សេដ្ឋកិច្ចក្រុងបាវិត ខេត្តស្វាយរៀង ក៏បានចាប់អារម្មណ៍ និងជម្រាបជូនឯកឧត្តឧបនាយករដ្ឋមន្ត្រីថា ក្រុមហ៊ុននឹងពង្រីកខ្សែច្រវ៉ាក់ផលិតកម្មដំឡើងកង់នៅកម្ពុជា ឱ្យដូចខ្សែច្រវ៉ាក់ផលិតកម្មរោងចក្រនៅទីក្រុងស៊ិនជិនប្រទេសចិនដែរ ។
ក្រៅពីក្រុមហ៊ុនដំឡើងកង់មួយនេះ ឯកឧត្តម ស៊ុន ចាន់ថុល ក៏បានបង្ហាញពីសក្ដានុពលវិនិយោគទៅក្រុមហ៊ុនផលិតរថយន្តអគ្គិសនី BYD ដ៏ធំរបស់ចិន និងបានស្នើក្រុមហ៊ុនមួយនេះមកបង្កើតរោងចក្រផលិតគ្រឿងបង្គុំរថយន្តនៅក្នុងប្រទេសកម្ពុជា ហើយផ្គត់ផ្គង់សម្រាប់ការដំឡើងរថយន្តអគ្គិសនីនៅក្នុងប្រទេសចិនវិញ។ ក្រុមហ៊ុននេះក៏បានបង្ហាញពីចំណាប់អារម្មណ៍ការវិនិយោគរបស់ខ្លួននៅក្នុងប្រទេសកម្ពុជាដែលនឹងធ្វើឱ្យកម្ពុជាកាន់តែមានពន្លឺនៃការវិនិយោគថ្មីៗពីប្រទេសចិន។
ដំណើរទស្សនកិច្ចរបស់ឧបនាយករដ្ឋមន្ត្រីកម្ពុជារូបនេះ ក៏ទទួលបានដំណឹងពីគម្រោងផ្លូវរថភ្លើងតភ្ជាប់ពីភ្នំពេញទៅអាកាសយានដ្ឋានអន្តរជាតិតេជោផងដែរ ដោយក្រុមហ៊ុន Metro Group បានបង្ហាញថាគម្រោងនេះ នឹងដាក់ដំណើរការនៅឆ្នាំ២០២៥ខាងមុខនេះ ហើយក្រុមហ៊ុនក៏បានបង្ហាញពីគម្រោងវិនិយោគរបស់ខ្លួននៅក្នុងប្រទេសកម្ពុជាមួយចំនួនទៀតផងដែរថា ។
ដោយឡែកនៅក្នុងកិច្ចជំនួបជាមួយក្រុមហ៊ុន Yuexiu Group ឯកឧត្តម ស៊ុន ចាន់ថុល ក៏បានបង្ហាញអំពីការរីកចម្រើនថ្មីៗ និងសក្តានុពលសម្រាប់ការវិនិយោគនៅកម្ពុជា ដោយគិតចេញពីកត្តាសុខសន្តិភាព ស្ថិរភាពម៉ាក្រូសេដ្ឋកិច្ច ច្បាប់វិនិយោគអំណោយផលដោយបើកទូលាយសម្រាប់គ្រប់វិនិយោគិនទាំងក្នុង និងក្រៅប្រទេស ហើយក្នុងនោះកម្ពុជាមានកិច្ចព្រមព្រៀងពាណិជ្ជកម្មសេរីជាមួយសាធារណរដ្ឋប្រជាមានិតចិន និងបណ្តាប្រទេសជាដៃគូជាច្រើនទៀតផងដែរ។ ហេដ្ឋារចនាសម្ព័ន្ធពេញផ្ទៃប្រទេស ដែលបាន និងកំពុងអភិវឌ្ឍរួមមានផ្លូវល្បឿនលឿនភ្នំពេញ-ក្រុងព្រះសីហនុ អាកាសយានដ្ឋានថ្មីខេត្តសៀមរាប ការត្រៀមបើកដំណើរការអាកាសយានដ្ឋានថ្មីក្រុងភ្នំពេញ ការសិក្សាផ្លូវរថភ្លើងភ្នំពេញ-ក្រុងព្រះសីហនុ ផ្លូវរថភ្លើងភ្នំពេញ-បោយប៉ែត និងគម្រោងពង្រីកកំពង់ផែទឹកជ្រៅជាដើម ។
បន្ទាប់ពីបានទទួលស្តាប់ការពន្យល់បង្ហាញដោយឯកឧត្តមឧបនាយករដ្ឋមន្ត្រី អំពីសក្តានុពល និងភាពរីកចម្រើនយ៉ាងឆាប់រហ័សរបស់កម្ពុជា លោកនាយកប្រតិបត្តិក្រុមហ៊ុន Yuexiu Group បានបង្ហាញចំណាប់អារម្មណ៍លើវិស័យមួយចំនួននៅប្រទេសកម្ពុជារួមមានវិស័យហេដ្ឋារចនាសម្ព័ន្ធដឹកជញ្ជូន អចលនទ្រព្យ និងកសិឧស្សាហកម្មជាដើម ។
ក្រៅពីនេះ នៅមានក្រុមហ៊ុនធំៗពីរទៀតរបស់ចិន ក៏បានបង្ហាញពីបំណងមកសិក្សាសក្ដានុពលវិនិយោគនៅក្នុងប្រទេសកម្ពុជាក្រោយពីបានស្ដាប់ការបង្ហាញរបស់ឯកឧត្តមឧបនាយករដ្ឋមន្ត្រីកម្ពុជា គឺក្រុមហ៊ុន GICI និងក្រុមហ៊ុនផលិតកង់រថយន្តដ៏ធំមួយរបស់ចិន ៕
Account
Security
Favourite Content