កម្ពុជាបន្តពង្រឹងខ្លួនក្នុងការចាប់ដៃជាមួយប្រទេសសមាជិកដើម្បីរុញសេដ្ឋកិច្ចអាស៊ាន

ភ្នំពេញ ៖ ក្នុងឱកាសពិធីបើក «កិច្ចប្រជុំកំពូលធុរកិច្ចកម្ពុជា-អាស៊ានឆ្នាំ ២០២៤» កន្លងទៅថ្មីៗនេះ សម្ដេចធីបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងអំពីការត្រៀមខ្លួនលើច្រើនវិស័យរបស់កម្ពុជា ដើម្បីចូលរួមជំរុញសេដ្ឋកិច្ចអាស៊ានជារួម។

ក្នុងនាមជាម្ចាស់ផ្ទះរៀបចំកិច្ចប្រជុំនេះ កម្ពុជាចាត់ទុកថា មូលបទ «បញ្ចេញសក្កានុពលអាស៊ាន៖ ការតភ្ជាប់បច្ចេកវិទ្យា និងកំណើនប្រកបដោយបរិយាបន្ន» គឺជារបៀបវារៈដែលចំកាលៈទេសៈ និងមានចក្ខុវិស័យវែងឆ្ងាយ។ ចំកាលៈទេសៈព្រោះថា បច្ចុប្បន្ននេះ បច្ចេកវិទ្យាបានដើរតួនាទីយ៉ាងសំខាន់នៅក្នុងការរស់នៅរបស់ប្រជាជន ជាមួយនឹងការលើកស្ទួយភាពជឿនលឿននៃបច្ចេកវិទ្យា និងជំរុញសហគមន៍អាស៊ាន​ឱ្យកាន់តែមានវិបុលភាព និងសមធម៌។

សម្រាប់កម្ពុជា កាលណាសេដ្ឋកិច្ចរបស់សហគមន៍អាស៊ានរឹងមុំា និងមានភាពធន់ ក៏មានន័យថា ប្រទេសជាសមាជិកដែលរួមមានកម្ពុជាផងដែរនោះ នឹងទទួលបានផលប្រយោជន៍ដូចៗគ្នា។ ដោយហេតុនេះ រាជរដ្ឋាភិបាលកម្ពុជាបាន និងកំពុងជំរុញការអនុវត្ត «យុទ្ធសាស្ត្រប្រទេសបូក Plus-one strategy» តាមរយៈការទាក់ទាញការវិនិយោគ ជាពិសេសក្នុងឧស្សាហកម្មដែលប្រើបច្ចេក​វិទ្យាឱ្យមកសាងសង់់រោងចក្រនៅកម្ពុជា ដើម្បីផ្គត់ផ្គង់គ្រឿងបន្លាស់ ឬផលិតផលពាក់​កណ្ដាល​សម្រេចទៅឱ្យរោងចក្រធំៗនៅក្នុងប្រទេសជិតខាងក្នុងតំបន់អាស៊ាន។

បើតាមប្រសាសន៍របស់សម្ដេចដែលថ្លែងក្នុងពិធីបើកដដែលនេះ កម្ពុជាក៏ទើបតែបានអនុម័ត​ច្បាប់ថ្មីស្ដី​ពីការវិនិយោគ ដើម្បីផ្ដល់ជូនវិនិយោគិននូវសក្កានុពល និងឧត្តមភាព ភាពជាយុទ្ធសាស្ត្រដ៏​គួរឱ្យទាក់ទាញ ជាមួយនឹងការលើកទឹកចិត្តវិនិយោគិនក្នុងវិស័យអាទិភាពសំខាន់ៗ ខណៈដែលកម្ពុជាក៏កំពុងវិនិយោគជាយុទ្ធសាស្ត្រលើបណ្ដាញហេដ្ឋារចនាសម្ព័ន្ធតភ្ជាប់គ្នាទៅវិញ​ទៅមក ដោយរួមបញ្ចូលការអភិវឌ្ឍផ្លូវល្បឿនលឿន កំពង់ផែទឹកជ្រៅ អាកាសយានដ្ឋានអន្តរជាតិ និងមជ្ឈមណ្ឌលឡូជីស្ទីកទំនើប។

ជាមួយគ្នានេះ ដើម្បីបង្កភាពងាយស្រួលដល់ការវិនិយោគថែមមួយកម្រិតទៀត កម្ពុជាក៏បានគិតគូរដល់ការបង្កើនធនធានជំនាញ តាមរយៈកម្មវិធីបណ្ដុះបណ្ដាលយុវជនប្រមាណ ១លាន៥សែននាក់ ក្នុងរយៈពេល៥ ឆ្នាំខាងមុខ។

គួរបញ្ជាក់ថា អាស៊ានបានក្លាយជាតំបន់សេដ្ឋកិច្ចធំជាងគេទី៥លើលោក និងតែងបង្ហាញភាពធន់នៃ​សេដ្ឋកិច្ចនៅពេលប្រឈមនឹងភាពមិនប្រាកដប្រជាសកល។ យោងតាមការិយាល័យស្រាវជ្រាវម៉ាក្រូ​សេដ្ឋកិច្ចអាស៊ាន បូកបី សេដ្ឋកិច្ចអាស៊ានត្រូវបានព្យាករថានឹងមានកំណើន ៤,៣% ក្នុងឆ្នាំ ២០២៣ និង ៤,៩% នៅឆ្នាំ២០២៤ ដែលការណ៍នេះបានគូសបញ្ជាក់ពីភាពខ្លាំង និងសមត្ថភាពសម្របខ្លួនរបស់​តំបន់អាស៊ាន។

គួររំលឹកផងដែរថា ជាច្រើនទសវត្សរ៍កន្លងទៅនេះ  កម្ពុជាបានឆ្លងកាត់ការផ្លាស់ប្ដូរគួរឱ្យកត់សម្គាល់​ ដោយបានវិវត្តទៅជាសេដ្ឋកិច្ចទំនើបដែលមានសមាហរណកម្មក្នុងសេដ្ឋកិច្ចសកល។ មុនការ​រីករាលដាលនៃជំងឺកូវីដ ១៩ កម្ពុជារក្សាបាននូវអាត្រាកំណើនជាមធ្យមលើសពី ៧%ក្នុងមួយឆ្នាំ សម្រាប់រយៈពេល២ទស្សវត្សរ៍។

យ៉ាងណាក៏ដោយ បើទោះបីជាមានការបន្ទុចបង្អាក់ដោយសារវិបត្តិសកលនាពេលថ្មីៗនេះក៏ដោយ សេដ្ឋកិច្ចកម្ពុជាបានស្ទុះងើបឡើងវិញជាមួយនឹងអាត្រាកំណើន ៥.៦% ក្នុងឆ្នាំ ២០២៣ និងត្រូវបានព្យាករណ៍ថាមានកំណើន ៦.៦% ក្នុងឆ្នាំ​២០២៤ ហើយអាចត្រលប់ទៅរកអាត្រាកំណើនមុនជំងឺរាតត្បាតក្នុងរង្វង់ ៧% ក្នុងឆ្នាំ២០២៨ ដែលការណ៍នេះបង្ហាញពីសេដ្ឋកិច្ចប្រកបដោយក្ដីសង្ឃឹមរបស់កម្ពុជា៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សម្តេចធិបតី ៖ ការគ្រប់គ្រងធនធានទឹកបានកាន់តែល្អ អាចជួយដល់ការអភិវឌ្ឍសង្គម និងសេដ្ឋកិច្ច

ព្រឹត្តិការណ៍, សេដ្ឋកិច្ច

• 11/04/2024

ទឹកគឺជាធនធានដ៏មានសារៈសំខាន់សម្រាប់ការអភិវឌ្ឍសង្គម និងសេដ្ឋកិច្ច ហើយការប្រើប្រាស់ធន​ធានទឹកប្រកបដោយប្រសិទ្ធភាព និងស័ក្ដិសិទ្ធិភាព គឺពិតជារបៀបវារៈសំខាន់ខ្លាំងបំផុត។

ស្លឹកទ្រាំង មានប្រយោជន៍ច្រើន និងធ្វើកាបូបបានស្អាតប្លែក និងប្រើបានយូរ

ជំនួញ, ព្រឹត្តិការណ៍

• 11/04/2024

ទ្រាំង ជាដំណាំមួយប្រភេទដែលមានអត្ថប្រយោជន៍ច្រើន សូម្បីស្លឹកក៏អាចយកទៅវិញកែច្នៃជាសម្ភារប្រើប្រាស់ ជាពិសេសធ្វើជាការបូបដ៏មានសោភ័ណភាពស្រស់ស្អាត។

វិស័យកម្មន្តសាល និងការងើបឡើងវិញ ជួយជំរុញកំណើនសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 11/04/2024

ADB ព្យាករថាសេដ្ឋកិច្ចកម្ពុជានឹងកើនឡើងក្នុងអត្រា ៥,៨% ក្នុងឆ្នាំ២០២៤និង៦,០%ក្នុងឆ្នាំ២០២៥ ដោយសារកំណើនក្នុងវិស័យកម្មន្តសាល និង វិស័យទេសចរណ៍ ។

ភាពរីកចម្រើននៃប្រព័ន្ធធនាគារនៅកម្ពុជាបង្ហាញយ៉ាងច្បាស់នូវជំនឿទុកចិត្តរបស់សាធារណជន និងវិនិយោគិនមកលើវិស័យនេះ

ព្រឹត្តិការណ៍, ហិរញ្ញវត្ថុ

• 11/04/2024

ក្នុងរយៈពេល ៣០ឆ្នាំនេះ ប្រព័ន្ធធនាគារនៅកម្ពុជារក្សាបានភាពរីកចម្រើឥតឈប់ឈរ ដោយបន្តរក្សាបាននូវភាពធន់ និងបោះជំហានទៅមុខជាលំដាប់ ក្នុងការរួមចំណែកជំរុញសកម្មភាពសេដ្ឋកិច្ច

តម្លៃប្រេងឡើងថ្លៃ ១​ ដុល្លារបន្ថែមក្នុងមួយបារ៉ែល បន្ទាប់ពីមានការវាយប្រហារនៅតំបន់ហ្គហ្សា

ព្រឹត្តិការណ៍, សេដ្ឋកិច្ច

• 11/04/2024

តម្លៃប្រេងឆៅម៉ាក Brent ឡើងថ្លៃ ១,២ ភាគរយ ឬ ៩០,៤៨ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ១,២ ភាគរយ ឬ ៨៦,២១ ដុល្លារក្នុងមួយបារ៉ែល

កម្ពុជា និងតំបន់ឈូងសមុទ្រពិសេស ចុះអនុស្សរណៈនៃការយោគយល់គ្នាជំរុញកិច្ចសហប្រតិបត្តិការសេដ្ឋកិច្ច

ព្រឹត្តិការណ៍, សេដ្ឋកិច្ច

• 11/04/2024

ក្រសួងឧស្សាហកម្ម វិទ្យាសាស្ត្រ បច្ចេកវិទ្យានិងនវានុវត្តន៍និងតំបន់ឈូងសមុទ្រពិសេសចុះអនុស្សរណៈយោគយល់គ្នាជំរុញកិច្ចសហប្រតិបត្តិការសេដ្ឋកិច្ច

តួកគីកំពុងមានជម្លោះពាណិជ្ជកម្មជាមួយនឹងអ៊ីស្រាអែល ទាក់ទងទៅនឹងសង្រ្គាមនៅតំបន់ហ្គាហ្សា

ព្រឹត្តិការណ៍, សេដ្ឋកិច្ច

• 11/04/2024

ទីក្រុងអង់ការ៉ាបានដាក់ការរឹតបន្តឹងលើពាណិជ្ជកម្មសម្រាប់ការនាំចេញផលិតផល ៥៤​ ប្រភេទទៅកាន់អ៊ីស្រាអែល ​បន្ទាប់​ពី​រដ្ឋាភិបាល​អ៊ីស្រាអែល​បដិសេធ​មិន​អនុញ្ញាត​ឲ្យ​ជំនួយ​តួកគី​ទម្លាក់​ចូល​ក្នុង​តំបន់​ហ្គាហ្សា

សម្ដេច​ធិបតី ៖ គម្រោង​ព្រែកជីកហ្វូណន​តេជោ​ ជីកថ្មីតែ​៧គីឡូម៉ែត្រ​ប៉ុណ្ណោះ

ព្រឹត្តិការណ៍, អចលនទ្រព្យ

• 11/04/2024

គម្រោងព្រែកជីកហ្វូណនតេជោ​​ គ្រោង​នឹង​បើក​ការដ្ឋាន​នៅ​ពាក់​កណ្ដាល​ឆ្នាំ ២០២៤​នេះ ហើយគម្រោងនេះ មានប្រវែង​ប្រមាណ១៨០គ.ម ប៉ុន្តែជីក​ថ្មីតែ៧គ.មប៉ុណ្ណោះ

សម្តេចធិបតី ៖ តម្លៃទីផ្សារកសិផលប្រែប្រួលមិនទៀងទាត់ ខណៈរាជរដ្ឋាភិបាលប្រឹងប្រែងរក្សាលំនឹងទីផ្សារ​

ព្រឹត្តិការណ៍, សេដ្ឋកិច្ច

• 11/04/2024

សម្តេចធិបតីបានគូសបញ្ជាក់ថា វិស័យកសិកម្មនៅតែដើរតួនាទីយ៉ាងសំខាន់ក្នុងសេដ្ឋកិច្ចកម្ពុជា ហេតុនេះហើយរាជរដ្ឋាភិបាលនៅតែបន្តយកចិត្តទុកដាក់ជំរុញ និងលើកកម្ពស់

ចង្ក្រានបរិស្ថាន ៖ ជួយពលរដ្ឋជាច្រើនគ្រួសារឱ្យសន្សំសំចៃថវិកាបានច្រើនជាងមុន

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 11/04/2024

តាមរយៈចង្ក្រាននេះ គេអាចប្រើអុសតិចជាងមុន អាចតម្លើង ឬបន្ថយកម្ដៅបាន និងអាចកាត់បន្ថយផ្សែងរហូតទៅដល់ ៩៥% ដែលជាការគិតគូដល់សុខមាលភាពអ្នកប្រើប្រាស់