សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ រាជរដ្ឋាភិបាលកម្ពុជា កំពុងខិតខំពង្រីក និងពង្រឹងនូវភាពធន់ ដើម្បីទប់ទល់នូវហានិភ័យនានាដែលកំពុងកើតឡើងនៅខាងក្រៅប្រទេស រួមមានបញ្ហាសង្គ្រាម រុស្ស៊ី-អ៊ុយក្រែន និងសង្គ្រាមនៅមជ្ឈិមបូព៌ាជាដើម ដោយបានរៀបចំក្របខណ្ឌគោលនយោបាយម៉ាក្រូសេដ្ឋកិច្ចឆ្នាំ២០២៥ ឈរលើមូលដ្ឋាននៃការគិតគូរថា សេដ្ឋកិច្ចកម្ពុជានឹងបន្តដំណើរលើមាគ៌ាកំណើន ដោយត្រឡប់ជាបណ្តើរៗទៅកាន់គន្លងនៃកំណើនសក្តានុពល ខណៈដែលស្ថានភាពនយោបាយ សេដ្ឋកិច្ច និងសង្គម ត្រូវបានរំពឹងទុកថា កាន់តែមានភាពប្រសើរជាងមុន ។
សម្រាប់ឆ្នាំ២០២៤ សេដ្ឋកិច្ចកម្ពុជា ត្រូវបានវាយតម្លៃថា នឹងអាចសម្រេចបានកំណើនក្នុងរង្វង់ ៦% ដោយសារការងើបវិញនៃវិស័យកាត់ដេរ, ការរក្សាបានកំណើននៃវិស័យកម្មន្តសាលមិនមែនកាត់ដេរ និង ការបន្តងើបជាបណ្តើរៗនៃវិស័យទេសចរណ៍ ។
ឯកឧត្តម អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី និងជារដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានថ្លែងឱ្យដឹងដូច្នេះក្នុងសិក្ខាសាលាសភាស្ដីពី ការកសាងក្របខ័ណ្ឌគោលនយោបាយម៉ាក្រូសេដ្ឋកិច្ច និងគោលនយោបាយហិរញ្ញវត្ថុសាធារណៈក្នុងការរៀបចំសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៥ នៅវិមានរដ្ឋសភា កាលពីព្រឹកថ្ងៃទី៦ ខែវិច្ឆិកា ឆ្នាំ២០២៤ ។
ឯកឧត្តមឧបនាយករដ្ឋមន្ត្រី បានបញ្ជាក់បន្ថែមថា៖
«តួលេខកំណើនរួម និងតាមវិស័យ ជាការគិតគូរមាននិន្នាការប្រហាក់ប្រហែលទៅនឹងការវាយតម្លៃរបស់ស្ថាប័នហិរញ្ញវត្ថុអន្តរជាតិធំៗ ប៉ុន្តែអាចខុសគ្នាជាទំហំតួលេខ ដូចជា តាមការវាយតម្លៃចុងក្រោយថ្មីៗនេះ, IMF បានសន្និដ្ឋានថា សេដ្ឋកិច្ចកម្ពុជាអាចសម្រេចបានកំណើន ៥,៥% ក្នុងឆ្នាំ២០២៤, ធនាគារពិភពលោក(World Bank) ថា ៥,៣%, ADB ថា ៥,៨% និង AMRO ថា ៥,៦% »។
រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានថ្លែងទៀតថា៖ សម្រាប់ឆ្នាំ២០២៥ ផ្អែកលើការវាយតម្លៃក្នុង «ក្របខណ្ឌហិរញ្ញវត្ថុសាធារណៈរយៈពេលមធ្យម (MTFF) ឆ្នាំ ២០២៥-២០២៧», សេដ្ឋកិច្ចកម្ពុជា ត្រូវបានព្យាករថាអាចនឹងសម្រេចបានកំណើន ៦,៣% ដែលធ្វើឱ្យ ផ.ស.ស (GDP) ថ្លៃបច្ចុប្បន្ន ស្ថិតក្នុងរង្វង់២០៩ ១៦៣ ប៊ីលានរៀល សមមូលនឹងប្រមាណ ៥១ ៣៩៨ លានដុល្លារអាម៉េរិក ខណៈដែល ផ.ស.ស សម្រាប់មនុស្សម្នាក់ត្រូវបានរំពឹងថា នឹងកើនដល់ ២ ៩២៤ដុល្លារអាម៉េរិក ។
ឯកឧត្តមឧបនាយករដ្ឋមន្ត្រីបានបញ្ជាក់ថា ៖
«លទ្ធផលនៃការព្យាករកំណើននេះ គាំទ្រដោយទិដ្ឋភាពវិជ្ជមាននៃវិស័យសេដ្ឋកិច្ចសំខាន់ៗ ដូចជា៖ វិស័យកាត់ដេរ, វិស័យកម្មន្តសាលមិនមែនកាត់ដេរ, និងវិស័យផលិតកម្មម្ហូបអាហារ និងភេសជ្ជៈ ព្រមទាំងវិស័យទេសចរណ៍ និងសេវាកម្មគាំទ្រផ្សេងទៀត ដែលវិស័យទាំងអស់នេះត្រូវបានព្យាករថា នឹងបន្តរក្សាបានកំណើនរឹងមាំ និងមានចលនការល្អ ខណៈដែលតម្រូវការសកល និងកំណើនទំនុកចិត្តវិនិយោគិនបរទេសត្រូវបានរំពឹងទុកថា នឹងមានសភាពកាន់តែប្រសើរឡើង»។
ឯកឧត្តមឧបនាយករដ្ឋមន្ត្រី ក៏បានលើកឡើងពីហានិភ័យ និងភាពមិនប្រាកដប្រជាខ្ពស់ពីកត្តាខាងក្រៅចម្បងៗ ដូចជាបញ្ហាភូមិសាស្ត្រនយោបាយ ការបន្តអូសបន្លាយនៃសង្គ្រាមរវាងរុស្ស៊ី-អ៊ុយក្រែន សង្គ្រាមនៅតំបន់មជ្ឈឹមបូព៌ា និងផលវិបាកពីការប្រែប្រួលអាកាសធាតុ និងគ្រោះធម្មជាតិ ។ល។ ដែលកម្ពុជា ចាំបាច់ត្រូវតែខិតខំពង្រីក និងបន្តពង្រឹងមូលដ្ឋានខាងក្នុង ក៏ដូចជា បន្តកសាងភាពធន់នៃសង្គម-សេដ្ឋកិច្ច ដើម្បីអាចមានលទ្ធភាពគ្រប់គ្រាន់ក្នុងការឆ្លើយតបនឹងហានិភ័យដែលអាចកើតឡើងជាយថាហេតុ ។
គួរបញ្ជាក់ថា៖ រាជរដ្ឋាភិបាលបានដាក់ទិសដៅយុទ្ធសាស្ត្រ និងគោលនយោបាយ និងកំណែទម្រង់ក្នុងគោលបំណងពង្រឹងការកសាងភាពធន់នៃសេដ្ឋកិច្ច និងសង្គមឱ្យកាន់តែមានភាពរឹងមាំ និងមានភាពឆ្លើយតបខ្ពស់ ដែលផ្តោតលើអាទិភាពចំនួន៦ ដូចដែលមានចែងក្នុងយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលនីតិកាលទី៧នៃរដ្ឋសភា៕
Account
Security
Favourite Content