សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានថ្លែងអំណរគុណទៅដល់បណ្ដាប្រទេសក្នុងក្របខ័ណ្ឌអាស៊ាន និងប្រទេសទីម័រខាងកើត ដែលបានបញ្ជូនកីឡាករ កីឡាការិនីមកចូលរួមប្រកួតក្នុងព្រឹត្តិការណ៍កីឡាស៊ីហ្គេម ក៏ដូចជាអាស៊ានប៉ារ៉ាហ្គេមនៅកម្ពុជា។
បើទោះបីជាកម្ពុជាទទួលបាននូវភាពជោគជ័យដ៏ត្រចះត្រចង់ក្នុងការរៀបចំព្រឹត្តិការណ៍កីឡាស៊ីហ្គេមក្ដី សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅតែអំពាវនាវដល់អ្នកពាក់ព័ន្ធ ក៏ដូចជាប្រជាជនកម្ពុជាទាំងមូលឱ្យចូលរួមរកភាពជោគជ័យសម្រាប់កីឡាអាស៊ានប៉ារ៉ាហ្គេមបន្តទៀត។
សម្ដេចតេជោ ហ៊ុន សែន បានមានប្រសាសន៍ថា ៖
“ក្នុងនាមជាម្ចាស់ផ្ទះតំណាងឲ្យប្រជាជន ១៧លាននាក់នៅពីក្រោយខ្នង ត្រូវធ្វើជាម្ចាស់ផ្ទះដោយការទទួលខុសត្រូវ សេវាកម្មនានាត្រូវតែបានផ្ដល់ ទីក្រុងភ្នំពេញបានផ្ដល់ល្អណាស់ សម្រាប់ទាំងស៊ីហ្គេម និងប៉ារ៉ាហ្គេម។ ឆ្លៀតក្នុងកាសនេះដែរ ខ្ញុំអរគុណជាមួយនឹងរដ្ឋាភិបាលនៃបណ្ដាប្រទេសអាស៊ាន និងទីម័រខាងកើត ដែលបានបញ្ជូនកីឡាករ កីឡាការិនី មកប្រកួតក្នុងស៊ីហ្គេម និងជនពិការក្នុងក្របខ័ណ្ឌអាស៊ានប៉ារ៉ាហ្គេមនៅពេលនេះ ហើយខ្ញុំនឹងទទួលខុសត្រូវបន្តទៀត។”
ក្នុងន័យនេះ ទំនាក់ទំនងរវាងថ្នាក់ដឹកនាំ ជាពិសេសប្រជាជនអាស៊ានកាន់តែទទួលបានភាពជិតស្និត សាមគ្គីភាពបន្តទៀត ព្រមទាំងរក្សាបាននូវទំនាក់ទំនងក្នុងនាមជាប្រទេសរួមតំបន់ផងដែរ ហើយព្រឹត្តិការណ៍កីឡាទាំងនេះផងដែរ ក៏ជាចំណែកដែលជំរុញ ក៏ដូចជាពង្រឹងវិស័យកីឡាក្នុងក្របខ័ណ្ឌអាស៊ានទាំងមូលទៀតផង។ បន្ថែមពីនេះ សម្ដេចបន្តឲ្យដឹងពីបំណងទៅថ្ងៃអនាគតថា៖
“នៅថ្ងៃណាមួយ ខ្ញុំស្រមៃឃើញថាអាស៊ានរួមគ្នាដេញថ្លៃធ្វើជាម្ចាស់ផ្ទះអូឡាំពិក ហើយក៏អាចដេញថ្លៃធ្វើជាម្ចាស់ផ្ទះ world cup អាចរួមគ្នាទៅបាន៕”
Account
Security
Favourite Content