សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ជាមួយនឹងកិច្ចអភិវឌ្ឍន៍ស្ទើរគ្រប់វិស័យ និងសុខសន្តិភាពពេញលេញ ក្រោមការដឹកនាំដោយសម្ដេចតេជោ ហ៊ុន សែន ជានាយករដ្ឋមន្ត្រីនៃកម្ពុជា បច្ចុប្បន្ន កម្ពុជាបាន និងកំពុងបន្តសម្រុកកសាងហេដ្ឋារចនាសម្ព័ន្ធនៅទូទាំងប្រទេស ដើម្បីជួយសម្រួលដល់ការធ្វើដំណើរ ការដឹកជញ្ជូនដើម្បីគាំទ្រដល់កំណើនសេដ្ឋកិច្ច ជំរុញ និងលើកកម្ពស់កម្រិតជីវភាពរបស់ប្រជាជនកម្ពុជា។
ខណៈពេលដែលប្រទេសមួយចំនួនកំពុងទទួលរងនូវការបំផ្លិចបំផ្លាញបណ្តាញហេដ្ឋារចនាសម្ព័ន្ធសំខាន់ក្រោមភាពវិនាសកម្មនៃភ្លើងសង្គ្រាម ជាក់ស្ដែងដូចជាប្រទេសអ៊ុយក្រែន ដែលកំពុងមានសង្គ្រាមជាមួយប្រទេសរុស្ស៊ីនោះ សម្រាប់តែប្រទេសកម្ពុជា ដែលកំពុងជ្រកនៅក្រោមម្លប់នៃសន្ដិភាព និងដឹកនាំដោយសម្ដេចតេជោ ហ៊ុន សែន ជានាយករដ្ឋមន្ត្រី បានជំរុញកិច្ចអភិវឌ្ឍន៍ប្រទេសជាតិ រក្សាសុខសុវត្ថិភាពសង្គម និងមនុស្សជាតិ ទាក់ទាញការវិនិយោគ និងមានលទ្ធភាពក្នុងការរក្សាកំណើនសេដ្ឋកិច្ចជាតិជាង២ទសវត្សរ៍ជាប់គ្នាក្នុងអត្រាជាង៧ភាគរយ។
ជ្រកនៅក្រោមម្លប់នៃសន្តិភាព រាជរដ្ឋាភិបាលកម្ពុជា បានខិតខំបន្តកិច្ចអភិវឌ្ឍន៍ ជាពិសេសការកសាងនូវបណ្តាញហេដ្ឋារចនាសម្ព័ន្ធសំខាន់ៗនានានៅទូទាំងប្រទេស ជាពិសេសនៅតាមបណ្តាខេត្តសក្ដានុពលដែលបម្រើដល់វិស័យសេដ្ឋកិច្ចជាតិ រួមមានផ្លូវថ្នល់ ស្ពានឆ្លងទន្លេ ស្ពានអាកាស ផ្លូវក្រោមដី ជាដើម។
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅព្រឹកថ្ងៃទី៣១ ខែមីនា ឆ្នាំ២០២២ ក្នុងឱកាសអញ្ជើញសម្ពោធដាក់ឲ្យប្រើប្រាស់ជាផ្លូវការស្ពានអាកាស និងផ្លូវក្រោមដីចោមចៅបានមានប្រសាសន៍ថា ឱកាសនេះកាលពីប្រមាណ ៥២ឆ្នាំមុន កម្ពុជាកំពុងទទួលរងនូវការបំផ្លិចបំផ្លាញនូវបណ្ដាញហេដ្ឋារចនាសម្ព័ន្ធសំខាន់ៗដោយសារភ្លើងសង្គ្រាមថ្ងៃទី១៨ មីនា ឆ្នាំ១៩៧០ ដើម្បីកាត់ផ្ដាច់ការដឹកជញ្ជូន និងចល័តទ័ព។
សម្ដេចបានបញ្ជាក់ថា ក្នុងសម័យកាលនោះ កម្ពុជាមានស្ពានច្រើនណាស់ ប៉ុន្តែត្រូវបានកាត់ផ្តាច់ ដោយមានទាំងការទម្លាក់គ្រាប់បែកពីលើអាកាស មានទាំងការដាក់ម៊ីនកំទិចពីខាងក្រោម ដែលធ្វើឲ្យហេដ្ឋារចនាសម្ព័ន្ធសំខាន់ៗខូចខាតទាំងស្រុង។ ប៉ុន្តែរយៈពេល៥២ឆ្នាំក្រោយ ពោលគឺនៅពេលបច្ចុប្បន្ននេះ កម្ពុជាបានប្រែក្លាយពីប្រទេសដែលខ្ទេចខ្ទាំដោយភ្លើងសង្គ្រាម មកជាប្រទេសដែលមានសុខសន្តិភាពពេញលេញ ពីប្រទេសដែលមានចំនួនប្រជាជនត្រឹមជាង៥លាននាក់ ឥឡូវកើនដល់ប្រមាណ១៦លាននាក់។ ដូច្នេះ នៅពេលដែលមានកំណើនប្រជាជន ប្រទេសមានសុខសន្តិភាព ចាំបាច់ត្រូវតែបង្កើនការកសាងហេដ្ឋារចនាសម្ព័ន្ធ ដែលក្រៅពីផ្លូវថ្នល់ ស្ពាន នៅមានសាលារៀន មន្ទីរពេទ្យជាដើម ដើម្បីឆ្លើយតបទៅនឹងកំណើនប្រជាសាស្ត្រ។ មានសុខសន្តិភាព មានការអភិវឌ្ឍន៍ មានកំណើនសេដ្ឋកិច្ច ជីវភាពប្រជាជនមានភាពល្អប្រសើរ ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អំឡុងបុណ្យចូលឆ្នាំខ្មែរ ជាកង្វល់នៃកំណើនគ្រោះថ្នាក់ចរាចរណ៍
Uncategorized, ព្រឹត្តិការណ៍, សេដ្ឋកិច្ច
• 09/04/2026
ជាទូទៅ ក្នុងអំឡុងពិធីថ្ងៃបុណ្យជាតិធំៗនៅប្រទេសកម្ពុជា ដូចជាបុណ្យចូលឆ្នាំថ្មីប្រពៃណីជាតិខ្មែរជាដើម ករណីគ្រោះថ្នាក់ចរាចរណ៍តែងតែមានសន្ទុះកើនឡើងច្រើន បើធៀបនឹងថ្ងៃធម្មតា
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content