សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ការវិនិយោគដីធ្លីនៅជុំវិញរាជធានីភ្នំពេញ នៅតែមានឱកាសក្នុងការទទួលបានប្រាក់ចំណេញខ្ពស់ ហើយការវិនិយោគនៅតំបន់ដែលចេញពីរាជធានីភ្នំពេញ ចន្លោះ៣០គីឡូម៉ែត្រទៅ ៦០គីឡូម៉ែត្រ នឹងទទួលបានប្រាក់ចំណេញខ្ពស់ ពីព្រោះថាដីធ្លីនៅជិតរាជធានីភ្នំពេញ ឬនៅកណ្ដាលក្រុងភ្នំពេញ មានឱកាសក្នុងការឡើងថ្លៃតិចតួចបំផុត។
លោក ង៉ែត ជូ អ្នកវិនិយោគលើវិស័យដីធ្លីមួយរូបនៅកម្ពុជាបានឱ្យដឹងថា ដីធ្លីនៅតំបន់ដែលឆ្ងាយពីកណ្ដាលក្រុងភ្នំពេញនឹងមានឱកាសក្នុងការវិនិយោគទទួលបានប្រាក់ចំណេញខ្ពស់នៅពេលអនាគត ដោយក្នុងនោះដែរសកម្មភាពពាណិជ្ជកម្មនៅតំបន់ជាយក្រុងចាប់ពី៣០គីឡូម៉ែត្រទៅ៦០គីឡូម៉ែត្រ នឹងអាចមានឱកាសហក់ឡើងខ្ពស់បន្ថែមទៀត ដោយដីតំបន់នៅនោះ គេអាចបើកជាភោជនីយដ្ឋាន ហាងកាហ្វេ យានដ្ឋានរថយន្ត កន្លែងដាក់តាំងផលិតផលជាដើម។
លោកបន្តថា ៖
“សម្រាប់ដីអភិវឌ្ឍលំនៅឋាន ឃើញថាចាប់ផ្ដើមរីកសាយទៅកាន់តំបន់ជាយៗក្រុងជាបន្តបន្ទាប់។ ដីនៅតំបន់ចំងាយពីភ្នំពេញ ៣០ទៅ៦០គីឡូម៉ែត្រ កំពុងមានការចាប់អារម្មណ៍លើការទិញ-លក់ពីសំណាក់ក្រុមអ្នកអភិវឌ្ឍន៍អចលនទ្រព្យ ហើយនៅពេលអនាគតដីលំនៅឋាននឹងកាន់តែពិបាករកសម្រាប់ពង្រីកគម្រោង ដូច្នេះ ដីនៅតំបន់នេះនឹងមានតម្រូវការខ្ពស់ ហើយអ្នកមានលុយអាចទិញទុកចំណេញនៅពេលខាងមុខបានផងដែរ”
លោក ឌឹត ចណ្ណា អគ្គនាយកក្រុមហ៊ុនអចលនទ្រព្យ Lucky Realty បានឱ្យដឹងថា បច្ចុប្បន្ន អ្នកវិនិយោគដែលមានលុយអាចទិញដីធ្លីទុកចំណេញនៅពេលអនាគតបាន ហើយតំបន់ដែលនៅជាយៗក្រុងនឹងមានសក្ដានុពលឡើងថ្លៃបន្តទៀត ខណៈនៅតំបន់ក្នុងក្រុងអាចមានអត្រាកើនឡើងតិចតួចប៉ុណ្ណោះ។
លោកបន្តថា ពេលនេះអ្នកចង់ពង្រីកអាជីវកម្មនៅពេលអនាគត អាចស្វែងរកដីធ្លីសម្រាប់ត្រៀមទុក ឬអ្នកមានលុយសល់មិនដឹងយកធ្វើអីក៏អាចទិញដីសម្រាប់ត្រៀមទុកលក់ចំណេញបន្ត ឬជួលទៅកាន់អ្នកដែលមានតម្រូវការនៅពេលនោះផងដែរ។
លោកឧកញ៉ា នួន រិទ្ធី ប្រធានក្រុមប្រឹក្សាភិបាលក្រុមហ៊ុនអចលនទ្រព្យ KFA Group បានលើកឡើងផងដែរថា តំបន់ជុំវិញរាជធានី ជាពិសេសនៅតំបន់ជាយៗនៅតែមានសក្ដានុពល និងឱកាសខ្ពស់ ពីព្រោះថានៅពេលរាជធានីភ្នំពេញកាន់តែរីកសាយ ការអភិវឌ្ឍទៅកាន់តំបន់ជាយក្រុងកាន់តែលឿន និងធ្វើឱ្យដីធ្លីកាន់តែមានតម្រូវការ និងឡើងថ្លៃបន្តបន្ទាប់។
លោកឧកញ៉ាបន្តថា រហូតមកដល់ពេលនេះទាំងផ្ទះជាប់ដីជាបុរី និងតម្រូវការដីធ្លីសម្រាប់សាងសង់ឃ្លាំងរោងចក្រជាដើម កំពុងតែមានកំណើនខ្ពស់ ដូច្នេះអ្នកមានដីនៅតំបន់ជាយក្រុងៗ នឹងទទួលបានផលប្រយោជន៍ខ្ពស់ ។ លោកឧកញ៉ាបានបញញជាក់ទៀតថា មានមនុស្សមិនតិចទេកាលពីប៉ុន្មានឆ្នាំមុនបានទិញដីទាំងប្រថុយនៅតំបន់ជាយក្រុង ប៉ុន្តែមកដល់ពេលនេះពួកគាត់ក៏ទទួលបានផលចំណេញមិនតិចនោះដែរពីដីធ្លីដែលបានទិញទុកកាលពីមុននោះ ហើយអ្នកខ្លះក៏លក់បន្តទៅឱ្យអ្នកអភិវឌ្ឍន៍ ខ្លះទៀតក៏បានអភិវឌ្ឍន៍ដោយខ្លួនឯងដើម្បីប្រមូលផលចំណេញដូចគ្នា៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ដំណើរទស្សនកិច្ចរបស់មន្ត្រីជាន់ខ្ពស់បារាំងនៅកម្ពុជា មិនត្រឹមតែបង្កើនពាណិជ្ជកម្ម ការវិនិយោគ តែជាផ្នែកមួយនៃតុល្យភាពភូមិសាស្ត្រនយោបាយ
កំណើនប្រជាសាស្ត្រ ជំរុញឱ្យផ្សារទំនើបខ្នាតតូច រីកដុះដាលកាន់តែខ្លាំងនៅតាមជាយក្រុងភ្នំពេញ
Account
Security
Favourite Content