សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ កម្ពុជាបានចាប់ផ្ដើមសាងសង់ផ្លូវល្បឿនលឿនដំបូងគេរបស់ខ្លួនពីភ្នំពេញទៅកាន់ខេត្តព្រះសីហនុ និងបានសម្រេចជាស្ថាពរដោយបានដាក់ដំណើរការតាំងពីចុងឆ្នាំ២០២២កន្លងទៅ។ ជាបន្ទាប់ កម្ពុជាបានប្រកាសបើកការដ្ឋានសាងសង់ផ្លូវល្បឿនលឿនទី២របស់ខ្លួនពីភ្នំពេញទៅកាន់ក្រុងបាវិតខេត្តស្វាយរៀង និងបានចុះហត្ថលេខាលើកិច្ចព្រមព្រៀងសិក្សាផ្លូវល្បឿនលឿនខ្សែទី៣ ពីភ្នំពេញទៅកាន់ខេត្តសៀមរាប និងបន្តទៅប៉ោយប៉ែតខេត្តបន្ទាយមានជ័យ។ ដឹងទេថា តើផ្លូវល្បឿនលឿនទាំង៣ខ្សែរបស់កម្ពុជាដែលបានចំណាយ និងកំពុងត្រៀមសាងសង់ក្នុងពេលឆាប់ៗនេះមានទំហំសរុបប៉ុន្មាន?
១- ផ្លូវល្បឿនលឿនទី១ តភ្ជាប់ពីភ្នំពេញទៅកាន់ខេត្តព្រះសីហនុ ត្រូវបានចំណាយអស់ទឹកប្រាក់ប្រមាណ ២០០០លានដុល្លារអាមេរិក ដែលផ្លូវល្បឿនលឿននេះមានប្រវែង ១៨៧គីឡូម៉ែត្រ ជាការវិនិយោគរបស់ក្រុមហ៊ុនឯកជនមកពីប្រទេសចិន ។ ផ្លូវមួយខ្សែនេះបានដាក់ដំណើរការកាលពីថ្ងៃទី០១ ខែតុលា ឆ្នាំ២០២៣ ហើយមួយខែដំបូងក្រុមហ៊ុនបានអនុញ្ញាតឱ្យយានយន្តធ្វើដំណើរឆ្លងកាត់មិនគិតកម្រៃសេវាឡើយ ដោយហេតុថាកម្ពុជាទើបតែមានផ្លូវល្បឿនលឿនលើកដំបូងនិងចង់ឱ្យពលរដ្ឋសាកល្បងបើកបរយកបទពិសោធន៍ ។
២- ផ្លូវល្បឿនលឿនខ្សែទី២ ពីភ្នំពេញទៅកាន់ក្រុងបាវិត ខេត្តស្វាយរៀងវិញ មានប្រវែងជាង១៣០គីឡូម៉ែត្រ បានប្រកាសបើកការដ្ឋានសាងសង់កាលពីថ្ងៃទី០៧ខែមិថុនា ឆ្នាំ២០២៣ ត្រូវបានគ្រោងនឹងចំណាយទឹកប្រាក់ប្រមាណ ១៣០០លានដុល្លារអាមេរិក។ ផ្លូវនេះក៏ជាការវិនិយោគរបស់ក្រុមហ៊ុនឯកជនមកពីប្រទេសចិនដែរ គឺជាក្រុមហ៊ុនតែមួយដែលវិនិយោគលើផ្លូវល្បឿនលឿនភ្នំពេញ-ក្រុងព្រះសីហនុ ។
៣- គម្រោងផ្លូវល្បឿនលឿនមួយខ្សែទៀត ( ខ្សែទី៣)ពីភ្នំពេញ-សៀមរាប-ប៉ោយប៉ែត ក៏បានចុះហត្ថលេខាលើកិច្ចព្រមព្រៀងក្របខណ្ឌរួចរាល់ដែរ កាលពីរសៀលថ្ងៃទី០៧ ខែមិថុនា ឆ្នាំ២០២៣។ ផ្លូវនេះគ្រោងនឹងចំណាយថវិកាប្រមាណ ៤០០០លានដុល្លារអាមេរិក មានប្រវែង ៤០០គីឡូម៉ែត្របែងចែកជាពីរកំណាត់ ដោយពីភ្នំពេញ សៀមរាបមានប្រវែង ២៥០គីឡូម៉ែត្រ និងពីសៀមរាបទៅប៉ោយប៉ែត មានប្រវែង ១៥០គីឡូម៉ែត្រទៀត ។
ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនបានមានប្រសាសន៍ថា ជាទូទៅផ្លូវល្បឿនលឿននីមួយៗតាមស្តង់ដារក្នុងមួយគីឡូម៉ែត្រត្រូវចំណាយទឹកប្រាក់១០លានដុល្លារអាមេរិក វាអាចកើនឡើងជាងនេះក្នុងករណីទំនិញហក់ឡើងថ្លៃបន្តទៀត ជាក់ស្ដែងក្នុងវិបត្តិនៃអតិផរណាពិភពលោកដូចនាពេលបច្ចុប្បន្ននេះជាដើម ។
ឯកឧត្តមបានបន្តឱ្យដឹងថា ផ្លូវល្បឿនលឿនរបស់កម្ពុជាចាប់ផ្ដើមអភិវឌ្ឍន៍ជាបន្តបន្ទាប់ ដោយកាលពីមុនកម្ពុជាមិនទាន់មានសូម្បីមួយនៅឡើយទេ តែចាប់ផ្ដើមមានមួយហើយក៏មានពីរ ហើយក៏ចាប់ផ្ដើមមានបី និងអាចមានដល់គម្រោងទី៤ដែរ ។
សរុបជារួម សម្រាប់តែថវិកាសម្រាប់វិនិយោគទៅលើគម្រោងផ្លូវល្បឿនលឿនទាំង៣ខ្សែនៅកម្ពុជា (គម្រោងទី១ ទី២ និងគម្រោងទី៣) មានទំហំរហូតដល់ប្រមាណ ៧៣០០លានដុល្លារអាមេរិក៕
Account
Security
Favourite Content