ផ្លូវ៣ខ្សែ ប៉ែក​និរតីនៃប្រទេស​ នឹងជំរុញ​សក្ដានុពល​ក្នុង​ខេត្ត​ចំនួន​២​នៅតំបន់​សមុទ្រ​

ភ្នំពេញ ៖ ផ្លូវ​ចំនួន​៣ខ្សែ ដែលបាន​តភ្ជាប់ទៅកាន់​ខេត្ត​ចំនួន​២​ក្នុង​តំបន់​សមុទ្រ​ នឹង​ជំរុញ​សក្ដានុពលដល់​ការ​វិនិយោគ និងធ្វើ​ឱ្យហាង​ឆេង​ដីធ្លី​ក៏ដូចជា​សកម្មភាពទិញលក់ដីធ្លីនៅខេត្ត​តំបន់សមុទ្រ​ទាំងពីរ​នេះ រួមទាំង​ដី​នៅតាមបណ្ដោយផ្លូវទាំង​នោះ​ មាន​សម្ទុះទិញលក់​មួយ​កម្រិតទៀត​ផងដែរ ។​

ផ្លូវ​ទៅតំបន់​សមុទ្រ​រួមមាន​ខេត្ត​កែប និងកំពត ត្រូវ​បាន​រាជរដ្ឋាភិបាលកម្ពុជា ជំរុញ​យកចិត្តទុកដាក់​ និងអ​ភិវ​ឌ្ឍ​ន៍​​កាន់តែ​ប្រសើរ​ ក្នុងនោះមានផ្លូវ​ខ្លះ​បានសាងសង់​ និងកំពុង​ដំណើរការ និងផ្លូវខ្លះទៀត​ស្ថិតនៅក្នុង​ដំណាក់​កាល​កំពុង​ជួសជុល ​និ​ងលើកកម្ពស់គុណភាព ។

ផ្លូវជាតិលេខ​៣​ ជា​ផ្លូវ​ដ៏សំខាន់​ក្នុងការ​តភ្ជាប់​ពីភ្នំពេញ ទៅកាន់ខេត្តកំពត ដែលផ្លូវ​នេះបានដាក់ឱ្យ​ប្រើប្រាស់​កាលពីដើមឆ្នាំ ២០២២​ ហើយផ្លូវនេះ​មិនត្រឹមតែភ្ជាប់ពីភ្នំពេញ កាន់​ខេត្តកំពតប៉ុណ្ណោះទេ តែវា​បានតភ្ជាប់ពី​បណ្ដាខេត្ត​ផ្សេងទៀត​រួមមាន​ខេត្តកណ្ដាល ខេត្តតាកែវ កំពង់ស្ពឺ និង​បណ្ដាខេត្តជាច្រើននទៀត ។ ចាប់​តាំ​ង​ពី​ផ្លូវ​ជាតិលេខ​៣ បានដាក់ឱ្យ​ប្រើប្រាស់​ឃើញថា​សកម្មភាព​ចរាចរណ៍​លើ​ដងផ្លូវ​មួយ​នេះ​មានភាព​មមាញឹក​ខ្លាំង​​​​​ដោយភ្ញៀវទេសចរ​ជាតិអន្តរជាតិបានធ្វើដំណើរ​ទៅកាន់តំបន់សមុទ្រ​ខេត្តកំពត​ និង​ខេត្ត​កែប ដែល​ស្ថិត​នៅមិនឆ្ងាយពីគ្មាន ។​ ក្រៅពីនេះ សកម្មភាពដឹកជញ្ជូនទំនិញតាមបណ្ដោយផ្លូវ​នេះ​ក៏កាន់តែមានភាពមមាញឹក ដែល​ធ្វើឱ្យដីតាមបណ្ដោយផ្លូវ​មួយនេះ មានការអភិវឌ្ឍ​កាន់តែ​ច្រើនជាង​មុន ជាមួយនឹងគម្រោងសាងសង់សំណង់​រោង​ចក្រ​​ ឃ្លាំង​ស្តុកទំនិញ និងបុរីលំនៅឋានផងដែរ​ ។

ផ្លូវលេខ​៣១ និង៣៣ ដែលភ្ជាប់ពី​បែកគុស​ទៅ​ស្រុកកំពង់ត្រាច និង​បន្តទៅកាន់ខេត្ត​កែប ទីរួមខេត្ត​កំពត​ ក៏មានសារ​សំខាន់​ក្នុងការទាក់ទាញ​ទេសចរ​ វិនិយោគិន និង​សម្រាប់​ដឹក​ទំនិញ​ ចែកចាយកក្នុង​តំបន់​ផងដែរ ។ ផ្លូវ​នេះ​ បាន និងកំពុង​សាងសង់​ជិតរួចរាល់​ហើយ ដោយមន្ត្រី​ក្រសួងសាធារណការ​ និងដឹកជញ្ជូន បាន​បញ្ជាក់​ថា​នឹង​បញ្ចប់​ការចាក់​កៅស៊ូ AC​នៅ​អំឡុងខែកក្កដា ឆ្នាំ ២០២៤​នេះ និង​បញ្ចប់ទាំងស្រុង​នៅ​ចុងឆ្នាំ២០២៤ ។ ផ្លូវ​នេះដែរ មានសារ​សំខាន់​សម្រា​​ប់​ភ្ញៀវទេសចរ​ទៅលេង​ខេត្តកែប និងខេត្តកំពត​ និង​តភ្ជាប់ទៅកាន់​ព្រំដែន​កម្ពុជា វៀតណាម​ ព្រែក​ចាក​ក្នុ​ង​ស្រុ​ក​កំ​ព​ង់ត្រាច ហើយបើតាមគម្រោងផែនការ​មេនៃព្រែកជីកហ្វូណនតេជោ​ ក្នុងស្រុកកំពង់ត្រាច​ក៏គ្រោង​នឹ​ង​បង្កើត​មជ្ឈមណ្ឌល​ពាណិជ្ជ​កម្ម​ធំ​មួយ ដែល​គម្រោងនេះ​នឹងត្រូវការ​រៀបចំហេដ្ឋារចនាសម្ព័ន្ធ​បន្ថែមទៀត​ផងដែរ​។

ផ្លូវ​លេខ​៤១​ ឬផ្លូវ​ព្រះអង្គ​ឌួង ដែលភ្ជាប់ពីផ្លូវជាតិលេខ៤ ទៅ​ផ្លូវ​ជាតិ៣ ត្រង់ចំណុច​លោកយាយ​ម៉ៅ​ ក៏មា​​ន​សា​​រ​សំខាន់ក្នុងតភ្ជាប់​ពីតំបន់ផ្សេងៗទៅកាន់​ខេត្ត​កំពត​ និង​កែបផងដែរ ជាក់​ផ្លូវ​នេះ បានភ្ជាប់ផ្លូវជាតិលេខ​៤​ផង ផ្លូវជាតិលេខ​៥១ ហើយផ្លូវជាតិលេខ​៥១ ក៏បានតភ្ជាប់មកពីផ្លូវជាតិលេខ​៥​ ដែល​សុទ្ធតែផ្លូវ​សំខាន់ៗ​ ប្រទា​ក់​ក្រឡា​គ្នា ។​

ទន្ទឹមនឹង​ការ​កសាងហេដ្ឋារចនាសម្ព័ន្ធទាំង​នេះ រដ្ឋបាលខេត្ត​នីមួយៗ​ក៏បានអភិវឌ្ឍន៍​តំបន់ទេសចរណ៍ ដើម្បី​ទាក់ទាញភ្ញៀវទេសចរ​និ​ងបង្កើត​សក្ដានុពលនៃការ​វិនិយោគ​ដើម្បី​ទាក់​ទាញ​វិនិយោគិន​ទៅកាន់ទឹកដី​របស់ខ្លួ​ន​ផងដែរ​ ។

អ្នកជំនាញអចលនទ្រព្យ​ជាច្រើន​បានលើកឡើងថា ការអភិវឌ្ឍ​ហេដ្ឋារចនាសម្ព័ន្ធបានជះឥទ្ធិពលវិជ្ជ​មាន​ដល់​​ទីផ្សារ​ដីធ្លី​នៅតាមបណ្ដោយផ្លូវ​ទាំង​នោះ ដោយនឹង​ធ្វើឱ្យ​តម្រូវកា​រដីធ្លី​នៅ​តាម​បណ្ដោយផ្លូវនោះមាន​កំណើ​ន​​ ហើយបើ​កាល​ណា​វា​មានតម្រូវការ​ច្រើន វាក៏អាច​ធ្វើឱ្យតម្លៃប្រែប្រួល​ជាងមុន​ដែរ ។

លោក ប៉ូ អ៊ាវគង់ អគ្គនាយក​ក្រុមហ៊ុន​ Advance បានលើកឡើងថា​ ទីផ្សារ​ដីធ្លី​នៅតាមបណ្ដោយផ្លូវ​៤១ ផ្លូវ​ជាតិ​លេខ​៣ លេខ​៣១​ និង​៣៣ អាច​នឹង​មានការ​ប្រែប្រួល និង​មាន​ទីផ្សារ​​ជាង​មុន នៅពេលអនាគត​ឆាប់ៗ​នេះ ក្រោយពីផ្លូវទាំងនេះ​សាងសង់រួចរាល់ ជាពិសេស​នៅពេលស្ថានភាព​សេដ្ឋកិច្ច​ល្អប្រសើរ​ឡើងវិញ ។ លោកថា​ ការអភិវឌ្ឍផ្លូវ​ទៅដល់​ណា​ នឹងធ្វើ​ឱ្យទីផ្សារដីធ្លី និងការអភិវឌ្ឍទៅដល់​ទីនោះដែរ ជាក់ស្ដែង​តំបន់​ដែល​មិនសូវ​មានការ​ចាប់អារម្មណ៍​ក៏ឃើញថា​មានការចាប់អារម្មណ៍​ និងកាន់តែមានការវិនិយោគខ្លាំង​នៅពេលមានការអភិវឌ្ឍ​ផ្លូវ​ពី​សំណាក់រាជរដ្ឋាភិបាល ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

កម្ពុជាលើកទឹកចិត្តអង្គការស្បៀង និងកសិកម្មនៃអង្គការសហប្រជាជាតិ ជួយដល់សហគមន៍កសិកម្មទំនើប

ព្រឹត្តិការណ៍, សេដ្ឋកិច្ច

• 07/02/2025

កម្ពុជាលើកទឹកចិត្តអង្គការFAOជួយដល់សហគមន៍កសិកម្មទំនើបដែលជួយកាត់បន្ថយថ្លៃដើមផលិត មានប្រសិទ្ធភាពសេដ្ឋកិច្ច និង មាននិរន្តរភាព

ក្រុមហ៊ុន​ផលិត​រថយន្ត​​របស់ចិន BYD សម្រេចបោះទុន​បង្កើត​រោងចក្រ​ផ្គុំ​ និងដំឡើ​ង​នៅ​ខេត្តព្រះសីហនុ

ព្រឹត្តិការណ៍, សេដ្ឋកិច្ច

• 07/02/2025

ទី​បំផុ ក្រុមហ៊ុន​ផលិត​រថយន្តអគ្គិសនី​របស់ចិន បាន​សម្រេច​បោះទុនវិនិយោគបង្កើត​រោងចក្រ​ដំឡើង​រថយន្តអគ្គិសនី​នៅកម្ពុជា​ហើយ​

ក្រសួងពាណិជ្ជកម្ម នឹងរៀបចំពិព័រណ៍ផលិតផលខ្មែរ និងបន្លែផ្លែឈើ ជំរុញផលិតកម្មក្នុងស្រុក

ព្រឹត្តិការណ៍, សេដ្ឋកិច្ច

• 07/02/2025

ក្រសួងពាណិជ្ជកម្ម នឹងរៀបចំពិព័រណ៍ផលិតផលខ្មែរនិង បន្លែផ្លែឈើ ក្នុងគោលបំណងជំរុញផលិតកម្មក្នុងស្រុក គាំទ្រផលិតផលខ្មែរ និងផ្គូផ្គងពាណិជ្ជកម្មរវាងអ្នកផលិត និងអ្នកទិញ

តម្លៃមាសបន្តឡើងថ្លៃខ្ពស់ ១តម្លឹង ៣ ៤៤១ ដុល្លារអាម៉េរិក ដោយសារភាពតានតឹងផ្នែកពាណិជ្ជកម្មរបស់ប្រទេសមហាអំណាច

ព្រឹត្តិការណ៍, សេដ្ឋកិច្ច

• 07/02/2025

តម្លៃមាសឡើងថ្លៃ ១ ភាគរយ ឬ ២ ៨៥៨ ដុល្លារអាម៉េរិកក្នុងមួយអោន (នៅលើទីផ្សារកម្ពុជា មាសមួយតម្លឹងមានតម្លៃ ៣ ៤៤១ ដុល្លារអាម៉េរិក និង មួយជីមានតម្លៃ ៣៤៤ ដុល្លារអាម៉េរិក)។ អ្នកវិភាគព្យាករណ៍ថា តម្លៃអាចឡើងថ្លៃដល់ ២ ៩០០ ដុល្លារអាម៉េរិកក្នុងមួយអោននាពេលឆាប់ៗនេះ

គិតត្រឹមឆ្នាំ២០២៤ កម្ពុជា​មានអ្នក​ប្រើទូរសព្ទចល័ត​ចំនួន ២០,៦លាន ខណៈអ្នកប្រើប្រាស់សេវាអ៊ីនធើណេត​មានចំនួន ១៩​លាន​

ព្រឹត្តិការណ៍, សេដ្ឋកិច្ច

• 07/02/2025

គិតត្រឹម​ចុងឆ្នាំ២០២៤ ទូទាំង​ប្រទេស​កម្ពុជា​មាន​អ្នកប្រើប្រាស់ទូរសព្ទចល័ត​ចំនួន ​២០​លាន ​៦សែន ដែល​មានន័យ​ថា មនុស្ស​ម្នាក់អាច​មានទូរសព្ទ ២គ្រឿង​ និងខ្លះ​ ៣គ្រឿង

ធនាគារជាតិនៃប្រទេសឆេក ក្លាយជាធនគារកណ្តាលដំបូងគេបំផុតនៅអឺរ៉ុបដែលវិនិយោគទៅលើលុយគ្រីបតូក្នុងទំហំច្រើនពាន់លានដុល្លារ

ព្រឹត្តិការណ៍, សេដ្ឋកិច្ច

• 06/02/2025

ធនាគារជាតិនៃប្រទេសឆេក ក្លាយជាធនគារកណ្តាលដំបូងគេបំផុតនៅអឺរ៉ុបដែលវិនិយោគទៅលើលុយគ្រីបតូក្នុងទំហំច្រើនពាន់លានដុល្លារ

គម្រោង CAPFISH-Capture គាំទ្រហិរញ្ញវត្ថុសម្រាប់ការវិនិយោគវិស័យជលផលកម្ពុជា

ព្រឹត្តិការណ៍, សេដ្ឋកិច្ច

• 06/02/2025

គម្រោងអភិវឌ្ឍន៍ជលផលក្រោយប្រមូលផល CAPFISH-Capture គាំទ្រហិរញ្ញវត្ថុសម្រាប់ការវិនិយោគ និងជួយវិស័យជលផលនៅកម្ពុជា

ក្រសួងកសិកម្ម អង្គការ UNIDO និងសហភាពអឺរ៉ុប រួមគ្នាផ្សព្វផ្សាយការចម្អិនម្ហូបដោយប្រើប្រាស់ត្រីក្នុងស្រុក

ព្រឹត្តិការណ៍, សេដ្ឋកិច្ច

• 06/02/2025

ក្រសួងកសិកម្ម រុក្ខាប្រមាញ់ និង នេសាទ អង្គការ UNIDO និងសហភាពអឺរ៉ុប រួមគ្នាផ្សព្វផ្សាយការចម្អិនម្ហូបដោយប្រើប្រាស់ត្រីក្នុងស្រុក

ចិនដាក់ពាក្យបណ្តឹងទៅអង្គការពាណិជ្ជកម្មពិភពលោក (WTO) ប្រឆាំងនឹងការដាក់ពន្ធគយរបស់អាម៉េរិក

ព្រឹត្តិការណ៍, សេដ្ឋកិច្ច

• 06/02/2025

កាលពីថ្ងៃពុធ ចិនបានដាក់ពាក្យបណ្តឹងទៅអង្គការពាណិជ្ជកម្មពិភពលោក (WTO) ប្រឆាំងនឹងការដាក់ពន្ធថ្មី ១០ ភាគរយរបស់ប្រធានាធិបតីសហរដ្ឋអាម៉េរិក Donald Trump លើការនាំចូលរបស់ចិន និងប្រឆាំងទៅនឹងការលុបចោលរបស់អាម៉េរិកលើការលើកលែងពន្ធសម្រាប់ទំនិញតម្លៃទាប

កម្ពុជា និងធនាគារពិភពលោក ពិភាក្សាពីវិធីសាស្រ្ត និងនីតិវិធីប្រមូលទិន្នន័យសន្ទស្សន៍ប្រតិបត្តិការភស្តុភារកម្ម

ព្រឹត្តិការណ៍, សេដ្ឋកិច្ច

• 05/02/2025

កម្ពុជា និងធនាគារពិភពលោក ពិភាក្សាវិធីសាស្រ្ត នីតិវិធីប្រមូលទិន្នន័យសន្ទស្សន៍ប្រតិបត្តិការភស្តុភារកម្មបង្កើនប្រសិទ្ធភាពការងារ