សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ អង្គការផលិតភាពអាស៊ី (APO) និងមជ្ឈមណ្ឌលផលិតភាពជាតិនៃក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានសហការរៀបចំកម្មវិធីបណ្តុះបណ្តាលស្តីពីការប្រើប្រាស់បច្ចេកវិទ្យា Blockchain ក្នុងរដ្ឋាភិបាលឌីជីថល ដែលផ្តើមពីថ្ងៃទី៥ ដល់ថ្ងៃទី៩ ខែសីហា ឆ្នាំ២០២៤ ក្នុងគោលដៅលើកកម្ពស់ផលិតភាពក្នុងតំបន់អាស៊ី។
កម្មវិធីនេះប្រព្រឹត្តទៅក្រោមអធិបតីភាព ឯកឧត្តម ភោគ សុវណ្ណរិទ្ធ រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងជានាយកតំណាងអង្គការផលិតភាពអាស៊ីប្រចាំប្រទេសកម្ពុជា ដោយមានការចូលរួមពីតំណាងស្ថាប័នផលិតភាពមកពីប្រទេសជាច្រើន រួមមាន កម្ពុជា ឥណ្ឌា ឥណ្ឌូនេស៊ី ម៉ាឡេស៊ី ប៉ាគីស្ថាន ហ្វីលីពីន ស្រីលង្កា ថៃ ទួរគី និងវៀតណាម។
ឯកឧត្តម ភោគ សុវណ្ណរិទ្ធ បានលើកឡើងថា៖
«បច្ចេកវិទ្យា Blockchain បានលេចចេញជាកម្លាំងផ្លាស់ប្តូរដ៏សំខាន់នៅក្នុងវិស័យជាច្រើន រួមទាំងគំនិតផ្តួចផ្តើមរដ្ឋាភិបាលឌីជីថលផងដែរ។ ការប្រើប្រាស់បច្ចេកវិទ្យានេះអាចជួយបង្កើនតម្លាភាព ប្រសិទ្ធភាព និងសន្តិសុខនៅក្នុងដំណើរការរបស់រាជរដ្ឋាភិបាល។»
ក្នុងកម្មវិធីបណ្តុះបណ្តាលនេះ តំណាងស្ថាប័នផលិតភាពក្នុងតំបន់នឹងសិក្សាពីការប្រើប្រាស់ជាក់ស្តែងនៃដំណោះស្រាយដែលផ្អែកលើបច្ចេកវិទ្យា Blockchain នៅក្នុងប្រព័ន្ធអភិបាលកិច្ចឌីជីថល,ស្វែងយល់ពីសារៈសំខាន់នៃស្ថាបត្យកម្មបច្ចេកវិទ្យា Blockchain ក្នុងការលើកកម្ពស់គំនិតផ្តួចផ្តើមរដ្ឋាភិបាលឌីជីថល និងការផ្តល់សេវាដោយស្ថាប័នសាធារណៈ, ព្រមទាំងបង្កើនប្រសិទ្ធភាព និងប្រសិទ្ធផលនៃកម្មវិធីរដ្ឋាភិបាលឌីជីថលតាមរយៈកម្មវិធីបច្ចេកវិទ្យា Blockchain ។
អង្គការផលិតភាពអាស៊ី មានបេសកកម្មលើកកម្ពស់ផលិតភាពក្នុងតំបន់អាស៊ីប៉ាស៊ីហ្វិក តាមរយៈកិច្ច សហការ ការកសាងសមត្ថភាព និងការចែករំលែកចំណេះដឹងក្នុងគោលដៅលើកកម្ពស់កំណើនសេដ្ឋកិច្ច និងការអភិវឌ្ឍន៍៕
Account
Security
Favourite Content