សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ថ្មីៗនេះ ប្រទេសចិនបានចាប់ផ្តើមរឹតបន្តឹងទៅលើការនាំចេញគ្រប់ប្រភេទនៃរ៉ៃកម្រ ដែលនឹងត្រូវយកទៅប្រើប្រាស់ក្នុងផលិតកម្មផលិតបន្ទះឈីប និងក្នុងបច្ចេកវិទ្យាផលិតសព្វាវុធ។
សេចក្តីប្រកាសដែលធ្វើឡើងដោយក្រសួងពាណិជ្ជកម្មបានបញ្ជាក់ និងធ្វើការផ្លាស់ប្តូរទៅលើការត្រួតពិនិត្យនេះតាំងតែពីខែមេសាមកម្ល៉េះ។ ជាលទ្ធផល វាបានបណ្តាលឱ្យខ្វះខាតដល់ការផ្គត់ផ្គង់យ៉ាងខ្លាំងនៅក្នុងទីផ្សារពិភពលោក ប៉ុន្តែក្រោយមកការរឹតបន្តឹងលើការគ្រប់គ្រងទាំងនេះហាក់ត្រូវបានធូរស្រាលបន្តិចវិញបន្ទាប់ពីមានកិច្ចព្រមព្រៀងជាបន្តបន្ទាប់ជាមួយប៉ែកអឺរ៉ុប និងសហរដ្ឋអាម៉េរិក។
គួរឱ្យដឹងដែរថា ចិន គឺជាអ្នករុករករ៉ែឆៅ និងចម្រាញ់ជាដុំរ៉ែកម្ររបស់ពិភពលោកក្នុងចំណែកដល់ទៅប្រមាណ ៩០ភាគរយ ដោយរ៉ែកម្រទាំងនោះមានចំនួនសរុប ១៧ ប្រភេទ ក្នុងនាមជាវត្ថុធាតុដើមដ៏សំខាន់នៅក្នុងផលិតកម្មរថយន្តអគ្គិសនី រហូតដល់ម៉ាស៊ីនយន្តហោះ និងគ្រឿងឧបករណ៍យោធាជាច្រើនទៀត។ ដោយឡែក ចំពោះការរឹតត្បិតនេះត្រូវបានធ្វើឡើងក្រោយពេលដែលសមាជិកសភាអាម៉េរិកបានអំពាវនាវឱ្យមានការហាមឃាត់ទៅលើការនាំចេញឧបករណ៍ផលិតបន្ទះរបស់អាម៉េរិកទៅកាន់ប្រទេសចិន។ យ៉ាងណាក្តីក្រុមហ៊ុន Samsung Electronics បានបដិសេធមិនធ្វើអត្ថាធិប្បាយទេ ខណៈដែលក្រុមហ៊ុនផលិតបន្ទះឈីប TSMC និង SK Hynix ក៏មិនទាន់បានធ្វើការឆ្លើយតបភ្លាមៗចំពោះសំណួរនេះដូចគ្នា។
តួលេខនៃការនាំចេញរ៉ែកម្ររបស់ប្រទេសចិន បាន និងកំពុងកើនឡើងជាលំដាប់ក្នុងរយៈពេលប៉ុន្មានខែចុងក្រោយនេះ ខណៈដែលទីក្រុងប៉េកាំងបានផ្តល់អាជ្ញាប័ណ្ណនាំចេញកាន់តែច្រើន ប៉ុន្តែក្រុមអ្នកប្រើប្រាស់មួយចំនួននៅតែត្អូញត្អែរថាពួកគេមិនទាន់ទទួលបានទំនិញតាមកាលកំណត់នៅឡើយ។ គួរឲ្យដឹងដែរថា ច្បាប់ថ្មីដែលត្រូវបានដាក់ចេញដោយរដ្ឋាភិបាលក្រុងប៉េកាំង ក៏បានដាក់បំរាម និងឈានដល់ទណ្ឌកម្មដល់ក្រុមហ៊ុនចិនទាំងឡាយណាដែលធ្វើការជាមួយក្រុមហ៊ុននៅបរទេស ហើយនាំចេញរ៉ែកម្រដោយគ្មានការអនុញ្ញាតពីក្រសួង៕
Account
Security
Favourite Content