សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ម្ចាស់សហគ្រាសធុនមីក្រូ តូច និងមធ្យម (MSME) រួមទាំងតំណាងស្ថាប័នផ្តល់ជំនួយ ប្រមាណ ៣០០នាក់ នឹងជួបជុំដើម្បីស្វែងយល់ពីគ្នាក្នុងកម្មវិធី “ជំនួបសហគ្រិនវ័យក្មេង និងម្ចាស់អាជីវកម្ម” ដោយផ្តោតលើធុរកិច្ចបរិយាបន្ន និងដំណើរការពន្លឿនការប្រើប្រាស់ឌីជីថលដល់សហគ្រាសធុនមីក្រូ តូច និងមធ្យម (MSEM) នារសៀលថ្ងៃទី ២៩ ខែកុម្ភៈ ឆ្នាំ២០២៤ខាងមុខនេះ នៅសណ្ឋាគារ OAKWOOD PREMIER PHNOM PENH HOTEL។
អ្នកស្រី នុត រត្ថា នាយិកាប្រតិបត្តិនៃក្រុមហ៊ុន អប្សរា មេឌា សឺវីស ឯ.ក (AMS) បានបញ្ជាក់ថា សហគ្រាសធុនមីក្រូ តូច និងមធ្យម (MSME) ជាផ្នែកកាន់តែសំខាន់ក្នុងសេដ្ឋកិច្ចកម្ពុជាដែលរាជរដ្ឋាភិបាល និងដៃគូពាក់ព័ន្ធនានាកំពុងយកចិត្តទុកដាក់ ជាពិសេសធុរកិច្ចបរិយាបន្ន (Inclusive business)។ មានស្ថាប័នរដ្ឋ និងឯកជនជាច្រើនកំពុងផ្តល់ជំនួយទាំងបច្ចេកទេស និងហិរញ្ញវត្ថុ ដល់សហគ្រាសធុនមីក្រូ តូច និងមធ្យម (MSME) ដើម្បីជួយជំរុញឱ្យ ពួកគាត់អាចអភិវឌ្ឍបានប្រកបដោយនិរន្តរភាព។
ទោះជាយ៉ាងនេះក្តី បញ្ហាប្រឈមបានកើតឡើងដោយសារតែអ្នកផ្តល់ជំនួយមួយចំនួនពិបាកផ្តល់ព៌ត៌មានទៅកាន់ម្ចាស់សហគ្រាសធុនមីក្រូ តូច និងមធ្យម (MSME) ខណៈម្ចាស់សហគ្រាសខ្លួនឯងខ្លះមិនទាន់មានសមត្ថភាពគ្រប់គ្រាន់ដើម្បីស្នើសុំថវិកា ក៏ដូចជាការគាំទ្រផ្នែកបច្ចេកទេសនៅឡើយ។ ដោយមើលឃើញពីចំណុចខ្វះខាតដ៏សំខាន់មួយនេះទើប AMS សហការជាមួយសមាគមសហគ្រិនវ័យក្មេងកម្ពុជា (YEAC) រួមទាំងសហគ្រិនខ្មែរ (KE) រៀបចំកម្មវិធី “ជំនួបសហគ្រិនវ័យក្មេង និងម្ចាស់អាជីវកម្ម” ឡើងដើម្បីផ្តល់ឱកាសឱ្យអ្នកផ្តល់ជំនួយ និងម្ចាស់សហគ្រាសធុនមីក្រូ តូច និងមធ្យម (MSME) បានជួបជុំ រួមទាំងភ្ជាប់ទំនាក់ទំនងគ្នាឱ្យកាន់តែជិតស្និទ្ធ និងផ្តល់ចំណេះដឹងដល់សហគ្រាសធុនមីក្រូ តូច និងមធ្យម (MSME) ដើម្បីត្រៀមខ្លួនឱ្យបានរួចរាល់សម្រាប់ស្នើសុំថវិកា ព្រមទាំងទាំងបច្ចេកទេសយកមកអភិវឌ្ឍស្ថាប័ន។
នៅក្នុងកម្មវិធីដ៏សំខាន់នេះ នឹងមានការអញ្ជើញចូលរួមពីតំណាងស្ថាប័នរដ្ឋ ធនាគារ ស្ថាប័នផ្តល់ជំនួយហិញ្ញវត្ថុ និងជំនួយបច្ចេកទេស រួមទាំងម្ចាស់អាជីវកម្មបរិយាបន្នដែលជោគជ័យក្នុងការស្នើរសុំកម្ចីក៏ដូចជាទទួលបានជំនួយបច្ចេកទេសផងដែរ។ បុគ្គលសំខាន់ៗទាំងអស់នោះ នឹងចែករំលែកបទពិសោធន៍ជាក់ស្តែងទៅកាន់ម្ចាស់សហគ្រាសធុនមីក្រូ តូច និងមធ្យម (MSME)ឱ្យបានយល់កាន់តែច្បាស់ពីរបៀបរៀបចំខ្លួនដើម្បីទទួលបានជំនួយ របៀបធ្វើបទបង្ហាញ រួមទាំងរបៀបប្រើប្រាស់ជំនួយយកមកអភិវឌ្ឍប្រកបដោយនិរន្តរភាពផងដែរ។ បន្ថែមពីលើនេះស្ថាប័នផ្តល់ជំនួយក៏នឹងបញ្ជាក់យ៉ាងលម្អិតផងដែរពីលក្ខខណ្ឌកំណត់ ព្រមទាំងរបៀបសម្រេចចិត្តមុននឹងផ្តល់ជំនួយទៅកាន់ សហគ្រាសខ្នាតមីក្រូ តូច និងមធ្យម (MSME)។
កម្មវិធី “ជំនួបសហគ្រិនវ័យក្មេង និងម្ចាស់អាជីវកម្ម” រៀបចំឡើងក្រោមកិច្ចសហការរវាង ក្រុមហ៊ុនអប្សរា មេឌា សឺវីស ឯ.ក (AMS) , សមាគមសហគ្រិនវ័យក្មេងកម្ពុជា (YEAC) និងសហគ្រិនខ្មែរ (KE) ដោយក្នុងកម្មវិធីដ៏សំខាន់នេះក៏មានបទសម្ពោធដាក់ឱ្យដំណើរការគម្រោងពន្លឿនការប្រើប្រាស់ឌីជីថលដល់សហគ្រាសធុនមីក្រូ តូច និងមធ្យម (MSME) សម្រាប់សេដ្ឋកិច្ចឌីជីថល និងយុទ្ធនាការ ធុរកិច្ចបរិយាបន្នផងដែរ។ ភ្ញៀវកិត្តិយសទាំងអស់ដែលចូលរួមនឹងទទួលបានប័ណ្ណទឹកប្រាក់ ១០០ ដុល្លារសម្រាប់ប្រើប្រាស់សេវាកម្មនានាក្នុងក្រុមហ៊ុនអប្សរា មេឌា សឺវីស ឯ.ក (AMS)៕
Account
Security
Favourite Content