សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រសួងកសិកម្ម រុក្ខាប្រមាញ់ និងនេសាទ បាន និងកំពុងពិភាក្សាអំពីការងារស្រាវជ្រាវ និងអភិវឌ្ឍន៍កសិកម្ម រុក្ខាប្រមាញ់ និងនេសាទ ជាពិសេសគឺការបង្កើត«បណ្ឌិត្យសភាវិទ្យាសាស្ត្រកសិកម្មកម្ពុជា»។
នៅព្រឹកថ្ងៃទី០៣ ខែមករា ឆ្នាំ២០២៤ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងថ្នាក់ដឹកនាំក្រសួង បានប្រជុំពិភាក្សាលើការងារស្រាវជ្រាវ និងអភិវឌ្ឍន៍កសិកម្ម រុក្ខាប្រមាញ់ និងនេសាទ នៅទីស្តីការក្រសួងកសិកម្ម រុក្ខាប្រមាញ់ និងនេសាទ។
ក្នុងកិច្ចប្រជុំនេះ ឯកឧត្តមរដ្ឋមន្ត្រី បានគូសបញ្ជាក់ថា៖
« ការបង្កើតបណ្ឌិត្យសភាវិទ្យាសាស្ត្រកសិកម្មកម្ពុជា មានតួនាទីសំខាន់ណាស់ក្នុងការស្រាវជ្រាវ និងវិភាគ ដើម្បីអភិវឌ្ឍន៍វិស័យកសិកម្ម រុក្ខាប្រមាញ់ និងនេសាទ នៅកម្ពុជា»។
ជាយន្តការ ឯកឧត្តមរដ្ឋមន្ត្រី បានណែនាំឱ្យមានការរៀបចំរចនាសម្ព័ន្ធឱ្យបានត្រឹមត្រូវ មានធនធានមនុស្ស និងថវិកា ដើម្បីដំណើរការដោយមិនបង្កើតការិយាធិបតេយ្យ និងមិនបង្កើនការចំណាយ តែមានលទ្ធភាពរកចំណូល និងមានប្រសិទ្ធភាពបំផុត។
លោកជំទាវ អ៊ឹម រចនា អនុរដ្ឋលេខាធិកាក្រសួងកសិកម្ម រុក្ខាប្រមាញ់ និងនេសាទ និងជាអ្នកនាំពាក្យក្រសួង បានឱ្យដឹងថា ៖ បណ្ឌិត្យសភាវិទ្យាសាស្ត្រកសិកម្មកម្ពុជា ជាគ្រឹះស្ថានសាធារណៈរដ្ឋបាល ថ្នាក់ស្មើអគ្គនាយកដ្ឋាន ដែលដឹកនាំដោយក្រុមប្រឹក្សាភិបាល មានអង្គភាពចំណុះចំនួន៨ ដោយក្នុងនោះមានអង្គភាពដែលមានស្រាប់ចំនួន៧ និងអង្គភាពបង្កើតថ្មីចំនួន១។
ទាក់ទងនឹងការបង្កើតបណ្ឌិត្យសភាវិទ្យាសាស្ត្រកសិកម្មកម្ពុជានេះ លោកជំទាវអនុរដ្ឋលេខាធិការ បានប្រាប់ AMS Economy ថា ៖
« បច្ចុប្បន្នយើងកំពុងស្ថិតក្នុងដំណាក់កាលពិភាក្សាគ្នាស្វែងរកធាតុចូល ។ យើងកំពុងជជែកគ្នា ជាបឋម ហើយនឹងបន្តពិភាក្សាគ្នាបន្តទៀតមុននឹងសម្រេចជាផ្លូវការឈានទៅដល់ការបង្កើតបណ្ឌិត្យសភាវិទ្យាសាស្ត្រកសិកម្មកម្ពុជា»៕
Account
Security
Favourite Content