សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ មនុស្សជាច្រើននៅលើសកលលោកសុទ្ធតៃបានទទួលស្គាល់ថា ស្វីស គឺជាប្រទេសអ្នកមានទ្រព្យសម្បត្តិស្តុកស្តមបំផុតមួយរបស់ពិភពលោក មានប្រជាជនតិច មិនមានប្រវត្តិឈ្លានពានអ្នកណា ហើយថែមទាំងជាប់ឈ្មោះជាប្រទេសដែលមានគោលនយោបាយអព្យាក្រឹតបំផុតផងដែរ។ ប៉ុន្តែ ទោះជាយ៉ាងណាក្តី រដ្ឋាភិបាលនៃប្រទេសមួយនេះបានគិតគូរយ៉ាងដិតដល់ និងវែងឆ្ងាយខ្លាំងណាស់ចំពោះវិស័យការពារជាតិរបស់ខ្លួន ជាពិសេសសម្រាប់ពលរដ្ឋរបស់ខ្លួនទាំង៩លាននាក់។ បើទោះជាមិនធ្លាប់មានសង្គ្រាម ឬជម្លោះជាមួយនឹងប្រទេសជិតខាង តែ ស្វីស ហាក់ដូចជាជក់ចិត្តខ្លាំងទៅលើវិធីសាស្ត្រនៃការការពារខ្លួនមួយប្រភេទ នោះគឺជាការកសាងលេណដ្ឋានសម្រាប់ជម្លៀសខ្លួនក្នុងគ្រាអាសន្ន ឬករណីមានសង្គ្រាមណាមួយផ្ទុះឡើង។
លេណដ្ឋានយ៉ាងហោចណាស់ប្រមាណ ៣៦ម៉ឺនកន្លែងនៅទូទាំងប្រទេស ដែល ស្វីស បានសាងសង់ឡើង និងមានសមត្ថភាពអាចផ្ទុកពលរដ្ឋរបស់ខ្លួនទាំង៩លាននាក់បានយ៉ាងងាយស្រួលនៅក្នុងករណីហេតុការណ៍ណាមួយកើតឡើង។
ស្វីស បានចំណាយលុយយ៉ាងច្រើនសម្រាប់កិច្ចខិតខំមួយនេះ ហើយទោះបីជាមិនទាន់ដែលបានប្រើប្រាស់នៅឡើយក្តី ប៉ុន្តែរដ្ឋាភិបាលស្វីសបានចំណាយលុយយ៉ាងហោចណាស់ជាង២០០លានដុល្លាររៀងរាល់ឆ្នាំដើម្បីថែរក្សាជួសជុលលេណដ្ឋានទំនើបទាំងនោះឲ្យនៅតែមានស្ថានភាពល្អប្រសើរគ្រប់ពេលវេលា។
គួរឲ្យដឹងដែរថា ក្នុងមាត្រាច្បាប់ដែលរដ្ឋាភិបាលស្វីសអនុម័តកាលពីឆ្នាំ១៩៦៣ បានបញ្ជាក់ថា ពលរដ្ឋទាំងអស់ដែលរស់នៅក្នុងប្រទេសរួមទាំងជនភៀសខ្លួន ពលរដ្ឋបរទេសដែលកំពុងធ្វើការងារ ឬរស់នៅក្នុងប្រទេសក្តី សុទ្ធតែមានសិទ្ធិក្នុងការប្រើប្រាស់លេណដ្ឋានទាំងអស់នោះដូចគ្នាក្នុងករណីមានការទំលាក់គ្រាប់បែក និងកលយុគណាមួយកើតឡើង។
បណ្តាញសាងសង់លេណដ្ឋានភៀសខ្លួនទំនើបៗរបស់ស្វីសមានសារៈសំខាន់ និងផ្សារភ្ជាប់ជាមួយនឹងអាជ្ញាធរបស់ប្រទេសនៅតាមតំបន់នានាបូករួមទាំងផ្លុវរថភ្លើងក្រោមដីទៅដល់ទីតាំងរក្សាទុកស្រាក្រហម ឬទីតាំងរបស់យោធានៅក្រោមដី។
បច្ចេកវិទ្យាដ៏ទំនើបរបស់លេណដ្ឋាននៅប្រទេសស្វីសមិនមែនជាលេណដ្ឋានសម្រាប់តែគេចគ្រាប់បែក និងកាំភ្លើងធម្មតាៗដូចលេណដ្ឋានផ្សេងនោះទេ។ វាជាទីតាំងដែលអាចរស់នៅបានច្រើនគ្នា និងបានយូរថ្ងៃ ហើយមិនត្រឹមតែប៉ុណ្ណោះ ទោះបីជាមានករណីវាយប្រហារដោយគ្រាប់នុយក្លេអ៊ែរក៏ដោយ ក៏វាមានសមត្ថភាពគ្រប់គ្រាន់ក្នុងការការពារអាយុជីវិតរបស់ពលរដ្ឋស្វីសបានដែរ៕
Account
Security
Favourite Content