សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ទីបំផុត ក្រោយការទន្ទឹងរង់ចាំអស់រយៈពេលយ៉ាងយូរនោះ កងកម្លាំងយោធានៃប្រទេសអ៊ុយក្រែននឹងអាចទទួលបានយន្តហោះចម្បាំងទំនើបបំផុតរបស់អាមេរិក F-16 តាមសំណើហើយទោះបីជាមិនទាន់អាចបញ្ជាក់លំអិតអំពីចំនួនប្រាកដនៅឡើយក្តី។
នាយករដ្ឋមន្ត្រីហូឡង់នៅក្នុងជំនួបដោយផ្ទាល់ជាមួយនឹងលោកប្រធានាធិបតីអ៊ុយក្រែនកាលពីថ្ងៃអាទិត្យនោះបានអះអាងថា ប្រទេសហូឡង់ និងដាណឺម៉ាក នឹងក្លាយជាប្រទេសដំបូងគេបំផុតក្នុងការផ្កត់ផ្គង់យន្តហោះចម្បាំងប្រភេទនេះតាមរយៈកិច្ចសហប្រតិបត្តិការជាមួយនឹងសហរដ្ឋអាមេរិក និងសម្ព័ន្ធមិត្តផ្សេងទៀត។
ទោះបីជាភាគីខាងសមាជិកណាតូមិនហ៊ានអះអាងអំពីចំនួនយន្តហោះចម្បាំងដែលត្រូវផ្តល់ឲ្យក្តី ប៉ុន្តែភាគីលោក Zelensky ហាក់ដូចជាមានជំនឿចិត្តច្បាស់ណាស់ថានឹងអាទទួលបានយន្តហោះចម្បាំងថ្មីៗ F-16 យ៉ាងហោចណាស់៤២គ្រឿងនិងនៅក្រោយពេលដែលពីឡុតអ៊ុយក្រែនបញ្ចប់វគ្គហ្វឹកហាត់ហោះហើរនៅអឺរ៉ុប។
កាលពីថ្ងៃសៅរ៍ចុងសប្តាហ៍កន្លងមករដ្ឋមន្ត្រីក្រសួងការពារជាតិអ៊ុយក្រែន លោក Oleksii Reznikov បានថ្លែងថា វគ្គហ្វឹកហាត់ពីឡុតអ៊ុយក្រែនសម្រាប់ការប្រើប្រាស់យន្តហោះចម្បាំង F-16 គឺបានចាប់ផ្តើមដំណើរការរួចរាល់ដែលតាមផែនការវគ្គនេះនឹងអាចបញ្ចប់ទៅត្រឹមរយៈពេល៦ខែខាងមុខ។
តើនឹងមានការវិវត្តយ៉ាងណាបន្ថែមទៀតសម្រាប់ស្ថានភាពជម្លោះនៅអ៊ុយក្រែនក្រោយពេលដែលពីឡុតអ៊ុយក្រែនអាចធ្វើការហោះហើរយន្តហោះចម្បាំង F-16?
អស់រយៈពេលជាង១ឆ្នាំមុនពេលដែលរដ្ឋបាលអាមេរិក លោក Joe Biden បានផ្លាស់ប្តូរការសម្រេចចិត្តសាជាថ្មី ពោលគឺនៅថ្ងៃទី១៩ខែឧសភាកន្លងដោយការប្រកាសអនុញ្ញាតឲ្យមានការផ្គត់ផ្គង់ F-16 ជូនអ៊ុយក្រែន ប៉ុន្តែក្នុងលក្ខខណ្ឌតែមួយគត់គឺហាមប្រាមការហោះហើរទាំងឡាយណាដែលចូលទៅដល់ទឹកដីរបស់រុស្ស៊ីទាំងដែលយើងអាចមើលឃើញហើយថាជាធម្មតាការសន្យានៅលើសមរភូមិហាក់ដូចជាមិនសូវបានអនុវត្តខ្ជាប់ខ្ជួននោះឡើយ ឬមិនអាចរាយការណ៍បានត្រឹមត្រូវ និងបានត្រឹមតែការចោទប្រកាន់ដាក់គ្នាទៅវិញទៅមកប៉ុណ្ណោះ។
ស្ថានភាពអ៊ុយក្រែនមុនពេលមាន F-16 សម្រាប់ប្រតិបត្តិការវាយប្រហារតាមអាកាសនោះកងកម្លាំងក្រុងគៀវមានប្រើប្រាស់ត្រឹមតែយន្តហោះម៉ូដេលចាស់សល់ពីសូវៀត MiG-29 ប៉ុណ្ណោះដែលមិនមានលទ្ធភាពក្នុងការវាយប្រហារចូលដល់រុស្សីឬសូម្បីចូលក្បែរព្រំដែនរបស់រុស្ស៊ីឡើយទាំងល្បឿន និងបច្ចេកវិទ្យាប្រយុទ្ធ។
យន្តហោះចម្បាំងទំនើបរុស្ស៊ីអាចហោះហើរបានឆ្ងាយនិងលឿនជាងយន្តហោះរបស់អ៊ុយក្រែនដល់ទៅ ២ ឬ៣ដង និងប្រព័ន្ធរ៉ាដាយ៉ាងមានប្រសិទ្ធភាពផងដែរ។
ប្រតិបត្តិការវាយបករបស់អ៊ុយក្រែនដែលធ្វើឡើងកាលពីខែមិថុនាមិនអាចធ្វើអ្វីរុស្ស៊ីបានឡើយ ហើយបានត្រឹមបាត់បង់ជីវិតយោធាដល់ទៅជាង ៤៣ ០០០នាក់ និងអាវុធដល់ជាង ៥០០០គ្រឿងផ្សេងទៀតដោយពុំអាចបំបែករបាំងការពាររបស់រុស្ស៊ីបានឡើយ ជាពិសេសចំការមីនដ៏រឹងម៉ាំដែលរៀបចំដោយទ័ពរុស្ស៊ី។
ដូច្នេះ អ៊ុយក្រែនចាំបាច់មានតែការវាយប្រហារតាមអាកាសប៉ុណ្ណោះទើបអាចសង្ឃឹមទទួលបានលទ្ធផលល្អប្រសើរឡើងវិញ ហើយដែលចាំបាច់បំផុតត្រូវតែធ្វើឡើងនៅមុនកាលបោះឆ្នោតរបស់អាមេរិកមកដល់នៅថ្ងៃទី៥ ខែវិច្ឆិកា ឆ្នាំ២០២៤ បើមិនដូច្នោះទេជំហរបស់រដ្ឋាភិបាលក្រុងវ៉ាស៊ិនតោន និងអង្គការណាតូទាំងមូលនឹងអាចមានការផ្លាស់ប្តូរចំពោះអ៊ុយក្រែន ជាពិសេសប្រសិនបើប្រធានាធិបតីជាប់ឆ្នោតថ្មីគឺជាលោក Donald Trump ដែលតែងតែមានជំហក្នុងការបញ្ចប់សង្គ្រាមងាយៗលឿនៗមិនខ្វល់ពីប្រវត្តិនៃជម្លោះនោះឡើយ៕
Account
Security
Favourite Content