សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ រដ្ឋអារីហ្សូណា សហរដ្ឋអាម៉េរិក សប្តាហ៍នេះបានប្រកាសអនុម័តគម្រោងសាងសង់រោងចក្រថ្មីមួយកន្លែងដែលលាតសន្ធឹងលើផ្ទៃក្រឡា២០០០អា ឬប្រមាណជាង ៨០០ហិកតាដែលអាចផ្គត់ផ្គង់ថាមពលអគ្គិសនីដល់ពលរដ្ឋដល់ទៅរាប់ពានគ្រួសារ។
ប្រភពចេញផ្សាយដោយកាសែត The Phoeniz Business Journal បានរាយការណ៍ថា រោងចក្រផលិតថាមពលពីពន្លឺព្រះអាទិត្យនេះ មិនត្រឹមតែអាចផ្តល់អគ្គិសនីនោះទេ ថែមទាំងអាចបង្កើតការងារថ្មីជូនពលរដ្ឋក្នុងតំបន់ ជាពិសេសអាចផ្តល់ប្រាក់ចំណូលពន្ធមកឲ្យរដ្ឋាភិបាលអាម៉េរិកវិញប្រមាណជាង១០០លានដុល្លារជារៀងរាល់ឆ្នាំផងដែរ។
តាមផែនការ ក្រុមហ៊ុនដែលមានមូលដ្ឋាននៅរដ្ឋកាលីហ្វ័រញ៉ា Avantus Clean Energy គឺជាអ្នករ៉ាប់រ៉ងកិច្ចការងារសាងសង់រោងចក្រនេះ។ គម្រោងដែលហៅឈ្មោះថា Pinyon Solar Project នឹងចាប់ផ្តើមសាងសង់នៅក្នុងឆ្នាំ២០២៦ ហើយរំពឹងទុកថា នឹងអាចបញ្ចប់ការដ្ឋាននៅត្រឹមឆ្នាំ២០២៨។
ប្រភពដដែលបានសសេរទៀតថា ក្នុងដំណាក់កាលសាងសង់គម្រោងនេះបានផ្តល់ការងារប្រមាណជា ៥០០នាក់ ហើយសម្រាប់ទីតាំងនឹងរៀបចំនៅក្នុងទីក្រុង Phoenix ភាគខាងត្បូងដែលជាទីតាំងអាចផ្តល់ផលប៉ះពាល់តិចតួចបំផុតដល់បរិស្ថាន និងសហគមន៍រស់នៅរបស់ពលរដ្ឋ។
ប្រធានផ្នែកគ្រប់គ្រងរបស់ក្រុមហ៊ុន Avantus Clean Energy លោក Colin Mann បានប្រាប់ក្រុមអ្នកកាសែតថា ក្រោយបញ្ចប់គម្រោងរោងចក្រថាមពលស្អាតនេះ លំនៅដ្ឋានប្រមាណជា៧ម៉ឺនខ្នងនឹងអាចទទួលបានការផ្គត់ផ្គងថាមពលពេញលេញ ផ្តល់ការងារថ្មីៗផង និងជាពិសេសអាចឲ្យអជ្ញាធរក្នុងតំបន់ប្រមូលពន្ធបានទៅដល់ជាង១០០លានដុល្លាររៀងរាល់ឆ្នាំយកមកពង្រឹងសេវាកម្មសាធារណៈក៏ដូចជាការអភិវឌ្ឍគម្រោងហេដ្ឋារចនាសម្ព័ន្ធក្នុងតំបន់បន្ថែមផ្សេងទៀតដែរ។
គួរឲ្យដឹងដែរថា អារីហ្សូណានេះគឺជារដ្ឋដែលសំបូរទៅដោយពន្លឺថ្ងៃច្រើនជាងគេក្នុងចំណោមរដ្ឋទាំងអស់របស់អាម៉េរិក ហើយបច្ចុប្បន្ន កំពុងស្ថិតនៅចំណាត់ថ្នាក់លេខ៤ ក្នុងនាមជារដ្ឋដែលអាចផលិតថាមពលពន្លឺព្រះអាទិត្យបានច្រើនជាងគេ។ តាមការព្យាករណ៍ ការបង្កើនថាមពលអគ្គិសនីផ្អែកលើថាមពលស្អាតនៅអាម៉េរិកកំពុងជួយឲ្យពលរដ្ឋអាម៉េរិកសន្សំលុយចំណាយសម្រាប់ថាមពលប្រើប្រាស់កាន់តែតិចឡើងដែលជាមធ្យមតម្លៃរបស់វាបានបន្តធ្លាក់ចុះប្រមាណជា២០ភាគរយជារៀងរាល់ទសវត្សរ៍៕
Account
Security
Favourite Content